ຈີນເລັ່ງລັດຊຸກຍູ້ໃຫ້ເຕັກນິກລ້ຳຍຸກທັນສະໄໝຫັນເປັນອຸດສາຫະກຳ
(GMT+08:00) 2009-02-18 15:43:35 cri
-----------------------------------------------------------------------------------------------------------------
-----------------------------------------------------------------------------------------------------------------
ພາກສ່ວນວິທະຍາສາດເຕັກນິກແຫ່ງຕ່າງໆຂອງຈີນໄດ້ວາງນະໂຍບາຍສະໜັບສະໜູນດ້ານເງິນທຶນແລະກົນໄກຢ່າງລຽນຕິດເພື່ອຊຸກຍູ້ໝາກຜົນດ້ານເຕັກນິກທີ່ລ້ຳຍຸກທັນສະໄໝຫັນເປັນອຸດສາຫະກຳ.ພາຍໃຕ້ສະພາບການທີ່ວິກິດການການເງິນສາກົນແຜ່ລາມອອກຢ່າງບໍ່ຢຸດຢັ້ງ,ອຸດສາຫະກຳເຕັກນິກລ້ຳຍຸກທັນສະໄໝຂອງຈີນພັດໄດ້ພັດທະນາຢ່າງວ່ອງໄວ.
ບໍລິສັດອຸດສາຫະກຳໜັກໂຟຕົນໂລວົນແຂວງຊ່ານຕຸ່ງ ທີ່ຢູ່ພາກຕາເວັນອອກຂອງຈີນແມ່ນວິສາຫະກິດເຕັກນິກລ້ຳຍຸກທັນສະໄໝທີ່ສຳຄັນຂອງລັດທີ່ຜະລິດອຸປະກອນອຸດສາຫະກຳຂະໜາດໃຫຍ່ເປັນຫຼັກ.ຫວ່າງມໍ່ໆນີ້,ບໍລິສັດແຫ່ງນີ້ໄດ້ສຳເລັດການຜະລິດລົດໄຖນາແຮງມ້າສູງທີ່ຄົ້ນຄວ້າຫຼ້າສຸດອີກງວດໜຶ່ງ.ທ່ານວາງຈິ່ນຟູ້ ຜູ່ອຳນວຍການໃຫຍ່ບໍລິສັດນີ້ບອກວ່າ,ການທີ່ຄົ້ນຄວ້າພັດທະນາຜະລິດຕະພັນໃໝ່ຢ່າງສຳເລັດຜົນນັ້ນເຮັດໃຫ້ລະດັບຄົ້ນຄວ້າພັດທະນາລົດໄຖນາແຮງມ້າສູງຂອງຈີນກ້າວເຂົ້າສູ່ແຖວໜ້າຂອງໂລກ.ທ່ານກ່າວວ່າ:
"ເທື່ອນີ້ບໍລິສັດພວກເຮົາໄດ້ສຸມຄວາມຮູ້,ຄົ້ນຄວ້າປະດິດສ້າງໃໝ່,ສຳເລັດການພັດທະນາລົດໄຖນາແຮງມ້າສູງ,ອັນໄດ້ພິສູດຢ່າງເຕັມສ່ວນໃຫ້ເຫັນຄວາມສາມາດເຕົ້າໂຮມສະຕິປັນຍາແລະປະດິດສ້າງໃໝ່ຜະລິດຕະພັນຫຍີ່ຫໍ້ທີ່ເປັນຂອງຕົນເອງຂອງຈີນ."
ທ່ານວາງຈິ່ນຟູບອກນັກຂ່າວວ່າ,ຍ້ອນຖືກຜົນສະທ້ອນຈາກວິກິດການການເງິນສາກົນ,ປະລິມານຈຳໜ່າຍອຸປະກອນອຸດສາຫະກຳຂະໜາດໃຫຍ່ຫຼາຍຊະນິດຂອງບໍລິສັດດັ່ງກ່າວໄດ້ຫຼຸດໜ້ອຍລົງ,ແຕ່ວ່າ,ຜະລິດຕະພັນທີ່ທັນສະໄໝມີມູນຄ່າເພີ່ມສູງນັ້ນຍັງໄດ້ຮັບຄວາມນິຍົມຊົມຊອບຈາກຕະຫຼາດ,ລົດໄຖນາແຮງມ້າສູງທີ່ບໍລິສັດຜະລິດແລ້ວໃໝ່ໆກໍ່ໄດ້ຮັບໃບຈອງຊື້ຢ່າງຫຼວງຫຼາຍ.
