ຈີນສ້າງສູນການຄ້າລິຂະສິດລະດັບຊາດແຫ່ງທຳອິດເພື່ອຄົ້ນຄວ້າຮູບແບບໃໝ່ແຫ່ງການຄ້າລິຂະສິດ

(GMT+08:00) 2009-03-02 16:21:34 cri
-----------------------------------------------------------------------------------------------------------------

ຫວ່າງກ່ອນນີ້ບໍ່ດົນ,ສູນການຄ້າລິຂະສິດສາກົນທີ່ສູນປົກປ້ອງລິຂະສິດຈີນແລະອົງການປົກຄອງເຂດຕົ່ງເສິງນະຄອນຫຼວງປັກກິ່ງຮ່ວມກັນສ້າງຕັ້ງນັ້ນໄດ້ສ້າງສຳເລັດຢ່າງເປັນທາງການແລ້ວ,ນີ້ແມ່ນສູນການຄ້າລິຂະສິດລະດັບຊາດແຫ່ງທຳອິດຂອງຈີນແລະກໍ່ແມ່ນສູນຈົດທະບຽນ ລິຂະສິດ,ເປັນຕະຫຼາດສູນການຊື້ຂາຍລິຂະສິດແລະເວທີໝູນວຽນທຶນລິຂະສິດທີ່ໃຫຍ່ກວ່າໝູ່ແລະມີຊື່ສຽງຫຼາຍກວ່າໝູ່ຂອງຈີນໃນປັດຈຸບັນ.ໃນລາຍການວັດທະນະທຳຈີນພາກນີ້,ພວກເຮົາຈະມາເວົ້າເຖິງເລື່ອງນີ້ສູ່ຟັງ.

ສູນການຄ້າລິຂະສິດສາກົນທີ່ສ້າງໃໝ່ແຫ່ງນີ້ຕັ້ງຢູ່ໃຈກາງສວນຢົງເຮີຂອງເຂດສວນວິທະຍາສາດເຕັກໂນໂລຊີຈົ່ງກ່ວນຊຸນທີ່ມີຊື່ສຽງຂອງນະຄອນຫຼວງປັກກິ່ງ.ໃນພິທີສະຫຼອງການສ້າງຕັ້ງສູນການຄ້າລິຂະສິດ,ທ່ານຢຽນສ້ຽວຫົງ ຮອງຫົວໜ້າກົມລິຂະສິດແຫ່ງຊາດຈີນກ່າວວ່າ,ການສ້າງຕັ້ງເວທີການຄ້າລິຂະສິດແບບປົກກະຕິແມ່ນມາດຕະການສຳຄັນໃນການຊຸກຍູ້ການພັດທະນາອຸດສາຫະກຳທີ່ກ່ຽວຂ້ອງກັບລິຂະສິດ.ທ່ານກ່າວວ່າ:

"ເນື່ອງຈາກວ່າໂຄງປະກອບເສດຖະກິດຕະຫຼາດຂອງຈີນຍັງບໍ່ສົມບູນເທື່ອ,ພ້ອມກັນນັ້ນ,ວຽກງານດ້ານລິຂະສິດຍັງມີຫຼາຍບັນຫາເຊັ່ນວ່າເລີ່ມຕົ້ນຊ້າແດ່,ການຄ້າຜົນງານລິຂະສິດປະເພດຕ່າງໆຍັງພັດທະນາບໍ່ເຕັມສ່ວນ,ອັນໄດ້ຜູກມັດການພັດທະນາອຸດສາຫະກຳລິຂະສິດໃນລະດັບໃດໜຶ່ງ.ການສ້າງສູນການຄ້າລິຂະສິດສາກົນສຳເລັດກໍ່ແມ່ນມາດຕະການລະອຽດອັນໜຶ່ງທີ່ຊຸກຍູ້ໃຫ້ການຄ້າລິຂະສິດຫັນເຂົ້າສູ່ລະບຽບ,ຫວັງຢາກຖືສູນການຄ້າລິຂະສິດສາກົນເປັນເວທີຊຸກຍູ້ການຄົ້ນຄິດປະດິດສ້າງ,ປົກປັກຮັກສາ,ຊື້ຂາຍແລະນຳໃຊ້ຜົນງານລິຂະສິດປະເພດຕ່າງໆ."

