ຈີນສະສົມເງິນທຶນ ແລະ ວັດສະດຸຕ້ານໄພແຫ້ງແລ້ງຢ່າງພຽງພໍ
-----------------------------------------------------------------------------------------------------------------
ຕາມຂ່າວCRI: ວັນທີ7 ກຸມພານີ້, ນັກຂ່າວໄດ້ຊາບຈາກຫ້ອງການກອງບັນຊາການສູງສຸດຕ້ານໄພນ້ຳຖ້ວມ ແລະ ໄພແຫ້ງແລ້ງແຫ່ງຊາດຈີນວ່າ, ຈີນສະສົມເງິນທຶນ ແລະ ວັດສະດຸຕ້ານໄພແຫ້ງແລ້ງຢ່າງພຽງພໍ.
ນັບມາຮອດວັນທີ6 ກຸມພານີ້, ລັດຖະບານສູນກາງ ແລະ ອົງການປົກຄອງທ້ອງຖິ່ນຕ່າງໆຂອງຈີນໄດ້ໃຊ້ງົບຫຼາຍກວ່າ3ຕື້ຢວນເພື່ອຕ້ານໄພແຫ້ງແລ້ງ. ໃນນັ້ນ,ການເງິນສູນກາງໄດ້ເບີກຄ່າອຸດໜູນຕ້ານໄພແຫ້ງແລ້ງໃຫຍ່ພິລຶກ ແລະ ເງິນຜະລິດ ແລະ ກູ້ໄພກະສິກຳ400ລ້ານຢວນ, ໄຟຟ້າທີ່ໃຊ້ໃນການຕ້ານໄພແຫ້ງແລ້ງມີຫຼາຍກວ່າ1ຕື້ກິໂລວັດໂມງ , ນ້ຳມັນເຊື້ອໄຟ1ແສນ1ໝື່ນໂຕນ.
ໃນຂະນະທີ່ຈັດສັນເງິນທຶນ ແລະ ວັດສະດຸຢ່າງບໍ່ຢຸດຢັ້ງ, ຫ້ອງການກອງບັນຊາການສູງສຸດຕ້ານໄພນ້ຳຖ້ວມ ແລະ ໄພແຫ້ງແລ້ງແຫ່ງຊາດຈີນໄດ້ຜ່ານຊຸມຊົນລະປະທານສຽວລ້າງຕີຂອງແມ່ນ້ຳເຫຼືອງເປັນຕົ້ນສະໜອງນ້ຳລະບາຍດ້ານກະສິກຳ ໃຫ້ແກ່ຍ່ານໃຕ້ແມ່ນ້ຳເຫຼືອງ, ປັດຈຸບັນ, ໄດ້ສະສົມນ້ຳ3ຕື້ກວ່າແມັດກ້ອນ,ສາມາດຕອບສະໜອງຄວາມຕ້ອງການຕ້ານໄພແຫ້ງແລ້ງໃນຂັ້ນພື້ນຖານ.
ນອກນີ້,ຂ່າວແຈ້ງວ່າ, ວັນທີ7 ກຸມພານີ້, ຄະນະກຳມະການການພັດທະນາແລະການປະຕິຮູບແຫ່ງລັດຈີນໄດ້ຈັດວາງໃຫ້ພາກສ່ວນພັດທະນາ ແລະ ການປະຕິຮູບຂັ້ນຕ່າງໆ ພ້ອມທັງກຸ່ມບໍລິສັດນ້ຳມັນເຊື້ອໄຟ ແລະ ອາຍແກັສ໌ທຳມະຊາດຈີນ ແລະ ກຸ່ມບໍລິສັດນ້ຳມັນເຊື້ອໄຟແລະເຄມີຈີນເຮັດວຽກຕ້ານໄພແຫ້ງແລ້ງ ແລະ ຮັບປະກັນການເກັບກ່ຽວຢ່າງອຸດົມສົມບູນໃຫ້ດີ.
ນັບມາຮອດວັນທີ6 ກຸມພານີ້, ເນື້ອທີ່ທັນຍາຫານຂອງທົ່ວປະເທດຈີນທີ່ປະສົບໄພແຫ້ງແລ້ງມີຫຼາຍກວ່າ10ລ້ານເຮັກຕາ, ມີ4ລ້ານ3ແສນ7ໝື່ນຄົນ ແລະ ສັດໃຫຍ່2ລ້ານ1ແສນໂຕມີຄວາມຫຍຸ້ງຍາກດ້ານນ້ຳກິນຍ້ອນໄພແຫ້ງແລ້ງກິນ.