ຢູ່ຈີນ,ຄວາມສຳເລັດຂອງບໍລິສັດໂຟຕົນໂລວົນພຽງແຕ່ແມ່ນຕົວຢ່າງໜຶ່ງເທົ່ານັ້ນ.ທ່ານວ້ານກ່າງ ລັດຖະມົນຕີວ່າການກະຊວງວິທະຍາສາດເຕັກນິກຈີນແຈ້ງໃຫ້ຊາບວ່າ,ໃນວິກິດການການເງິນສາກົນເທື່ອນີ້,ອຸດສາຫະກຳແລະວິສາຫະກິດເຕັກນິກລ້ຳຍຸກຂອງຈີນໄດ້ສະແດງໃຫ້ເຫັນຄວາມສາມາດຕ້ານຄວາມສ່ຽງທີ່ແຂງແຮງສົມຄວນ,ໄດ້ບັນລຸການພັດທະນາທີ່ວ່ອງໄວ.ທ່ານບອກວ່າ:
"ໃນວິກິດການເສດຖະກິດເທື່ອນີ້,ຄວາມສາມາດຕ້ານຄວາມສ່ຽງຂອງວິສາຫະກິດເຕັກນິກທັນສະໄໝແລະເຂດອຸດສາຫະກຳເຕັກນິກທັນສະໄໝລະດັບຊາດຂອງຈີນແມ່ນພົ້ນເດັ່ນຫຼາຍ.3ໄຕມາດທຳອິດປີ2008ຜ່ານມານີ້,ລວມຍອດລາຍໄດ້ຈາກການທຸລະກິດ,ລວມຍອດມູນຄ່າການຜະລິດອຸດສາຫະກຳແລະມູນຄ່າເພີ່ມຂອງອຸດສາຫະກຳຂອງເຂດອຸດສາຫະກຳເຕັກນິກທັນສະໄໝລະດັບຊາດ54ແຫ່ງລ້ວນແຕ່ໄດ້ເພີ່ມຂຶ້ນຫຼາຍກວ່າ20%ເມື່ອທຽບໃສ່ໄລຍະດຽວກັນຂອງປີ2007. ອັດຕາເຕີບໂຕຂອງເສດຖະກິດສຳຄັນຂອງເຂດອຸດສາຫະກຳເຕັກນິກທັນສະໄໝລະດັບຊາດທີ່ຢູ່ພາກກາງ,ພາກຕາເວັນຕົກແລະເຂດສາມຫຼ່ຽມແມ່ນ້ຳຈູຈ່ຽງຂອງຈີນໄດ້ເຂົ້າໃກ້ຫຼືລື່ນກາຍ30%."
ເມື່ອ20ປີກ່ອນ,ລັດຖະບານຈີນກໍ່ໄດ້ເລີ່ມຕົ້ນໂຄງການວິທະຍາສາດເຕັກນິກສະເພາະທີ່ມີຊື່ວ່າແຜນການທວນໄຟ,ມີຈຸດປະສົງແມ່ນເພື່ອຊຸກຍູ້ໝາກຜົນດ້ານເຕັກນິກທັນສະໄໝຂອງຈີນຫັນເປັນສິນຄ້າແລ້ວກາຍເປັນອຸດສາຫະກຳ.ຫຼາຍປີມານີ້,ອີງຕາມແຜນການວິທະຍາສາດເຕັກນິກດັ່ງກ່າວ,ຈີນສຸມກຳລັງເຂົ້າໃນການກໍ່ສ້າງແລະພັດທະນາເຂດພັດທະນາອຸດສາຫະກຳເຕັກນິກລ້ຳຍຸກ,ຄັດເລືອກວິສາຫະກິດເຕັກນິກລ້ຳຍຸກສຳຄັນຈຳນວນໜຶ່ງທີ່ດີເດັ່ນເພື່ອໃຫ້ການສະໜັບສະໜູນດ້ານຂໍ້ມູນຂ່າວສານ,ເງິນທຶນແລະການບໍລິການ,ແລະຕັ້ງໜ້ານັກວິຊາການຄຸ້ມຄອງໃນດ້ານວິທະຍາສາດເຕັກນິກຈຳນວນໜຶ່ງ.
