ໃນສອງປີຕໍ່ໜ້າຈີນຈະລົງທຶນ 280 ຕື້ຢວນເພື່ອສະໜັບສະໜູນການພັດທະນາ3G
-----------------------------------------------------------------------------------------------------------------
ຕາມຂ່າວCRI: ວັນທີ 19 ທັນວານີ້ຢູ່ທີ່ປັກກິ່ງ, ທ່ານຫຼີອີ້ຈົ່ງ ລັດຖະມົນຕີວ່າການກະຊວງອຸດສາຫະກຳແລະຂໍ້ມູນຂ່າວສານຈີນກ່າວວ່າ, ໃນສອງປີຕໍ່ໜ້າ, ຈີນຈະລົງທຶນປະມານ 280 ຕື້ຢວນເພື່ອຊຸກຍູ້ການພັດທະນາລະບົບ3G. ໃນກອງປະຊຸມວຽກງານອຸດສາຫະກຳແລະຂໍ້ມູນຂ່າວສານທົ່ວປະເທດຈີນທີ່ໄຂຂຶ້ນໃນວັນທີ 19 ທັນວານີ້, ທ່ານຫຼີອີ້ຈົ່ງກ່າວວ່າ, ຫວ່າງມໍ່ໆນີ້ຈີນຈະອອກໃບອະນຸຍາດທຸລະກິດ3G, ສະນັ້ນ, ຈີນຈະເລັ່ງລັດການກໍ່ສ້າງເຄືອຂ່າຍ, ຈັດວາງແລະປະຕິບັດນະໂຍບາຍຕິດຕາມຄຸ້ມຄອງປະກອບເປັນຊຸດການປະຕິຮູບລະບົບໂທລະຄົມ.
ທ່ານຫຼີອີ້ຈົ່ງຍັງກ່າວວ່າ, ຈະສືບຕໍ່ເພີ່ມການສະໜັບສະໜູນຕໍ່ມາດຕະຖານ3Gທີ່ມີສິດຊັບສິນທາງປັນຍາຂອງຈີນຄືມາດຕະຖານTD-SCDMA.3Gແມ່ນໂຕຂຽນຫຍໍ້ຂອງສັບອັງກິດຄື3rdGeneration, ຄືເຕັກນິກການສື່ສານເຄື່ອນທີ່ລຸ້ນທີ 3. ທຽບກັບໂທລະສັບມືຖືລຸ້ນທຳອິດແລະລຸ້ນທີ 2, ໂທລະສັບລຸ້ນທີ 3 ເວົ້າທົ່ວໄປແລ້ວແມ່ນລະບົບສື່ສານເຄື່ອນທີ່ລຸ້ນໃໝ່ທີ່ເອົາເຕັກນິກການສື່ສານວິທະຍຸປະສົມກັບການສື່ສານແບບໃໝ່ເຊັ່ນອິນເຕີເນັດເປັນຕົ້ນ.
