ຈີນ​ຕັ້ງໜ້າ​​ປ້ອງ​ກັນ​ແລະ​ປິ່ນ​ປົວ​​ພະ​ຍາດ​ເອດ

ຕາມ​ຂ່າວCRI: ວັນ​ທີ 1 ທັນວາ​ນີ້​ແມ່ນ​ວັນ​ພະຍາດເອດ​ຂອງ​ໂລກ​ຄັ້ງທີ 21, ຜູ້ນຳ​ຈີນ​ຄື​ທ່ານ​ຫູ​ຈີນ​ທ່າວ​ແລະ​ທ່ານ​ລີ​ເຄີ້ສຽງ​ໄດ້​ໄປ​ກວດກາ​ວຽກ​ງານ​ປ້ອງ​ກັນ​​ແລະ​ປິ່ນປົວພະຍາດ​ເອດຢູ່​ໂຮງໝໍ​ຕີ້​ຖານ​ປັກ​ກິ່ງ. ​ຢູ່ແຫ່ງ​ຕ່າງໆ​ຂອງ​ຈີນ​ກໍ່​ໃຊ້ຫຼາຍມາດ​ຕະການ​ເພື່ອ​ເພີ່ມ​ທະວີ​ການ​ປ້ອງ​ກັນ​ແລະ​ປິ່ນປົວ​ພະຍາດ​ເອດຕື່ມ​ອີກ.

ຫວ່າງ​ມໍ່ໆ​ນີ້, ຢູ່ນະຄອນ​ຈູ່ງກິ່ງ ພາກ​ຕາ​ເວັນ​ຕົກ​ສຽງ​ໃຕ້​ຂອງ​ຈີນ​ໄດ້​ເລີ່ມຈັດ​ໂຄງການ​ສຶກສາປ້ອງ​ກັນ​ພະ​ຍາດ​ເອດ​ຕໍ່ຊາວ​ໜຸ່ມ​ເຍົາວະ​ຊົນ, ​ເພື່ອ​ຊ່ວຍ​ຊາວ​ໜຸ່ມ​ເຍົາວະ​ຊົນຫຼຸດການ​ຕິດ​​ເຊື້ອ​ເອດແລະ​ພະຍາດ​ອະ​ໄວ​ຍະ​ວະສື​ບພັນ. ​ແຂວງ​ຢຸນນານ​ພວມ​ຊຸກ​ຍູ້​ໃຫ້​ຕົວ​ເມືອງ​ຢູ່ຊາຍ​ແດນຂອງ​​ແຂວງຕົນ​​ເຊັນ​ສັນຍາຮ່ວມ​ມື​ຂ້າມ​ຊາດ​ກັບ​ຕົວ​ເມືອງ​ຊາຍ​ແດນ​ຂອງ​ປະ​ເທດ​ໃກ້​ຄຽງ, ​ເພື່ອ​ໃຫ້​ສອງ​ຝ່າຍ​ຜ່ານ​ວິທີ​ການ​ຕ່າງໆ​ເຊັ່ນຄໍ້າປະກັນດ້ານ​ນະ​ໂຍບາຍ, ສະໜັບສະໜູນ​ດ້ວຍ​ເຕັກນິກ, ​ແລະ​ໃຫ້​ອົງການ​ທີ່​ບໍ່​ແມ່ນ​ລັດຖະບານ​ເຂົ້າຮ່ວມ​ເປັນຕົ້ນ​ເພື່ອ​ສ້າງ​ກົນ​ໄກ​ຮ່ວມ​ມື​ທີ່​ດີ, ​ແລະລະບົບ​ປ້ອງ​ກັນ​ພະ​ຍາດ​ເອດ​ຢູ່​ເຂດ​ຊາຍ​ແດນ.