ກໍ່ຄືທ່ານຢຽນສ້ຽວຫົງເວົ້າຫັ້ນລະ,ອຸດສາຫະກຳລິຂະສິດຂອງຈີນເລີ່ມຕົ້ນການພັດທະນາອ່າວຊ້າແດ່.ປີ1990,ຈີນຈິ່ງມີກົດໝາຍສິດປະພັນສະບັບທຳອິດ,ປີ1992,ຈີນໄດ້ເຂົ້າເປັນສະມາຊິກສົນທິສັນຍາເບີນແລະສົນທິສັນຍາລິຂະສິດໂລກ,ຕະຫຼາດລິຂະສິດຂອງຈີນເລີ່ມເຊື່ອມໂຍງກັບໂລກ.ແຕ່ວ່າສຳລັບນິຍາມທີ່ວ່າ"ລິຂະສິດ",ປະຊາຊົນຍັງຮູ້ສຶກບໍ່ຄຸ້ນເຄີຍ.ພາຍຫຼັງຈີນເຂົ້າເປັນສະມາຊິກອົງການການຄ້າໂລກຫຼືWTOໃນປີ2001ແລ້ວ,ລັດຖະບານຈີນຍິ່ງໃຫ້ຄວາມສຳຄັນຫຼາຍກວ່າເກົ່າຕໍ່ວຽກງານການປົກປ້ອງລິຂະສິດ,ເລັ່ງພັດທະນາອຸດສາຫະກຳລິຂະສິດ.ລັດຖະບານວາງເປົ້າໝາຍຍຸດທະສາດທີ່ສ້າງສາປະເທດແບບປະດິດສ້າງ,ການປົກປັກຮັກສາການປະດິດສ້າງແລະພັດທະນາອຸດສາຫະກຳລິຂະສິດນັບມື້ນັບກາຍເປັນຄວາມຮັບຮູ້ທີ່ເປັນເອກະພາບຂອງທົ່ວປວງຊົນ.ອຸດສາຫະກຳເຕີບໃຫຍ່ຂະຫຍາຍຕົວໂດຍອີງໃສ່ຜົນງານລິຂະສິດໂດຍກົງແລະໂດຍທາງອ້ອມຄືອຸດສາຫະກຳວັດທະນະທຳດັ້ງເດີມເຊັ່ນສື່ສິ່ງພິມ,ວິທະຍຸໂທລະພາບແລະຮູບເງົາ,ເຄື່ອງຫັດຖະກຳແລະວິຈິດຕະກຳພ້ອມດ້ວຍອຸດສາຫະກຳທີ່ຈະເລີນໃໝ່ຢ່າງວ່ອງໄວໃນຊຸມປີມໍ່ໆມານີ້ເຊັ່ນຂະແໜງການສາລະພັດສື່,ຂະແໜງການອິນເຕີເນັດ,ຂະແໜງການຊັອບແວ,ຮູບກາຕູນແລະອື່ນໆລ້ວນແຕ່ປະກົດມີຄວາມສາມາດບົ່ມຊ້ອນແຫ່ງການພັດທະນາອັນໃຫຍ່ຫຼວງ.

ອີງຕາມສະຖິຕິຂອງສູນປົກປ້ອງລິຂະສິດຈີນ, ປີ2008, ຈຳນວນຂຶ້ນທະບຽນສິດປະດິດແຕ່ງຊັອບແວຂອງຈີນໄດ້ເພີ່ມຂຶ້ນຫຼາຍກວ່າໄລຍະດຽວກັນຂອງປີ2007 90%, ຄື4ໝື່ນ7ພັນກວ່າສະບັບ, ຫຼາຍກວ່າຈຳນວນຂຶ້ນທະບຽນໃນສອງປີກ່ອນນີ້. ທ່ານຕ້ວນກຸ້ຍຈ້ຽນ ຫົວໜ້າສູນປົກປ້ອງລິຂະສິດຈີນເຫັນວ່າ, ພາຍໃຕ້ການສົ່ງເສີມຂອງນະໂຍບາຍທີ່ກ່ຽວຂ້ອງຂອງລັດຖະບານ, ຂະແໜງການລິຂະສິດຂອງຈີນມີທ່າອຽງພັດທະນາຢ່າງວ່ອງໄວ, ນີ້ກໍ່ຮຽກຮ້ອງໃຫ້ການບໍລິການດ້ານລິຂະສິດກໍ່ຕ້ອງກ້າວໜ້າໄປນຳ. ການສ້າງສູນຄ້າຂາຍລິຂະສິດສາກົນ, ກໍ່ແມ່ນເພື່ອສອດຄ່ອງກັບທ່າອຽງດັ່ງກ່າວ.

