ການສ້າງສາຜະລິດຕະກຳພື້ນຖານແລະພື້ນຖານໂຄງລ່າງຂອງຈີນໃນ30ປີມານີ້ເພີ່ມທະວີຂຶ້ນຢ່າງຈະແຈ້ງ
-----------------------------------------------------------------------------------------------------------------
ຕາມຂ່າວcri:ບົດລາຍງານສະບັບໜຶ່ງທີ່ກົມສະຖິຕິແຫ່ງຊາດຈີນເປີດເຜີຍສະແດງໃຫ້ເຫັນວ່າ,ແຕ່ດຳເນີນການປະຕິຮູບແລະໄຂປະຕູສູ່ພາຍນອກໃນ30ປີມານີ້,ຜະລິດຕະກຳພື້ນຖານແລະພື້ນຖານໂຄງລ່າງຂອງຈີນເພີ່ມທະວີຢ່າງຈະແຈ້ງ.
ບົດລາຍງານກ່າວວ່າ,ແຕ່ປີ1979ຫາປີ2007,ການລົງທຶນໃນດ້ານຜະລິດຕະກຳພື້ນຖານແລະພື້ນຖານໂຄງລ່າງທົ່ວປະເທດຈີນມີເກືອບ30000ຕື້ຢວນ,ກວມ30%ການລົງທຶນທົ່ວສັງຄົມໃນໄລຍະດຽວກັນ.ການສ້າງສາຂອງໂຄງການສຳຄັນງວດໜຶ່ງຄືສົ່ງອາຍແກັສທຳມະຊາດຈາກພາກຕາເວັນຕົກສູ່ພາກຕາເວັນອອກ,ສົ່ງນ້ຳພາກໃຕ້ສູ່ພາກເໜືອ,ຢຸດຕິການປູກຝັງກັບມາປູກຕົ້ນໄມ້ຕົ້ນຫຍ້າເປັນຕົ້ນໄດ້ສຳເລັດຢ່າງສະດວກຫຼພວມືກ້າວໄປໜ້າ.
ບົດລາຍງານກ່າວວ່າ,ໂດຍຜ່ານຈາກການລົງທຶນສ້າງສາຢ່າງຂະໜາດໃຫຍ່,ຄວາມສາມາດແລະລະດັບການຜະລິດຂອງຜະລິດຕະກຳພື້ນຖານແລະພື້ນຖານໂຄງລ່າງຂອງຈີນໄດ້ຍົກສູງຢ່າງຫຼວງຫຼາຍ,ກະສິກຳ,ພະລັງງານ,ຄວາມສາມາດທີ່ສະໜອງອຸປະກອນ,ວັດຖຸດິບກ້າວຂຶ້ນສູ່ລະດັບໃໝ່,ຄົມທະນາຄົມຂົນສົ່ງ,ໄປສະນີໂທລະຄົມມະນາຄົມໄດ້ຈໍ່ຕົວຂຶ້ນເປັນລະບົບເຄືອຄາຍທີ່ປົກຫຸ້ມທົ່ວປະເທດ,ສິ່ງເວດລ້ອມຊົນລະປະທານ,ພື້ນຖານໂຄງລ່າງຂອງການສຶກສາວັດທະນະທຳສາທາລະນະສຸກກິລາໄດ້ເພີ່ມທະວີຂຶ້ນຢ່າງຈະແຈ້ງ.
