ດາວທຽມເວເນຊູເອລາ-1ທີ່ຈີນສົ່ງຂຶ້ນສູ່ອະວະກາດນັ້ນເຂົ້າສູ່ວົງໂຄຈອນຢ່າງສຳເລັດຜົນ
-----------------------------------------------------------------------------------------------------------------
ຕາມຂ່າວCRI,ດາວທຽມສື່ສານ"ເວເນຊູແອລາ-1"ທີ່ຈີນ ສົ່ງຂຶ້ນສູ່ອະວະກາດນັ້ນໄດ້ເຂົ້າສູ່ວົງໂຄຈອນຢູ່ທ້ອງຟ້າເສັ້ນສູນສູດເສັ້ນແວງ78ອົງສາຢ່າງສຳເລັດຜົນໃນຕອນບ່າຍວັນທີ9ພະຈິກນີ້.
ດາວທຽມສື່ສານ"ເວເນຊູເອລາ-1"ແມ່ນສົ່ງຂຶ້ນສູ່ອະວະກາດດ້ວຍຈະຫຼວດສົ່ງ ຍານ"ສາງເຈິ່ງ3B"ທີ່ຈີນຜະລິດເອງນັ້ນຢູ່ຖານສົ່ງດາວທຽມຊີ່ຊ່າງຈີນໃນວັນທີ30ຕຸລາແລ້ວນີ້. ນີ້ແມ່ນຈີນສະໜອງການບໍລິການສົ່ງດາວທຽມໃຫ້ແກ່ປະເທດອາເມລິກາລາຕິນເປັນເທື່ອທຳອິດ.
ທ່ານວາງໄຫໂປ່ ຜູ່ອຳນວຍການໃຫຍ່ບໍລິສັດແມ່ອຸດສາຫະກຳ"ສາງເສິງ"ຈີນທີ່ຂຶ້ນກັບກຸ່ມວິທະຍາສາດເຕັກໂນໂລຊີການບິນອະວະກາດຈີນ,ຝ່າຍຮັບເໝົາຂອງໂຄງການດັ່ງກ່າວແຈ້ງໃຫ້ຊາບວ່າ,ນັບມາຮອດປັດຈຸບັນ,ຈີນໄດ້ຮັບໜ້າທີ່ບໍລິການສົ່ງດາວທຽມທຸລະກິດສາກົນ29ເທື່ອແລ້ວ.ໃນຕໍ່ໜ້າ,ຈີນຍັງຈະສະໜອງການບໍລິການຄົບຊຸດທີ່ມີຂອບເຂດກວ້າງກວ່າເກົ່າໃຫ້ແກ່ລູກຄ້າໃນຂົງເຂດການນຳໃຊ້ຜະລິດຕະພັນວິທະຍາສາດເຕັກໂນໂລຊີການບິນອະວະກາດ,ເຊິ່ງລວມທັງແນະນຳລູກຄ້າພັດທະນາຄວາມຕ້ອງການດ້ານການປະຍຸກເຊັ່ນການປິ່ນປົວທາງໄກແລະການສຶກສາທາງໄກໂດຍຜ່ານດາວທຽມເປັນຕົ້ນ.