ປັດຈຸບັນ,ຈີນໄດ້ສ້າງເຂດພັດທະນາອຸດສາຫະກຳເຕັກນິກທັນສະໄໝລະດັບຊາດ54ແຫ່ງແລ້ວ,ມີວິສາຫະກິດປະເພດຕ່າງໆ56000ກວ່າແຫ່ງ,ພະນັກງານທີ່ເຮັດວຽກໃນເຂດສວນອຸດສາຫະກຳເຫຼົ່ານີ້ຫຼາຍກວ່າ1ລ້ານ2ແສນຄົນ.ອຸດສາຫະກຳເຕັກນິກທັນສະໄໝລ້ຳຍຸກໄດ້ກາຍເປັນກຳລັງແຮງສຳຄັນທີ່ຊັກນຳແລະຄ້ຳຊູການເຕີບໂຕຂອງເສດຖະກິດເຂດແຄວ້ນຕ່າງໆ.ທີ່ຈິງແລ້ວ,ການສະໜັບສະໜູນການກໍ່ສ້າງເຕັກນິກທັນສະໄໝໃຫ້ຫັນເປັນອຸດສາຫະກຳແລະຄວາມກ້າວໜ້າຂອງ ເຕັກນິກອຸດສາຫະກຳໄດ້ກາຍເປັນມາດຕະການສຳຄັນອັນໜຶ່ງລັດຖະບານຈີນ ເພື່ອຮັບມືກັບວິກິດການການເງິນໃນປັດຈຸບັນແລະຊຸກຍູ້ການເຕີບໂຕຂອງເສດຖະກິດ.ການເງິນສູນກາງໄດ້ໃຊ້ງົບປະມານຫຼາຍຕື້ຢວນເພື່ອສະໜັບສະໜູນວິສາຫະກິດນຳໃຊ້ເຕັກນິກທັນສະໄໝມາດັດແປງແລະເຮັດໃຫ້ອຸດສາຫະກຳດັ້ງເດີມຍົກລະດັບເຕັກນິກຂຶ້ນ,ເຮັດໃຫ້ຜະລິດຕະພັນມີຄຸນນະພາບດີຂຶ້ນ.
ອີກດ້ານໜຶ່ງ,ອົງການປົກຄອງແຫ່ງຕ່າງໆຂອງຈີນກໍ່ອີງໃສ່ແຜນການ"ທວນໄຟ",ເລັ່ງລັດຊຸກຍູ້ການພັດທະນາອຸດສາຫະກຳເຕັກນິກທັນສະໄໝ.ຂໍຍົກຕົວຢ່າງຄືແຂວງກວາງຕຸ້ງທີ່ເປັນແຂວງສຳຄັນດ້ານການຄ້າກັບຕ່າງປະເທດຂອງຈີນ,ພາຍໃຕ້ສະພາບຂ້ຽວຂາດແຫ່ງວິກິດການການເງິນສາກົນ,ແຂວງນີ້ໄດ້ຕັດສິນຢ່າງເດັດຂາດ,ເນັ້ນໃສ່ການພັດທະນາອຸດສາຫະກຳເຕັກນິກລ້ຳຍຸກໃຫ້ເຕີບໂຕຢ່າງແຂງແຮງ,ແລະໄດ້ວາງມາດຕະການລະອຽດ.ທ່ານເສິນຊິ່ນ ຮອງຫົວໜ້າພະແນກວິທະຍາສາດເຕັກນິກແຂວງກວາງຕຸ້ງບອກວ່າ:
"ວິກິດການການເງິນຂອງໂລກໄດ້ສ້າງຄວາມຫຍຸ້ງຍາກຈຳນວນໜຶ່ງໃຫ້ແກ່ການພັດທະນາເສດຖະກິດຂອງຈີນ,ແຂວງກວາງຕຸ້ງແມ່ນຜູ່ໄດ້ຮັບຜົນກະທົບໜັກກ່ອນໝູ່.ພວກເຮົາໄດ້ວາງແຜນງານທີ່ເພີ່ມທະວີການປະດິດສ້າງໂດຍຕົນເອງ.ດ້ານໜຶ່ງໄດ້ປະຕິບັດ10ໂຄງການໃຫຍ່ປະດິດສ້າງເຕັກນິກວິທະຍາສາດ ອຸດສາຫະກຳສຳຄັນ,ເສີມສ້າງຄວາມສາມາດຕົວຈິງຂອງອຸດສາຫະກຳເຕັກນິກລ້ຳຍຸກທັນສະໄໝ,ອີກດ້ານໜຶ່ງ,ກໍ່ນຳເຂົ້ານັກວິຊາການແລະເຕັກນິກທັນສະໄໝຈາກທົ່ວໂລກ."
