ກະຊວງການຄ້າຈີນກ່າວວ່າ, ຈີນອາເມລິກາຄວນເພີ່ມທະວີການຮ່ວມມືກັນເພື່ອຊຸກຍູ້ການປົກປ້ອງສິດຊັບສິນທາງປັນຍາ

(GMT+08:00) 2008-11-08 17:16:38 cri
-----------------------------------------------------------------------------------------------------------------

ຕາມຂ່າວສານຊີນຮວາ: ວັນທີ 7 ພະຈິກນີ້, ຢູ່ທີ່ປັກກິ່ງ, ທ່ານຊົງຊວນ ຜູ່ຊ່ວຍລັດຖະມົນຕີວ່າການກະຊວງການຄ້າຈີນກ່າວວ່າ, ປັດຈຸບັນ, ຈີນອາເມລິກາຄວນເພີ່ມທະວີການຮ່ວມມືກັນເພື່ອຊຸກຍູ້ການປົກປ້ອງສິດຊັບສິນທາງປັນຍາ.

ໃນກອງປະຊຸມໂຕະມົນກ່ຽວກັບສິດຊັບສິນທາງປັນຍາຂອງເອກອັກຄະລັດຖະທູດອາເມລິກາປະຈຳຈີນຄັ້ງທີ 7, ທ່ານຊົງຊວນກ່າວວ່າ, ເພື່ອຮັບມືແກ້ໄຂວິກິດການການເງິນສາກົນທີ່ແຜ່ລາມໃນທົ່ວໂລກ, ໃນຂົງເຂດສິດຊັບສິນທາງປັນຍາ, ຈີນແລະອາເມລິກາຄວນເພີ່ມທະວີການຮ່ວມມືເລື້ອຍໆ, ພ້ອມກັນຍົກລະດັບປົກປ້ອງສິດຊັບສິນທາງປັນຍາໃຫ້ສູງຂຶ້ນ, ຊຸກຍູ້ການແລກປ່ຽນແລະເຜີຍແຜ່ເຕັກນິກ, ເພື່ອປະກອບສ່ວນເຂົ້າໃນການເຮັດໃຫ້ການພົວພັນເສດຖະກິດການຄ້າລະຫວ່າງສອງປະເທດພັດທະນາຢ່າງຫນັກແຫນ້ນ.

ທ່ານຊົງຊວນກ່າວວ່າ, ໃນສູ່ມື້ນີ້ທີ່ເສດຖະກິດໂລກາພິວັດນັບມື້ນັບຂະຫຍາຍຕົວລົງສູ່ລວງເລິກ, ການແກ້ໄຂບັນຫາສິດຊັບສິນທາງປັນຍາແມ່ນແຍກອອກຈາກການຮ່ວມມືລະຫວ່າງປະເທດກັບປະເທດບໍ່ໄດ້,ການສົນທະນາແລະການຮ່ວມມືໄດ້ກາຍເປັນກະແສແຫ່ງການປົກປ້ອງສິດຊັບສິນທາງປັນຍາ,ມີແຕ່ຮ່ວມມືກັນ, ຈິ່ງສາມາດແກ້ໄຂບັນຫາຕ່າງໆທີ່ມີຢູ່ໃນຕະຫລອດຂະບວນການພັດທະນາ, ແລະຜ່ານຜ່າອຸປະສັກຕ່າງໆນາໆໃນການກ້າວໄປຫນ້າ.

ຂ່າວ-ບົດທີ່ກ່ຽວຂ້ອງ

ຄຳເຫັນ