ອີງຕາມແຜນການ, ສູນຄ້າຂາຍລິຂະສິດສາກົນຄວນມີບົດບາດເປັນເວທີ6ຢ່າງ, ຄື ເວທີຂຶ້ນທະບຽນລິຂະສິດປະພັນລະດັບຊາດແລະຢືນຢັນຂໍ້ມູນຂ່າວສານ, ເວທີການບໍລິການດ້ານການຄ້າຂາຍລິຂະສິດສາກົນ, ເວທີແລກປ່ຽນແລະຮ່ວມມືຂອງຂະແໜງການລິຂະສິດທີ່ມີລັກສະນະທົ່ວປະເທດ, ເວທີເຕົ້າໂຮມປັນຍາຂອງຜູ້ຊ່ຽວຊານຍອດຢ້ຽມດ້ານລິຂະສິດ, ເວທີປະມູນລິຂະສິດລະດັບຊາດແລະນຳໃຊ້ທຶນຮອນ, ເວທີບໍລິການາສາທາລະນະດ້ານການປົກປ້ອງລິຂະສິດຕາມກົດໝາຍ.

ທ່ານຢິ່ນຈື້ຊົ່ງ ຜູ້ອຳນວຍການໃຫຍ່ສູນຄ້າຂາຍລິຂະສິດສາກົນແຈ້ງໃຫ້ຊາບ ວ່າ, ສູນດັ່ງກ່າວຈະສະໜອງສະຖານທີ່ຄ້າຂາຍໃຫ້ແກ່ເຈົ້າຂອງລິຂະສິດ ຜູ້ນຳໃຊ້ແລະອົງການສື່ກາງ, ສະໜອງການບໍລິການທີ່ມີປະສິດທິພາບ ຍຸດຕິທຳ ຊື່ສັດແລະເປັນວິຊາການໃຫ້ແກ່ການຄ້າຂາຍລິຂະສິດ, ນີ້ແມ່ນສິ່ງທີ່ຕ່າງກັນເດັ່ນຊັດກວ່າໝູ່ເມື່ອທຽບກັບການຄ້າຂາຍລິຂະສິດໃນເມື່ອກ່ອນ.

ທ່ານແຈ້ງໃຫ້ຊາບວ່າ, ໃນຮູບການຄ້າຂາຍແບບດັ້ງເດີມ, ການຄ້າຂາຍບໍ່ມີການຮັບປະກັນຂອງການບໍລິການວິຊາການຢ່າງຍຸດຕິທຳແລະຊື່ສັດ. ພວກເຮົາສ້າງສູນຄ້າຂາຍ, ກໍ່ຫວັງໃຫ້ລະບົບບໍລິການດ້ານນີ້ສ້າງຕັ້ງຂຶ້ນແລະພັດທະນາເປັນຢ່າງດີ, ສ້າງສະພາບແວດລ້ອມທີ່ດີໃຫ້ແກ່ເຈົ້າຂອງລິຂະສິດແລະຜູ້ນຳໃຊ້ອັນກວ້າງຂວາງ, ກໍ່ມີແຕ່ສະພາບແວດລ້ອມແຫ່ງການຄ້າຂາຍທີ່ດີແລະໄວ້ໃຈໄດ້ເທົ່ານັ້ນ, ຈຶ່ງຈະສາມາດຊຸກຍູ້ການຈໍລະຈອນຂອງລິຂະສິດຢ່າງແທ້ຈິງ, ທັງແມ່ນການຈໍລະຈອນທີ່ເປັນລະບຽບແລະວ່ອງໄວ, ໃນຂະບວນດັ່ງກ່ວຈຶ່ງຈະເພີ່ມມູນຄ່າຂອງລິຂະສິດ.