ທ່ານເສິນຊິນແຈ້ງໃຫ້ຊາບວ່າ,ແຂວງກວາງຕຸ້ງພວມປະຕິບັດ10ໂຄງການໃຫຍ່ປະດິດສ້າງວິທະຍາສາດເຕັກນິກ,ເຊິ່ງລວມທັງໂຄງການຮຸ່ງເຮືອງແບບປະຢັດພະລັງງານ,ໂຄງການບຳລຸງສ້າງການບໍລິການດ້ານວິທະຍາສາດເຕັກນິກ,ໂຄງການປະດິດສ້າງຜະລິດຕະພັນໃໝ່ທີ່ປະຢັດພະລັງງານອະນຸລັກສິ່ງແວດລ້ອມທີ່ມີຄຸນນະພາບສູງແລະອື່ນໆ.ແຂວງກວາງຕຸ້ງຫວັງຢາກຜ່ານຈາກມາດຕະການເຫຼົ່ານີ້,ເຮັດໃຫ້ວິທະຍາສາດເຕັກນິກເສີມຂະຫຍາຍບົດບາດຄ້ຳຊູການພັດທະນາເສດຖະກິດສັງຄົມຢ່າງແຂງແຮງກວ່າເກົ່າ.
ນອກນີ້, ແຂວງເສສວນທີ່ຫາກໍ່ຜ່ານຜ່າໄພແຜ່ນດິນໄຫວຮ້າຍແຮງກໍ່ໄດ້ເລືອກເອົາເສັ້ນທາງພັດທະນາຄ້າຍຄືກັນນີ້. ທ່ານໂລຈື້ພິງ ເຈົ້າໜ້າທີ່ວິທະຍາສາດເຕັກນິກແຂວງເສສວນກ່າວວ່າ,ແຜ່ນດິນໄຫວຮ້າຍແຮງທີ່ເກີດຂຶ້ນຢູ່ແຂວງເສສວນໃນເດືອນພຶດສະພາປີ2008ເຮັດໃຫ້ອຸດສາຫະກຳເຕັກນິກລ້ຳຍຸກສ່ວນໜຶ່ງຂອງບາງທ້ອງຖິ່ນໄດ້ຮັບຜົນກະທົບຢ່າງໜັກໜ່ວງ.ໂດຍແນໃສ່ສະພາບການນີ້,ຫວ່າງມໍ່ໆນີ້,ອົງການປົກຄອງແຂວງເສສວນໄດ້ສຳເລັດການວາງແຜນຟື້ນຟູແລະສ້າງສາຄືນໃໝ່ຫຼັງໄພແຜ່ນດິນໄຫວຢູ່ເຂດທີ່ມີອຸດສາຫະກຳເຕັກນິກລ້ຳຍຸກ,ຫວັງຢາກສ້າງສາເຂດອຸດສາຫະກຳເຕັກນິກລ້ຳຍຸກທີ່ມີລະດັບສູງກວ່າແຕ່ກ່ອນຢູ່ທ້ອງຖິ່ນດັ່ງກ່າວ.
ຕາມຂ່າວຈາກກະຊວງວິທະຍາສາດເຕັກນິກຈີນ,ໃນຕໍ່ໜ້າ,ຈີນຈະໃຊ້ແຜນການທວນໄຟ,ກໍ່ສ້າງເຂດສວນເຕັກນິກລ້ຳຍຸກທັນສະໄໝແລະເຂດສວນອຸດສາຫະກຳເຕັກນິກລ້ຳຍຸກທັນສະໄໝທີ່ມີເອກະລັກພິເສດຫຼາຍແຫ່ງທີ່ເປັນອັນດັບໜຶ່ງຂອງໂລກ,ສົ່ງເສີມວິສາຫະກິດເຕັກນິກລ້ຳຍຸກຫຼາຍກວ່າເກົ່າເຂົ້າສູ່ຕະຫຼາດສາກົນ,ຕັ້ງອົງການຄົ້ນຄວ້າພັດທະນາແລ້ວຍົກສູງບົດບາດຂອງອຸດສາຫະກຳເຕັກນິກລ້ຳຍຸກຂອງຈີນໃນການຄ້ຳຊູການພັດທະນາເສດຖະກິດ.
