ຈີນໃຊ້ມາດຕະການອັນແຂງແຮງເພື່ອຮັບມືກັບວິກິດການການເງິນສາກົນ
(GMT+08:00) 2008-11-11 10:35:25 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວCRI：ວັນທີ 10 ພະຈິກນີ້, ທ່ານເວີ່ນເຈຍປາວ ນາຍົກລັດຖະມົນຕີຈີນກ່າວວ່າ, ໂດຍປະເຊີນກັບສະຖານະການອັນຂ້ຽວຂາດຢູ່ພາຍໃນແລະຕ່າງປະເທດໃນປັດຈຸບັນນີ້, ການຮັກສາໃຫ້ເສດຖະກິດພັດທະນາຢ່າງໝັ້ນທ່ຽແລະອ່າວໄວ, ປ້ອງກັນບໍ່ໃຫ້ເກີດມີສະພາບຂຶ້ນໆລົງໆຢ່າງຮຸນແຮງ, ແມ່ນໜ້າທີ່ສຳຄັນກວ່າໝູ່ຂອງລັດຖະບານຈີນ.
ວັນທີ 10 ພະຈິກນີ້, ຢູ່ທີ່ປັກກິ່ງ, ຄະນະລັດຖະບານຈີນໄດ້ປະຊຸມຜູ້ຮັບຜິດຊອບຕົ້ນຕໍຂອງອົງການປົກຄອງປະຊາຊົນຂັ້ນແຂວງແລະພາກສ່ວນຂອງລັດຖະບານຈີນ. ທ່ານເວີ່ນເຈຍປາວກ່າວຄຳປາໃສວ່າ, ເພື່ອຮັບມືກັບຜົນສະທ້ອນທີ່ບໍ່ດີທີ່ວິກິດການການເງິນສາກົນນຳມາໃຫ້ເສດຖະກິດຈີນ, ຫວ່າງມໍ່ໆນີ້, ສູນກາງພັກກອມມູນິດຈີນ ແລະລັດຖະບານຈີນໄດ້ຕົກລົງປະຕິບັດນະໂຍບາຍການເງິນທີ່ຕັ້ງໜ້າແລະນະໂຍບາຍເງິນຕາທີ່ໂຍະຍານສົມຄວນ, ຈະວາງນະໂຍບາຍມາດຕະການອັນແຂງແຮງກວ່າເກົ່າມາຊຸກຍູ້ພັດທະນາເສດຖະກິດ. ປະຕິບັດມາດຕະການເຫຼົ່ານີ້ມີຄາດໝາຍລວມທີ່ວ່າ: ລົງມືຕ້ອງໄວ, ອອກໝັດຕ້ອງໜັກ, ມາດຕະການຕ້ອງມີຄວາມແມ່ນຢຳ, ວຽກງານຕ້ອງປະຕິບັດຢ່າງຈິງຈັງ.
ມື້ດຽວກັນ, ທະນາຄານປະຊາຊົນຈີນຊຶ່ງເປັນທະນາຄານກາງຈີນກ່າວວ່າ, ຈະວາງມາດຕະການລະອຽດ, ເຮັດວຽກບໍລິການການເງິນຕ່າງໆທີ່ເປີດກວ້າງຄວາມຕ້ອງການພາຍໃນຕື່ມອີກແລະຮັກສາໃຫ້ເສດຖະກິດເຕີບໂຕຢ່າງໝັ້ນທ່ຽງແລະອ່າວໄວຢ່າງແທ້ຈິງ. ມາດຕະການລວມມີ: ການຮັບປະກັນໃຫ້ລະບົບການເງິນຈໍລະຈອນຢ່າງເຕັມສ່ວນ; ຮັກສາເງິນກູ້ສິນເຊື່ອເງິນຕາເຕີບໂຕຢ່າງເໝາະສົມ, ຍົກເລີກການຈຳກັດຕໍ່ຂະໜາດສິນເຊື່ອຂອງທະນາຄານການຄ້າ; ສົ່ງເສີມແລະຊີ້ນຳອົງການການເງິນເພີ່ມທະວີການສະໜັບສະໜູນສິນເຊື່ອຕໍ່ວິສາກະກິດຂະໜາດກາງແລະຂະໜາດນ້ອຍ, ກະສິກຳ, ແລະການສ້າງສາຄືນໃໝ່ຫຼັງໄພເປັນຕົ້ນ; ເສີມຂະຫຍາຍບົດບາດຫ້າງຫາເງິນທຶນຂອງຕະຫຼາດພັນທະບັດຕື່ມອີກ, ເປີດກວ້າງຊ່ອງທາງຫ້າງຫາທຶນຂອງວິສາຫະກິດ, ແລະອື່ນໆ.
ມື້ດຽວກັນ, ຂ່າວສານຊີນຮວາໄດ້ພິມບົດຄວາມຂອງນັກວິຈານ, ຊີ້ອອກວ່າ, ໃນປັດຈຸບັນນີ້, ວິກິດການການເງິນສາກົນໄດ້ກະທົບການພັດທະນາຂອງເສດຖະກິດໂລກຢ່າງໜັກໜ່ວງ, ຜົນສະທ້ອນທີ່ມີຕໍ່ເສດຖະກິດຈີນກໍ່ນັບມື້ນັບຊັດເຈນ. ລັດຖະບານຈີນເດັດດດ່ຽວປັບປຸງນະໂຍບາຍເສດຖະກິດມະຫາພາກຂອງຈີນຢ່າງໃຫຍ່ຫຼວງ, ແມ່ນສັນຍານນະໂຍບາຍອັນແຂງແຮງຂອງຈີນເພື່ອຮັບມືກັບການທ້າທາຍຂອງວິກິດການການເງິນສາກົນ, ແກ້ໄຂຄວາມຫຍຸ້ງຍາກອັນພົ້ນເດັ່ນດ້ານເສດຖະກິດທີ່ພວມປະເຊີນຢູ່ໃນປັດຈຸບັນ, ແລະຮັກສາໃຫ້ເສດຖະກິດພັດທະນາຢ່າງໝັ້ນທ່ຽງແລະອ່າວໄວ.
