ລັດທິປົກປ້ອງການຄ້າສາກົນສ້າງຜົນກະທົບຕໍ່ຈີນ ຝ່າຍຕ່າງໆໃຊ້ມາດຕະການຮັບມືຢ່າງຕັ້ງໜ້າ
(GMT+08:00) 2009-03-16 16:14:49 cri
-----------------------------------------------------------------------------------------------------------------
-----------------------------------------------------------------------------------------------------------------
ຫວ່າງມໍ່ໆນີ້, ກົມໃຫຍ່ດ່ານພາສີຈີນໄດ້ເຜີຍແຜ່ຕົວເລກຫຼ້າສຸດໂດຍສະແດງໃຫ້ເຫັນວ່າ, ໃນເດືອນກຸມພາປີນີ້ ຍອດມູນຄ່າຂາເຂົ້າຂາອອກຈີນໄດ້ຫຼຸດລົງ24,9%ເມື່ອທຽບກັບໄລຍະດຽວກັນຂອງປີກາຍ, ນີ້ແມ່ນນັບແຕ່ເດືອນພະຈິກປີກາຍມານີ້, ມູນຄ່າຂາເຂົ້າຂາອອກຂອງຈີນຫຼຸດລົງ4ເດືອນລຽນຕິດ. ສຳລັບຈີນທີ່ຖືການຄ້າກັບຕ່າງປະເທດເປັນແມ່ແຮງສຳຄັນຢ່າງໜຶ່ງທີ່ຊຸກຍູ້ການເຕີບໂຕຂອງ ເສດຖະກິດ, ການອາໄສການຄ້າກັບຕ່າງປະເທດສູງກວ່າ60%ແລ້ວ, ສະພາບການຄ້າກັບຕ່າງປະເທດຊຸດໂຊມລົງຢ່າງໜັກໜ່ວງໄດ້ກະທົບຕໍ່ຄົນທົ່ວໄປ.
ສາສະດາຈານຊົ້ງລິນເຟີ່ຍ ຫົວໜ້າສະພາບັນດິດວິທະຍາສາດສັງຄົມແຂວງຈ່ຽງຊູ່ເຫັນວ່າ, ມີສອງສາເຫດທີ່ພາໃຫ້ເກີດສະພາບແນວນີ້. ທ່ານກ່າວວ່າ,ອັນທີໜຶ່ງແມ່ນ ຄວາມຕ້ອງການຂອງຕ່າງປະເທດຫຼຸດໜ້ອຍລົງ, ໃບສັ່ງສິນຄ້າກໍ່ໜ້ອຍລົງ, ແລະອັນທີສອງແມ່ນ ລັດທິປົກປ້ອງການຄ້າຂອງຕ່າງປະເທດຟື້ນຊີບຄືນໃໝ່.
ຜູ້ຊ່ຽວຊານເຫັນວ່າ, ພາຍໃຕ້ຜົນກະທົບຂອງວິກິດການການເງິນສາກົນ, ເສດຖະກິດຂອງຫຼາຍປະເທດພັດທະນາຊ້າລົງ, ສະພາບປະກອບອາຊີບຂ້ຽວຂາດ ຜະລິດຕະກຳຊຸດໂຊມລົງ, ຫຼາຍປະເທດໄດ້ສ້າງກຳແພງການຄ້າ. ມາດຕະການປົກປ້ອງການຄ້າຫຼາຍຮູບຫຼາຍແບບໄດ້ສ້າງຜົນກະທົບຕົວຈິງຕໍ່ວິສາຫະກິດສົ່ງອອກຂອງຈີນ.
ກ່ຽວກັບເລື່ອງນີ້, ທ່ານຈ່າງກົວລຽງ ປະທານກຸ່ມບໍລິສັດຢິ່ງຢິວເມືອງລຽນຢູນກາງແຂວງຈ່ຽງຊູ່ມີຄວາມເປັນຫ່ວງອັນເລິກເຊິ່ງ. ໃນຖານະເປັນຜູ້ຮັບຜິດຊອບວິສາຫະກິດຜະລິດເຄື່ອງຈັກຜະລິດແຜ່ນແພຂະໜາດໃຫຍ່ທີ່ສຸດຂອງຈີນ, ທ່ານຮູ້ສຶກວ່າໃນເຄິ່ງປີມານີ້, ການສົ່ງອອກນັບມື້ນັບຫຍຸ້ງ, ບໍ່ແມ່ນຍ້ອນວ່າຜະລິດຕະພັນຂອງຕົນບໍ່ມີກຳລັງແຂ່ງຂັນ, ແຕ່ແມ່ນການກະທຳຂອງປະເທດທີ່ນຳເຂົ້າສິນຄ້າເຮັດໃຫ້ສັບສົນ. ທ່ານເວົ້າວ່າ,ຕົວຢ່າງວ່າ ສິນຄ້າໄປຮອດທ່າກ່ຳປັ່ນແລ້ວ, ເຂົາເຈົ້າບໍ່ໄປຮັບເອົາ. ດ່ານພາສີຈຶ່ງຍຶດເອົາສິນຄ້າ.