ບໍລິສັດອຸດສາຫະກຳໜັກໂຟຕົນໂລວົນແຂວງຊ່ານຕຸ່ງ ທີ່ຢູ່ພາກຕາເວັນອອກຂອງຈີນແມ່ນວິສາຫະກິດເຕັກນິກລ້ຳຍຸກທັນສະໄໝທີ່ສຳຄັນຂອງລັດທີ່ຜະລິດອຸປະກອນອຸດສາຫະກຳຂະໜາດໃຫຍ່ເປັນຫຼັກ.ຫວ່າງມໍ່ໆນີ້,ບໍລິສັດແຫ່ງນີ້ໄດ້ສຳເລັດການຜະລິດລົດໄຖນາແຮງມ້າສູງທີ່ຄົ້ນຄວ້າຫຼ້າສຸດອີກງວດໜຶ່ງ.ທ່ານວາງຈິ່ນຟູ້ ຜູ່ອຳນວຍການໃຫຍ່ບໍລິສັດນີ້ບອກວ່າ,ການທີ່ຄົ້ນຄວ້າພັດທະນາຜະລິດຕະພັນໃໝ່ຢ່າງສຳເລັດຜົນນັ້ນເຮັດໃຫ້ລະດັບຄົ້ນຄວ້າພັດທະນາລົດໄຖນາແຮງມ້າສູງຂອງຈີນກ້າວເຂົ້າສູ່ແຖວໜ້າຂອງໂລກ.ທ່ານກ່າວວ່າ:
"ເທື່ອນີ້ບໍລິສັດພວກເຮົາໄດ້ສຸມຄວາມຮູ້,ຄົ້ນຄວ້າປະດິດສ້າງໃໝ່,ສຳເລັດການພັດທະນາລົດໄຖນາແຮງມ້າສູງ,ອັນໄດ້ພິສູດຢ່າງເຕັມສ່ວນໃຫ້ເຫັນຄວາມສາມາດເຕົ້າໂຮມສະຕິປັນຍາແລະປະດິດສ້າງໃໝ່ຜະລິດຕະພັນຫຍີ່ຫໍ້ທີ່ເປັນຂອງຕົນເອງຂອງຈີນ."
ທ່ານວາງຈິ່ນຟູບອກນັກຂ່າວວ່າ,ຍ້ອນຖືກຜົນສະທ້ອນຈາກວິກິດການການເງິນສາກົນ,ປະລິມານຈຳໜ່າຍອຸປະກອນອຸດສາຫະກຳຂະໜາດໃຫຍ່ຫຼາຍຊະນິດຂອງບໍລິສັດດັ່ງກ່າວໄດ້ຫຼຸດໜ້ອຍລົງ,ແຕ່ວ່າ,ຜະລິດຕະພັນທີ່ທັນສະໄໝມີມູນຄ່າເພີ່ມສູງນັ້ນຍັງໄດ້ຮັບຄວາມນິຍົມຊົມຊອບຈາກຕະຫຼາດ,ລົດໄຖນາແຮງມ້າສູງທີ່ບໍລິສັດຜະລິດແລ້ວໃໝ່ໆກໍ່ໄດ້ຮັບໃບຈອງຊື້ຢ່າງຫຼວງຫຼາຍ.
ຢູ່ຈີນ,ຄວາມສຳເລັດຂອງບໍລິສັດໂຟຕົນໂລວົນພຽງແຕ່ແມ່ນຕົວຢ່າງໜຶ່ງເທົ່ານັ້ນ.ທ່ານວ້ານກ່າງ ລັດຖະມົນຕີວ່າການກະຊວງວິທະຍາສາດເຕັກນິກຈີນແຈ້ງໃຫ້ຊາບວ່າ,ໃນວິກິດການການເງິນສາກົນເທື່ອນີ້,ອຸດສາຫະກຳແລະວິສາຫະກິດເຕັກນິກລ້ຳຍຸກຂອງຈີນໄດ້ສະແດງໃຫ້ເຫັນຄວາມສາມາດຕ້ານຄວາມສ່ຽງທີ່ແຂງແຮງສົມຄວນ,ໄດ້ບັນລຸການພັດທະນາທີ່ວ່ອງໄວ.ທ່ານບອກວ່າ:
"ໃນວິກິດການເສດຖະກິດເທື່ອນີ້,ຄວາມສາມາດຕ້ານຄວາມສ່ຽງຂອງວິສາຫະກິດເຕັກນິກທັນສະໄໝແລະເຂດອຸດສາຫະກຳເຕັກນິກທັນສະໄໝລະດັບຊາດຂອງຈີນແມ່ນພົ້ນເດັ່ນຫຼາຍ.3ໄຕມາດທຳອິດປີ2008ຜ່ານມານີ້,ລວມຍອດລາຍໄດ້ຈາກການທຸລະກິດ,ລວມຍອດມູນຄ່າການຜະລິດອຸດສາຫະກຳແລະມູນຄ່າເພີ່ມຂອງອຸດສາຫະກຳຂອງເຂດອຸດສາຫະກຳເຕັກນິກທັນສະໄໝລະດັບຊາດ54ແຫ່ງລ້ວນແຕ່ໄດ້ເພີ່ມຂຶ້ນຫຼາຍກວ່າ20%ເມື່ອທຽບໃສ່ໄລຍະດຽວກັນຂອງປີ2007. ອັດຕາເຕີບໂຕຂອງເສດຖະກິດສຳຄັນຂອງເຂດອຸດສາຫະກຳເຕັກນິກທັນສະໄໝລະດັບຊາດທີ່ຢູ່ພາກກາງ,ພາກຕາເວັນຕົກແລະເຂດສາມຫຼ່ຽມແມ່ນ້ຳຈູຈ່ຽງຂອງຈີນໄດ້ເຂົ້າໃກ້ຫຼືລື່ນກາຍ30%."
ເມື່ອ20ປີກ່ອນ,ລັດຖະບານຈີນກໍ່ໄດ້ເລີ່ມຕົ້ນໂຄງການວິທະຍາສາດເຕັກນິກສະເພາະທີ່ມີຊື່ວ່າແຜນການທວນໄຟ,ມີຈຸດປະສົງແມ່ນເພື່ອຊຸກຍູ້ໝາກຜົນດ້ານເຕັກນິກທັນສະໄໝຂອງຈີນຫັນເປັນສິນຄ້າແລ້ວກາຍເປັນອຸດສາຫະກຳ.ຫຼາຍປີມານີ້,ອີງຕາມແຜນການວິທະຍາສາດເຕັກນິກດັ່ງກ່າວ,ຈີນສຸມກຳລັງເຂົ້າໃນການກໍ່ສ້າງແລະພັດທະນາເຂດພັດທະນາອຸດສາຫະກຳເຕັກນິກລ້ຳຍຸກ,ຄັດເລືອກວິສາຫະກິດເຕັກນິກລ້ຳຍຸກສຳຄັນຈຳນວນໜຶ່ງທີ່ດີເດັ່ນເພື່ອໃຫ້ການສະໜັບສະໜູນດ້ານຂໍ້ມູນຂ່າວສານ,ເງິນທຶນແລະການບໍລິການ,ແລະຕັ້ງໜ້ານັກວິຊາການຄຸ້ມຄອງໃນດ້ານວິທະຍາສາດເຕັກນິກຈຳນວນໜຶ່ງ.