ວັນທີ 10 ພະຈິກນີ້, ຢູ່ທີ່ປັກກິ່ງ, ຄະນະລັດຖະບານຈີນໄດ້ປະຊຸມຜູ້ຮັບຜິດຊອບຕົ້ນຕໍຂອງອົງການປົກຄອງປະຊາຊົນຂັ້ນແຂວງແລະພາກສ່ວນຂອງລັດຖະບານຈີນ. ທ່ານເວີ່ນເຈຍປາວກ່າວຄຳປາໃສວ່າ, ເພື່ອຮັບມືກັບຜົນສະທ້ອນທີ່ບໍ່ດີທີ່ວິກິດການການເງິນສາກົນນຳມາໃຫ້ເສດຖະກິດຈີນ, ຫວ່າງມໍ່ໆນີ້, ສູນກາງພັກກອມມູນິດຈີນ ແລະລັດຖະບານຈີນໄດ້ຕົກລົງປະຕິບັດນະໂຍບາຍການເງິນທີ່ຕັ້ງໜ້າແລະນະໂຍບາຍເງິນຕາທີ່ໂຍະຍານສົມຄວນ, ຈະວາງນະໂຍບາຍມາດຕະການອັນແຂງແຮງກວ່າເກົ່າມາຊຸກຍູ້ພັດທະນາເສດຖະກິດ. ປະຕິບັດມາດຕະການເຫຼົ່ານີ້ມີຄາດໝາຍລວມທີ່ວ່າ: ລົງມືຕ້ອງໄວ, ອອກໝັດຕ້ອງໜັກ, ມາດຕະການຕ້ອງມີຄວາມແມ່ນຢຳ, ວຽກງານຕ້ອງປະຕິບັດຢ່າງຈິງຈັງ.
ມື້ດຽວກັນ, ທະນາຄານປະຊາຊົນຈີນຊຶ່ງເປັນທະນາຄານກາງຈີນກ່າວວ່າ, ຈະວາງມາດຕະການລະອຽດ, ເຮັດວຽກບໍລິການການເງິນຕ່າງໆທີ່ເປີດກວ້າງຄວາມຕ້ອງການພາຍໃນຕື່ມອີກແລະຮັກສາໃຫ້ເສດຖະກິດເຕີບໂຕຢ່າງໝັ້ນທ່ຽງແລະອ່າວໄວຢ່າງແທ້ຈິງ. ມາດຕະການລວມມີ: ການຮັບປະກັນໃຫ້ລະບົບການເງິນຈໍລະຈອນຢ່າງເຕັມສ່ວນ; ຮັກສາເງິນກູ້ສິນເຊື່ອເງິນຕາເຕີບໂຕຢ່າງເໝາະສົມ, ຍົກເລີກການຈຳກັດຕໍ່ຂະໜາດສິນເຊື່ອຂອງທະນາຄານການຄ້າ; ສົ່ງເສີມແລະຊີ້ນຳອົງການການເງິນເພີ່ມທະວີການສະໜັບສະໜູນສິນເຊື່ອຕໍ່ວິສາກະກິດຂະໜາດກາງແລະຂະໜາດນ້ອຍ, ກະສິກຳ, ແລະການສ້າງສາຄືນໃໝ່ຫຼັງໄພເປັນຕົ້ນ; ເສີມຂະຫຍາຍບົດບາດຫ້າງຫາເງິນທຶນຂອງຕະຫຼາດພັນທະບັດຕື່ມອີກ, ເປີດກວ້າງຊ່ອງທາງຫ້າງຫາທຶນຂອງວິສາຫະກິດ, ແລະອື່ນໆ.
ມື້ດຽວກັນ, ຂ່າວສານຊີນຮວາໄດ້ພິມບົດຄວາມຂອງນັກວິຈານ, ຊີ້ອອກວ່າ, ໃນປັດຈຸບັນນີ້, ວິກິດການການເງິນສາກົນໄດ້ກະທົບການພັດທະນາຂອງເສດຖະກິດໂລກຢ່າງໜັກໜ່ວງ, ຜົນສະທ້ອນທີ່ມີຕໍ່ເສດຖະກິດຈີນກໍ່ນັບມື້ນັບຊັດເຈນ. ລັດຖະບານຈີນເດັດດດ່ຽວປັບປຸງນະໂຍບາຍເສດຖະກິດມະຫາພາກຂອງຈີນຢ່າງໃຫຍ່ຫຼວງ, ແມ່ນສັນຍານນະໂຍບາຍອັນແຂງແຮງຂອງຈີນເພື່ອຮັບມືກັບການທ້າທາຍຂອງວິກິດການການເງິນສາກົນ, ແກ້ໄຂຄວາມຫຍຸ້ງຍາກອັນພົ້ນເດັ່ນດ້ານເສດຖະກິດທີ່ພວມປະເຊີນຢູ່ໃນປັດຈຸບັນ, ແລະຮັກສາໃຫ້ເສດຖະກິດພັດທະນາຢ່າງໝັ້ນທ່ຽງແລະອ່າວໄວ.
ຂ່າວ-ບົດທີ່ກ່ຽວຂ້ອງ
ຄຳເຫັນ
