ເສັ້ນທາງຂະຫຍາຍການພົວພັນລະຫວ່າງສອງຝັ່ງໂດຍສັນຕິຍ່ອມຈະນັບມື້ນັບກວ້າງອອກ
-----------------------------------------------------------------------------------------------------------------
ຕາມຂ່າວ cri:ຕອນຄ່ຳວັນທີ 6 ພະຈິກນີ້, ຢູ່ໄຕເປ,ທ່ານເສີນຢຸນລິນ ປະທານສະມາຄົມການພົວພັນລະຫວ່າງສອງຝັ່ງແຜ່ນດິນໃຫຍ່ຈີນກ່າວວ່າ, ເສັ້ນທາງຂະຫຍາຍການພົວພັນລະຫວ່າງສອງຝັ່ງໂດຍສັນຕິຍ່ອມຈະນັບມື້ນັບກວ້າງກວ່າເກົ່າ.
ຕອນຄ່ຳວັນທີ 6 ພະຈິກນີ້, ໃນເວລາກ່າວຄຳຕອບຂອບໃຈໃນງານລ້ຽງອາຫານຄ່ຳທີ່ສະມາຄົມການພົວພັນລະຫວ່າງສອງຝັ່ງແຜ່ນດິນໃຫຍ່ຈີນຈັດຂຶ້ນ,ທ່ານເສີນຢຸນລິນກ່າວວ່າ, ໃນຫລາຍມື້ທີ່ຢູ່ໄຕ້ຫວັນ, ທ່ານມີຄວາມຮູ້ສຶກຢ່າງແຮງກ້າວ່າ, ປະຊາຊົນໄຕ້ຫວັນອັນໄພສານເອົາໃຈໃສ່ນຳການປຶກສາຫາລືລະຫວ່າງສະມາຄົມການພົວພັນສອງຝັ່ງຊ່ອງແຄບແຜ່ນດິນໃຫຍ່ກັບມູນນິທິການແລກປ່ຽນສອງຝັ່ງຊ່ອງແຄບໄຕ້ຫວັນ,ຫວັງຢາກໃຫ້ສອງຝັ່ງລົງເລິກການແລກປ່ຽນ,ໃຫ້ສອງຝ່າຍໄດ້ຮັບຜົນປະໂຫຍດນຳກັນ,ຊຸກຍູ້ການພົວພັນລະຫວ່າງສອງຝັ່ງຂະຫຍາຍຕົວໂດຍສັນຕິ.ຄວາມເອົາໃຈໃສ່ແລະຄວາມຄອງຄອຍດັ່ງກ່າວ,ຍ່ອມຈະກາຍເປັນພະລັງອັນແຂງແຮງທີ່ຊຸກຍູ້ການປຶກສາຫາລືກັນລະຫວ່າງສອງຝັ່ງຕໍ່ໄປ.
ທ່ານເສີນຢຸນລິນກ່າວວ່າ, ພວກເຮົາຮູ້ແຈ້ງປະສົບການຂອງພີ່ນ້ອງຮ່ວມຊາດໄຕ້ຫວັນໃນຮ້ອຍກວ່າປີມານີ້, ຮູ້ວ່າພີ່ນ້ອງຮ່ວມຊາດບາງຄົນມີຄວາມເຫັນຕ່າງກັນຕໍ່ການພົວພັນລະຫວ່າງສອງຝັ່ງ,ນີ້ກໍ່ຕ້ອງການໃຫ້ພວກເຮົາທຳຄວາມເຂົ້າໃຈກັນແລະແກ້ໄຂດ້ວຍຄວາມຈິງໃຈແລະຄວາມອົດທົນຫລາຍກວ່າເກົ່າ.ຂໍແຕ່ພວກເຮົາມີແຕ່ລົງເລິກແກ້ໄຂບັນຫາເສດຖະກິດແລະຊີວິດການເປັນຢູ່ທີ່ກ່ຽວພັນກັບຜົນປະໂຫຍດຂອງປະຊາຊົນ, ສະສົມຫມາກຜົນທີ່ໄດ້ຮັບ, ເພີ່ມຄວາມໄວ້ເນື້ອເຊື່ອໃຈກັນ,ອີງໃສ່ນ້ຳໃຈປຶກສາຫາລືກັນແກ້ໄຂຄວາມເຫັນຂັດກັນແລະເອົາການຮ່ວມມືກັນເຂົ້າແທນການເປັນປໍລະປັກກັນ,ເສັ້ນທາງຂະຫຍາຍການພົວພັນລະຫວ່າງສອງຝັ່ງໂດຍສັນຕິກໍ່ຍ່ອມຈະນັບມື້ນັບກວ້າງອອກ.
