ຈີນມີຄວາມໝັ້ນໃຈຕໍ່ການຮັກສາໃຫ້ເສດຖະກິດເຕີບໂຕໝັ້ນທ່ຽງແລະອ່າວໄວ
-----------------------------------------------------------------------------------------------------------------
ວິກິດການທາງດ້ານການເງິນທີ່ແຜ່ລາມໃນທົ່ວໂລກໄດ້ເຮັດໃຫ້ເສດຖະກິດຂອງອາເມລິກາ ສະຫະພາບເອີລົບເຕີບໂຕຊ້າລົງ,ເສດຖະກິດຂອງເຂດແຄວ້ນດັ່ງກ່າວອາດຈະຕົກຢູ່ໃນສະພາບຊຸດໂຊມຕື່ມອີກ.ສະນັ້ນ,ໃນຖານະທີ່ເສດຖະກິດຈີນເປັນ "ຫົວຈັກຂອງເສດຖະກິດໂລກ"ໜຶ່ງໃນທົ່ວໂລກ,ຈະດຳເນີນງານແລະຢຸດຕິວິກິດການຮອບນີ້ໄດ້ຫຼືບໍ່?ນັກວິເຄາະເຫັນວ່າ,ໂດຍປະເຊີນກັບວິກິດການທາງດ້ານການເງິນໃນທົ່ວໂລກ,ຈີນມີຄວາມໝັ້ນໃຈ ແລະກໍ່ມີຄວາມສາມາດສືບຕໍ່ຮັກສາຄວາມເຕີບໂຕທາງເສດຖະກິດທີ່ໝັ້ນທ່ຽງແລະອ່າວໄວ,ພ້ອມທັງປະກອບສ່ວນເຂົ້າໃນການພັດທະນາເສດຖະກິດໂລກ.
ຂະແໜງການທະນາຄານແມ່ນຂະແໜງທຳອິດຂອງຈີນທີ່ຖືກຜົນກະທົບຈາກວິກິດການທາງດ້ານການເງິນທົ່ວໂລກຄັ້ງນີ້,ແຕ່ວ່າ ສະພາບການຂອງຂະແໜງການທະນາຄານຈີນສະແດງໃຫ້ເຫັນວ່າ ບໍ່ໄດ້ຮັບຜົນກະທົບໜັກໜ່ວງຫຼາຍ.ນີ້ກໍ່ຍ້ອນວ່າ ເງິນຕາຕ່າງປະເທດສຳຮອງຂອງຈີນສ່ວນຫຼາຍແມ່ນໄດ້ຊື້ພັນທະບັດແຫ່ງລັດຂອງອາເມລິກາທີ່ມີຄວາມປອດໄພຫຼາຍ,ຫຼັງຈາກບໍລິສັດແຟນນີເມແລະບໍລິສັດເຟຣດີດ ມັກຖືກລັດຖະບານອາເມລິກາຮັບຊື້ເປັນຂອງລັດແລ້ວ,ພັນທະບັດຂອງສອງບໍລິສັດດັ່ງກ່າວທີ່ສະຖາບັນການເງິນຈີນຊື້ນັ້ນ ຈະມີການຮັບປະກັນໃນການກູ້ເອົາຕົ້ນທຶນແລະດອກເບ້ຍກັບຄືນມາໃນເວລາຮອດກຳນົດ.
ທ່ານຢີ້ກາງ ຮອງຜູ້ວ່າການທະນາຄານປະຊາຊົນຈີນກ່າວວ່າ,ປະຈຸບັນ ການຈໍລະຈອນຂອງລະບົບທະນາຄານຈີນພຽງພໍ,ທຶນໄຫຼເຂົ້າກັບໄຫຼອອກມີຄວາມດຸ່ນດ່ຽງໂດຍພື້ນຖານ.ຄຽງຄູ່ກັບນະໂຍບາຍເງິນຕາທີ່ຜ່ອນຍານຢ່າງພໍດ້າມພໍດີ,ຈະໄດ້ຮັບການປະຕິບັດ ເງິນກູ້ກໍ່ຈະໄດ້ປ່ອຍຫຼາຍຂຶ້ນຕື່ມ,ນີ້ຈະຫຼຸດຜ່ອນຄວາມຫຍຸ້ງຍາກດ້ານທຶນຂອງວິສາຫະກິດຂະໜາດກາງແລະນ້ອຍຈຳນວນຫຼວງຫຼາຍຢ່າງຈະແຈ້ງ.
ທ່ານລີຢາງ ຫົວໜ້າສະຖາບັນຄົ້ນຄວ້າການເງິນສະພາບັນດິດວິທະຍາສາດສັງຄົມຈີນເຫັນວ່າ,ເຖິງວ່າລະບົບທະນາຄານຂອງຈີນຖືກຜົນກະທົບໂດຍກົງບໍ່ຫຼາຍປານໃດ,ແຕ່ວ່າຕ້ອງຖອດຖອນບົດຮຽນຈາກທາງລົບ,ຍຶດໝັ້ນຫຼັກການທີ່ທະນາຄານຮັບໃຊ້ເສດຖະກິດອົງກອນຮູບປະທຳຢ່າງສະເໝີຕົ້ນສະເໝີປາຍ,ຫຼີກເວັ້ນບໍ່ໃຫ້ຂະແໜງການທະນຄານພັດທະນາຢ່າງໃຫຍ່ຫຼວງເກີນໄປ.