ສູນຊື້ຂາຍລິຂະສິດສາກົນຈະສ້າງຮູບແບບການຊື້ຂາຍທີ່ດີຈະສອດຄ່ອງກັບສະພາບການພັດທະນາຂອງອຸດສາຫະກຳ,ເນັ້ນໃສ່ຜູ້ໃຊ້ມາຈັດວາງການຊື້ຂາຍ,ຍັງຈະສະໜອງເວທີການຄ້າເອເລັກໂຕຼນິກການຊື້ຂາຍລິຂະສິດຂອງອິນເຕີເນັດ. ທ່ານຕ້ຽນກຸ້ຍຈ້ຽນ ຫົວໜ້າສູນປົກປ້ອງລິຂະສິດຈີນກ່າວວ່າ,

"ນີ້ແມ່ນຈຸດເລິ່ມຕົ້ນ.ການບໍລິການຊື້ຂາຍລິຂະສິດແມ່ນພວມຄົ້ນຄວ້າຢູ່,ຄົ້ນຄວ້າປະສິດທິພາບຂອງການບໍລິການ ແລະ ຮູບການຊື້ຂາຍຂອງມັນ,ປະດິດສ້າງຮູບການການບໍລິການ,ເຮັດແນວໃດໃຊ້ພາຫະນະອິນເຕີເນັດ ແລະ ພາຫະນະຂໍ້ມູນຂ່າວສານ ປັບປຸງປະສິດທິພາບຂອງການບໍລິການນີ້ໃຫ້ດີຂຶ້ນ,ຕະຫຼອດ365ວັນຢາກບັນລຸເປົ້າໝາຍນີ້,ພວກເຮົາຕ້ອງສ້າງເວທີຊື້ຂາຍທີ່ໃຊ້ລະບົບດີຈິຕອນ ແລະ ລະບົບອິນເຕີເນັດ. ຕ້ອງຄົ້ນຄວ້າ,ສິກຂະສິດແມ່ນກວ້າງຂວາງທີ່ສຸດໃນເສດຖະກິດແຫ່ງຊາດ ແລະ ຊີວິດການເປັນຢູ່ຂອງປະຊາຊົນ, ການຊື້ຂາຍລິຂະສິດຈະເປັນແນວໃດ,ສະດວກທີ່ສຸດ,ມີຕົ້ນທຶນຕ່ຳທີ່ສຸດ,ມີປະສິດທິພາບທີ່ສຸດ,ຕ້ອງຄົ້ນຫາຢ່າງບໍ່ຢຸດຢັ້ງ. ປັດຈຸບັນ, ຮູບການແບບນີ້ ໃນສາກົນຍັງບໍ່ມີແບບຢ່າງ, ເອົາສະພາບການຂອງຈີນປະສານກັນ,ພວກເຮົາຊຸກຍູ້, ຈະສ້າງເປັນຮູບການແນວໃດໃນທີ່ສຸດ,ນີ້ກໍ່ແມ່ນຂະບວນການຄົ້ນຫາ."

ປັດຈຸບັນ ມີວິສາຫະກິດ ແລະ ອົງການຈັດຕັ້ງຫຼາຍແຫ່ງ ເຊັ່ນ,ອົງການບໍລິການຈົດທະບຽນລິຂະສິດຂອງສູນປົກປ້ອງລິກຂະສິດ, ບໍລິສັດໃຫຍ່ຈັດການແທນລິຂະສິດຈີນ,ສະຫະພັນປະສານງານການພັດທະນາມູນຄ່າລິກຂະສິດອຸສາຫະກຳແບບປະດິດສ້າງຈີນເປັນຕົ້ນໄດ້ເຂົ້າປະຈຳສູນຊື້ຂາຍລິກຂະສິດສາກົນ. ສູນດັ່ງກ່າວພວມແລກປ່ຽນກັບອົງການລິຂະສິດການປະພັນຈີນ ແລະ ຕ່າງປະເທດ ພ້ອມທັງນັກທຸລະກິດລິກຂະສິດ,ຫາລືຮູບການການຮ່ວມມືທີ່ມີຜົນດີຕໍ່ການຊື້ຂາຍລິຂະສິດ.

ຂ່າວ-ບົດທີ່ກ່ຽວຂ້ອງ

ຄຳເຫັນ