ທ່ານເວີນເຈຍປາວກ່າວວ່າ,ວິກິດການການເງິນແຜ່ລາມ ປະຊາຄົມໂລກຍິ່ງຄວນເພິ່ມທະວີການຮ່ວມມືເພື່ອຮັບມືກັບດິນຟ້າອາກາດປ່ຽນແປງຢ່າງໜັກແໜ້ນ
-----------------------------------------------------------------------------------------------------------------
ຕາມຂ່າວCRI: ວັນທີ19 ພະຈິກນີ້, "ໜັງສືພິມປະຊາຊົນລາຍວັນ"ໄດ້ພິມຄຳປາໄສຂອງທ່ານເວີນເຈຍປາວ ນາຍົກັດຖະມົນຕີຈີນທີ່ກ່າວໃນງານສຳມະນາລະດັບສູງກ່ຽວກັບການພັດທະນາ ແລະ ໂອນເຕັກນິກຮັບມືກັບດິນຟ້າອາກາດປ່ຽນແປງໃນວັນທີ7 ພະຈິກນີ້. ທ່ານເວີນເຈຍປາວກ່າວວ່າ, ໃນປະຈຸບັນນີ້, ວິກິດການການເງິນສາກົນແຜ່ລາມຢ່າງດຸເດືອດ, ປະຊາຄົມໂລກຍິ່ງຄວນເພິ່ມທະວີການຮ່ວມມື, ເພື່ອຮັບມືກັບການປ່ຽນແປງຂອງດິນຟ້າອາກາດຢ່າງໜັກແໜ້ນ
ທ່ານເວີນເຈຍປາວກ່າວວ່າ,ປັດຈຸບັນ, ຈີນພວມຢູ່ໃນໄລຍະອຸດສາຫະກຳພັດທະນາຢ່າງວ່ອງໄວ, ການລະບາຍອາຍພິດເຮືອນແກ້ວສະເລ່ຍຕໍ່ຫົວຄົນບໍ່ຮອດ1/3ຂອງປະເທດທີ່ພັດທະນາແລ້ວ,ພ້ອມທັງໃນດ້ານຍອດປະລິມານການລະບາຍມົນລະພິດ,ມີສ່ວນໜຶ່ງແມ່ນການລະບາຍເພື່ອຮັບປະກັນຊີວິດການເປັນຢູ່ຂອງປະຊາຊົນ ແລະ ການລະບາຍຍ້ອນການຍ້າຍອຸດສາຫະກຳຜະລິດຂອງສາກົນ. ຈີນປະເຊີນໜ້າກັບແຮງກົດດັນຫຼາຍດ້ານ ເຊັ່ນ,ພັດທະນາເສດຖະກິດ, ຫຼຸດຜ່ອນຄວາມທຸກຍາກ,ແລະຫຼຸດການລະບາຍອາຍພິດເຮືອນແກ້ວເປັນຕົ້ນ. ລັດຖະບານຈີນຈະປະຕິບັດຮູບການຜະລິດ,ຮູບການດຳລົງຊີວິດ ແລະ ຮູບແບບບໍລິໂພກທີ່ມີຜົນດີຕໍ່ການປະຢັດພະລັງງານ ແລະ ອະນຸລັກສິ່ງແວດລ້ອມຢ່າງໜັກແໜ້ນ, ແລະຊຸກຍູ້ທົ່ວສັງຄົມເດີມຕາມເສັ້ນທາງພັດທະນາແບບຍືນຍົງທີ່ການຜະລິດພັດທະນາ,ຊີວິດການເປັນຢູ່ຮັ່ງມີ ແລະ ສິ່ງແວດລ້ອມດີງາມ.