ປັດຈຸບັນ,ຈີນໄດ້ສ້າງເຂດພັດທະນາອຸດສາຫະກຳເຕັກນິກທັນສະໄໝລະດັບຊາດ54ແຫ່ງແລ້ວ,ມີວິສາຫະກິດປະເພດຕ່າງໆ56000ກວ່າແຫ່ງ,ພະນັກງານທີ່ເຮັດວຽກໃນເຂດສວນອຸດສາຫະກຳເຫຼົ່ານີ້ຫຼາຍກວ່າ1ລ້ານ2ແສນຄົນ.ອຸດສາຫະກຳເຕັກນິກທັນສະໄໝລ້ຳຍຸກໄດ້ກາຍເປັນກຳລັງແຮງສຳຄັນທີ່ຊັກນຳແລະຄ້ຳຊູການເຕີບໂຕຂອງເສດຖະກິດເຂດແຄວ້ນຕ່າງໆ.ທີ່ຈິງແລ້ວ,ການສະໜັບສະໜູນການກໍ່ສ້າງເຕັກນິກທັນສະໄໝໃຫ້ຫັນເປັນອຸດສາຫະກຳແລະຄວາມກ້າວໜ້າຂອງ ເຕັກນິກອຸດສາຫະກຳໄດ້ກາຍເປັນມາດຕະການສຳຄັນອັນໜຶ່ງລັດຖະບານຈີນ ເພື່ອຮັບມືກັບວິກິດການການເງິນໃນປັດຈຸບັນແລະຊຸກຍູ້ການເຕີບໂຕຂອງເສດຖະກິດ.ການເງິນສູນກາງໄດ້ໃຊ້ງົບປະມານຫຼາຍຕື້ຢວນເພື່ອສະໜັບສະໜູນວິສາຫະກິດນຳໃຊ້ເຕັກນິກທັນສະໄໝມາດັດແປງແລະເຮັດໃຫ້ອຸດສາຫະກຳດັ້ງເດີມຍົກລະດັບເຕັກນິກຂຶ້ນ,ເຮັດໃຫ້ຜະລິດຕະພັນມີຄຸນນະພາບດີຂຶ້ນ.
ອີກດ້ານໜຶ່ງ,ອົງການປົກຄອງແຫ່ງຕ່າງໆຂອງຈີນກໍ່ອີງໃສ່ແຜນການ"ທວນໄຟ",ເລັ່ງລັດຊຸກຍູ້ການພັດທະນາອຸດສາຫະກຳເຕັກນິກທັນສະໄໝ.ຂໍຍົກຕົວຢ່າງຄືແຂວງກວາງຕຸ້ງທີ່ເປັນແຂວງສຳຄັນດ້ານການຄ້າກັບຕ່າງປະເທດຂອງຈີນ,ພາຍໃຕ້ສະພາບຂ້ຽວຂາດແຫ່ງວິກິດການການເງິນສາກົນ,ແຂວງນີ້ໄດ້ຕັດສິນຢ່າງເດັດຂາດ,ເນັ້ນໃສ່ການພັດທະນາອຸດສາຫະກຳເຕັກນິກລ້ຳຍຸກໃຫ້ເຕີບໂຕຢ່າງແຂງແຮງ,ແລະໄດ້ວາງມາດຕະການລະອຽດ.ທ່ານເສິນຊິ່ນ ຮອງຫົວໜ້າພະແນກວິທະຍາສາດເຕັກນິກແຂວງກວາງຕຸ້ງບອກວ່າ:
"ວິກິດການການເງິນຂອງໂລກໄດ້ສ້າງຄວາມຫຍຸ້ງຍາກຈຳນວນໜຶ່ງໃຫ້ແກ່ການພັດທະນາເສດຖະກິດຂອງຈີນ,ແຂວງກວາງຕຸ້ງແມ່ນຜູ່ໄດ້ຮັບຜົນກະທົບໜັກກ່ອນໝູ່.ພວກເຮົາໄດ້ວາງແຜນງານທີ່ເພີ່ມທະວີການປະດິດສ້າງໂດຍຕົນເອງ.ດ້ານໜຶ່ງໄດ້ປະຕິບັດ10ໂຄງການໃຫຍ່ປະດິດສ້າງເຕັກນິກວິທະຍາສາດ ອຸດສາຫະກຳສຳຄັນ,ເສີມສ້າງຄວາມສາມາດຕົວຈິງຂອງອຸດສາຫະກຳເຕັກນິກລ້ຳຍຸກທັນສະໄໝ,ອີກດ້ານໜຶ່ງ,ກໍ່ນຳເຂົ້ານັກວິຊາການແລະເຕັກນິກທັນສະໄໝຈາກທົ່ວໂລກ."