ນັບແຕ່ເດືອນກັນຍາມານີ້,ຍ້ອນຖືກຜົນກະທົບຈາກວິກິດການການເງິນ,ການເຕີບໂຕຂອງເສດຖະກິດຈີນເລີ່ມຊັກຊ້າລົງ.ສະນັ້ນ,ລັດຖະບານຈີນໄດ້ປັບປຸງນະໂຍບາຍເສດຖະກິດມະຫາພາກຢ່າງໃຫຍ່ຫຼວງ,ເລີ່ມປະຕິບັດນະໂຍບາຍການເງິນອັນຕັ້ງໜ້າແລະນະໂຍບາຍເງິນຕາທີ່ຜ່ອນຍານຢ່າງພໍດ້າມພໍດີ,ພ້ອມທັງໄດ້ວາງ10ມາດຕະການເພື່ອກະຕຸ້ນຄວາມຕ້ອງການພາຍໃນ,ຕົກລົງແຜນການກະຕຸ້ນເສດຖະກິດທີ່ໃຊ້ງົບປະມານເຖິງ4000ຕື້ຢວນ.ມາດຕະການເຫຼົ່ານີ້,ໄດ້ສ່ອງແສງໃຫ້ເຫັນວ່າລັດຖະບານຈີນມີຄວາມຕັດສິນໃຈແລະຄວາມໝັ້ນໃຈຢ່າງເຕັມທີ່ໃນການຮັກສາເສດຖະກິດໃຫ້ເຕີບໂຕຢ່າງໝັ້ນທ່ຽງ.ຕາມການຄາດຄະເນ,ແຜນການກະຕຸ້ນເສດຖະກິດຂອງຈີນຈະສາມາດຊຸກຍູ້ໃຫ້ເສດຖະກິດໃນປີໜ້າເພີ່ມຂຶ້ນ1,8%.
ທີ່ຈິງແລ້ວ, ວິກິດການທາງດ້ານການເງິນເທື່ອນີ້ກໍໄດ້ສະໜອງໂອກາດການປ່ຽນແປງຂອງເສດຖະກິດຈີນ. ຖ້າວ່າຊຳລະຢ່າງເໝາະສົມ, ຈີນສາມາດປ່ຽນແປງລະດັບອາໄສການຄ້າກັບຕ່າງປະເທດອ່າວສູງຂອງຕົນ, ໂດຍຜ່ານການກະຕຸກຄວາມຕ້ອງການພາຍໃນເພື່ອບັນລຸຄວາມດຸນດຽງຂອງອົງປະກອບເສດຖະກິດ. ມາດຕະການໃໝ່ 10 ຂໍ້ທີ່ລັດຖະບານຈີນວາງອອກເພື່ອເປີດກວ້າງຄວາມຕ້ອງການພາຍໃນ, ຈຸດໜັກແມ່ນໂຄງການຊີວິດການເປັນຢູ່ຂອງປະຊາຊົນ, ການກໍ່ສ້າງພື້ນຖານໂຄງລ່າງແລະການກໍ່ສ້າງສິ່ງແວດລ້ອມຊີວະພາບ, ແລະເອົາໃຈໃສ່ນຳຄວາມດຸນດຽງທີ່ກອບກູ້ຕະຫຼາດແລະພັດທະນາແບບຍຶນຍົງ. ໂດຍສະເພາະແມ່ນງ່ຽງໄປກຸ່ມຄົນທີ່ມີລາຍໄດ້ຕ່ຳແລະການກໍ່ສ້າງພື້ນຖານໂຄງລ່າງຂອງຊົນ ນະ ບົດ. ທ່ານຫວາງຈຸ່ນ ລັດຖະມົນຕີຊ່ອຍວ່າການກະຊວງການເງິນຈີນກ່າວວ່າ, ແຜນ ການກະຕຸກຄວາມຕ້ອງການພາຍໃນຂອງຈີນຍັງຈະມີຜົນດີຕໍ່ເສດຖະກິດໂລກ.
ຫວ່າງມໍ່ໆນີ້ໃນເວລາເຂົ້າຮ່ວມກອງປະຊຸມສຸດຍອດG20, ທ່ານຫູຈີນທ່າວ ປະທານປະເທດຈີນຊີ້ອອກວ່າ, ວິກິດການທາງດ້ານການເງິນສາກົນເຮັດໃຫ້ການພັດທະນາເສດຖະກິດຂອງຈີນກໍໄດ້ຮັບຜົນສະທ້ອນ. ຈີນໄດ້ປັບປຸງນະໂຍບາຍໃນທັນທີຕາມການປ່ຽນແປງຂອງສະຖານະການ, ເພີ່ມທະວີການດັດສົມມະຫາພາກ, ແລະໄດ້ຮັບກາທ່ວງທ່າທີ່ເສດຖະກິດພັດທະນາຢ່າງໝັ້ນທ່ຽງແລະອ່າວໄວ, ທ່ວງທ່າພື້ນຖານຂອງການພັດທະນາເສດຖະກິດຈີນບໍ່ໄດ້ປ່ຽນແປງ. ເສດຖະກິດຈີນພັດທະນາຢ່າງໝັ້ນທ່ຽງແລະອ່າວໄວກໍແມ່ນສ່ວນປະກອບສຳຄັນຕໍ່ການຮັກສາຄວາມໝັ້ນທ່ຽງການເງິນສາກົນແລະຊຸກຍູ້ໃຫ້ເສດຖະກິດໂລກພັດທະນາ.
