ຈີນຈະເພິ່ມທະວີການຮ່ວມມືສາກົນໃນຂົງເຂດພະລັງງານສີຂຽວຕື່ມອີກ
-----------------------------------------------------------------------------------------------------------------
ຕາມຂ່າວCRI: ວັນທີ17 ພະຈິກນີ້, ເວທີປຶກສາຫາລືພະລັງງານສີຂຽວຈີນ-ອາເມລິກາໄດ້ຈັດຂຶ້ນຢູ່ທີ່ປັກກິ່ງ. ໃນເວລາກ່າວຄຳປາໄສໃນເວທີປຶກສາຫາລື, ທ່ານຮານສີເຕີ ຮອງປະທານ ຄະນະປະຈຳສະພາປະຊາຊົນແຫ່ງຊາດຈີນກ່າວວ່າ,ໃນດ້ານຊຸກຍູ້ພະລັງງານສີຂຽວໃຫ້ພັດທະນາ,ຈີນໄດ້ຮັບຜົນງານອັນເດັ່ນຊັດ, ແລະຈະເພິ່ມທະວີການຮ່ວມມືສາກົນໃນຂົງເຂດນີ້ຕື່ມອີກ.
ທ່ານຮານສີເຕີກ່າວວ່າ, ຈີນໄດ້ປະກາດແຜນການແຫ່ງລັດທີ່ຮັບມືກັບດິນຟ້າອາກາດປ່ຽນແປງໃນເດືອນມິຖຸນາ 2007, ກົດໝາຍວ່າດ້ວຍປະຢັດພະລັງງານທີ່ສະພາປະຊາຊົນແຫ່ງຊາດຈີນປັບປຸງໃໝ່ນັ້ນກໍ່ໄດ້ເລິ່ມປະຕິບັດໃນວັນທີ1 ເມສາປີນີ້. ໃນສະເພາະໜ້ານີ້,ຈີນໄດ້ຖືນະໂຍບາຍ ແລະ ມາດຕະການທີ່ປະຢັດພະລັງງານ ແລະ ປັບປຸງອົງປະກອບພະລັງງານໃຫ້ດີຂຶ້ນເປັນພາກສ່ວນສຳຄັນຂອງນະໂຍບາຍຮັບມືກັບດິນຟ້າອາກາດປ່ຽນແປງ.