ທ່ານເສິນຊິນແຈ້ງໃຫ້ຊາບວ່າ,ແຂວງກວາງຕຸ້ງພວມປະຕິບັດ10ໂຄງການໃຫຍ່ປະດິດສ້າງວິທະຍາສາດເຕັກນິກ,ເຊິ່ງລວມທັງໂຄງການຮຸ່ງເຮືອງແບບປະຢັດພະລັງງານ,ໂຄງການບຳລຸງສ້າງການບໍລິການດ້ານວິທະຍາສາດເຕັກນິກ,ໂຄງການປະດິດສ້າງຜະລິດຕະພັນໃໝ່ທີ່ປະຢັດພະລັງງານອະນຸລັກສິ່ງແວດລ້ອມທີ່ມີຄຸນນະພາບສູງແລະອື່ນໆ.ແຂວງກວາງຕຸ້ງຫວັງຢາກຜ່ານຈາກມາດຕະການເຫຼົ່ານີ້,ເຮັດໃຫ້ວິທະຍາສາດເຕັກນິກເສີມຂະຫຍາຍບົດບາດຄ້ຳຊູການພັດທະນາເສດຖະກິດສັງຄົມຢ່າງແຂງແຮງກວ່າເກົ່າ.
ນອກນີ້, ແຂວງເສສວນທີ່ຫາກໍ່ຜ່ານຜ່າໄພແຜ່ນດິນໄຫວຮ້າຍແຮງກໍ່ໄດ້ເລືອກເອົາເສັ້ນທາງພັດທະນາຄ້າຍຄືກັນນີ້. ທ່ານໂລຈື້ພິງ ເຈົ້າໜ້າທີ່ວິທະຍາສາດເຕັກນິກແຂວງເສສວນກ່າວວ່າ,ແຜ່ນດິນໄຫວຮ້າຍແຮງທີ່ເກີດຂຶ້ນຢູ່ແຂວງເສສວນໃນເດືອນພຶດສະພາປີ2008ເຮັດໃຫ້ອຸດສາຫະກຳເຕັກນິກລ້ຳຍຸກສ່ວນໜຶ່ງຂອງບາງທ້ອງຖິ່ນໄດ້ຮັບຜົນກະທົບຢ່າງໜັກໜ່ວງ.ໂດຍແນໃສ່ສະພາບການນີ້,ຫວ່າງມໍ່ໆນີ້,ອົງການປົກຄອງແຂວງເສສວນໄດ້ສຳເລັດການວາງແຜນຟື້ນຟູແລະສ້າງສາຄືນໃໝ່ຫຼັງໄພແຜ່ນດິນໄຫວຢູ່ເຂດທີ່ມີອຸດສາຫະກຳເຕັກນິກລ້ຳຍຸກ,ຫວັງຢາກສ້າງສາເຂດອຸດສາຫະກຳເຕັກນິກລ້ຳຍຸກທີ່ມີລະດັບສູງກວ່າແຕ່ກ່ອນຢູ່ທ້ອງຖິ່ນດັ່ງກ່າວ.
ຕາມຂ່າວຈາກກະຊວງວິທະຍາສາດເຕັກນິກຈີນ,ໃນຕໍ່ໜ້າ,ຈີນຈະໃຊ້ແຜນການທວນໄຟ,ກໍ່ສ້າງເຂດສວນເຕັກນິກລ້ຳຍຸກທັນສະໄໝແລະເຂດສວນອຸດສາຫະກຳເຕັກນິກລ້ຳຍຸກທັນສະໄໝທີ່ມີເອກະລັກພິເສດຫຼາຍແຫ່ງທີ່ເປັນອັນດັບໜຶ່ງຂອງໂລກ,ສົ່ງເສີມວິສາຫະກິດເຕັກນິກລ້ຳຍຸກຫຼາຍກວ່າເກົ່າເຂົ້າສູ່ຕະຫຼາດສາກົນ,ຕັ້ງອົງການຄົ້ນຄວ້າພັດທະນາແລ້ວຍົກສູງບົດບາດຂອງອຸດສາຫະກຳເຕັກນິກລ້ຳຍຸກຂອງຈີນໃນການຄ້ຳຊູການພັດທະນາເສດຖະກິດ.
ຂ່າວ-ບົດທີ່ກ່ຽວຂ້ອງ
ຄຳເຫັນ