ທ່ານຈ່າງກົວລຽງບອກວ່າ, ເຖິງວ່າວິສາຫະກິດຂອງຕົນໃຊ້ຫຼາຍວິທີຈຶ່ງໄດ້ສຳເລັດການຄ້າຂາຍຫຼືເອົາສິນຄ້າຄືນ, ແລະຜົນເສຍຫາຍບໍ່ຫຼາຍກໍ່ຕາມ, ແຕ່ຜູ້ອື່ນທີ່ຮ່ວມຂະແໜງການດຽວກັນກໍ່ບໍ່ໂຊກດີແນວນີ້ແລ້ວ. ຍ້ອນວ່າບໍລິສັດນຳເຂົ້າສິນຄ້າບໍ່ໄປຮັບເອົາສິນຄ້າຢູ່ທ່າກ່ຳປັ່ນເປັນເວລາຍາວ, ດ່ານພາສີກໍ່ບໍ່ໃຫ້ວິສາຫະກິດຈີນເຄື່ອນຍ້າຍສິນຄ້າໄປບ່ອນອື່ນ, ຫຼາຍວິສາຫະກິດຈີນຈຶ່ງຈຳເປັນປະຖິ້ມສິນຄ້າຢູ່ທ່າກ່ຳປັ່ນຍ້ອນບໍ່ສາມາດຈ່າຍຄ່າຄ້າງສາງສູງຢູ່ທ່າກ່ຳປັ່ນ, ປ່ອຍໃຫ້ດ່ານພາສີປະມູນຂາຍດ້ວຍລາຄາຕ່ຳທີ່ສຸດ.ທີ່ຈິງແລ້ວ, ຄຽງຄູ່ກັບກຳລັງແຂ່ງຂັນຂອງຜະລິດຕະພັນເຂັ້ມແຂງຂຶ້ນເລື້ອຍໆ, ສ່ວນແບ່ງຕະຫຼາດກໍ່ນັບມື້ນັບຫຼາຍຂຶ້ນ, ຄວາມຫຍຸ້ງຍາກຂອງຈີນໃນດ້ານສົ່ງອອກສິນຄ້າກໍ່ນັບມື້ນັບຫຼາຍຂຶ້ນ. ຂໍ້ມູນສະແດງໃຫ້ເຫັນວ່າ, ຈີນໄດ້ກາຍເປັນປະເທດທີ່ຖືກສຳຫຼວດຕ້ານການຂາຍເລຫຼາຍທີ່ສຸດມາໄດ້11ປີແລ້ວ.
ນອກຈາກການສຳຫຼວດຕ້ານການຂາຍເລ ຕ້ານຄ່າອຸດໜູນແລ້ວ, ປະເທດນັບມື້ນັບຫຼາຍຍົກສູງມາດຕະຖານເຕັກນິກເພື່ອຈຳກັດການສົ່ງອອກສິນຄ້າຂອງຈີນ. ວິສາຫະກິດຈີນທີ່ມີຖານທີ່ໝັ້ນຄົງໃນຕະຫຼາດແຂ່ງຂັນອັນຮຸນແຮງ, ກໍ່ຍົກສູງຄຸນນະພາບຜະລິດຕະພັນຂອງຕົນເລື້ອຍໆເພື່ອຕອບສະໜອງກັບຄວາມຮຽກຮ້ອງຕ້ອງການທີ່ນັບມື້ນັບຮັດແຄບຂອງປະເທດທີ່ນຳເຂົ້າສິນຄ້າ, ແລະຮັກສາສ່ວນແບ່ງຕະຫຼາດ. ໃນນັ້ນກຸ່ມບໍລິສັດອາຫານລົງຕ້າແຂວງສ່ານຕົ່ງທີ່ແມ່ນວິສາຫະກິດປຸງແຕ່ງອາຫານຂະໜາດໃຫຍ່ກໍ່ແມ່ນວິສາຫະກິດໜຶ່ງ. ທ່ານກົ່ງເຊປິ່ນ ປະທານກຸ່ມບໍລິສັດອາຫານລົງຕ້າບອກນັກຂ່າວວ່າ, ຜະລິດຕະພັນຂອງຕົນສ່ວນຫຼາຍແມ່ນສົ່ງໄປຍີ່ປຸ່ນ, ດັ່ງທີ່ຮູ້ແລ້ວວ່າ, ຍີ່ປຸ່ນມີມາດຕະຖານກວດກາເຂັ້ມງວດທີ່ສຸດຕໍ່ອາຫານນຳເຂົ້າ. ເພື່ອຕອບສະໜອງກັບຄວາມຮຽກຮ້ອງຂອງຍີ່ປຸ່ນ, ບໍລິສັດລົງຕ້າໄດ້ລົງມືຍົກສູງລະດັບກວດກາຂອງຕົນກ່ອນຍີ່ປຸ່ນຈັດວາງມາດຕະຖານກວດກາອາຫານທີ່ເຂັ້ມງວດກວ່າເກົ່າ, ແລ້ວຍົກສູງຄຸນນະພາບຜະລິດຕະພັນຂອງຕົນ. ທ່ານກົ່ງເຊປິ່ນເວົ້າວ່າ,ປີ2005ພວກເຮົາໄດ້ສົ່ງພະນັກງານ3ຄົນໄປຮຽນຢູ່ຍີ່ປຸ່ນ, ຍ້ອນຢາກຮູ້ວ່າເຂົາເຈົ້າມີຄວມຮຽກຮ້ອງຫຍັງແດ່, ພວກເຮົາໄດ້ໃຊ້20ລ້ານຢວນເພື່ອນຳເຂົ້າເຄື່ອງຈັກຕາມມາດຕະຖານກວດກາຂອງຍີ່ປຸ່ນຢ່າງເຕັມສ່ວນ, ຍີ່ປຸ່ນຈະກວດກາເກືອບ700ຢ່າງ, ມີມາດຕະຖານເຂັ້ມງວດທີ່ສຸດ, ນັບແຕ່ບໍລິສັດເຮົາມີເຄື່ອງຈັກນີ້ແລ້ວກໍ່ໄດ້ມາດຕະຖານເຊັ່ນກັນ.ທ່ານກົ່ງເຊປິ່ນເວົ້າວ່າ, ຍ້ອນວ່າຜະລິດໄດ້ຕາມມາດຕະຖານຂອງຍີ່ປຸ່ນຢ່າງເຕັມສ່ວນ, ສະນັ້ນວິສາຫະກິດຂອງທ່ານສົ່ງອອກສິນຄ້າຕໍ່ຍີ່ປຸ່ນໄດ້ເພີ່ມຂຶ້ນຢ່າງຕໍ່ເນື່ອງ, ແລະໄດ້ສ້າງຍີ່ຫໍ້ຊື່ດັງຂອງຕົນຢູ່ຕະຫຼາດຍີ່ປຸ່ນ, ທ່ານເຫັນວ່າ ພາຍໃຕ້ຜົນກະທົບຂອງວິກິດການການເງິນ, ຈະມີຄົນຍີ່ປຸ່ນນັບມື້ນັບຫຼາຍມາຊື້ອາຫານທີ່ຄຸນນະພາບດີລາຄາຖືກ, ວິສາຫະກິດຂອງຕົນກໍ່ຈະໄດ້ຮັບຜົນປະໂຫຍດໃນນັ້ນ. ທ່ານເບິ່ງໃນແງ່ດີ ແລະ ຄາດວ່າ,ການສົ່ງອອກສິນຄ້າໄປຍີ່ປຸ່ນໃນປີນີ້ຈະເພິ່ມຫຼາຍຂຶ້ນ.
ກໍຄືບໍລິສັດລົງຕ້າ, ວິສາຫະກິດຈີນນັບມື້ນັບຫຼາຍຮູ້ສຶກວ່າ,ວິທີທີ່ບັງເກີດຜົນທີ່ສຸດເພື່ອຮັບມືກັບມາດຕະການປົກປ້ອງການຄ້າທັງຫຼາຍນັ້ນ ກໍ່ແມ່ນຍົກຄຸນນະພາບຜະລິດຕະພັນຂອງຕົນໃຫ້ສູງຂຶ້ນ,ເຊື່ອມໂຍງກັບມາດຕະຖານສາກົນໃຫ້ດີໄວກວ່າ. ນອກນີ້, ເພື່ອຫຼີກເວັ້ນກຳແກງການຄ້າ ວິສາຫະກິດຈຳນວນໜຶ່ງໄດ້ສ້າງຕັ້ງບໍລິສັດສາຂາຢູ່ປະເທດທີ່ສິນຄ້າສົ່ງໄປຂາຍນັ້ນໂດຍກົງ, ເພື່ອສາມາດຜະລິດຢູ່ປະເທດເຫຼົ່ານັ້ນໂດຍກົງເລີຍ. ພ້ອມກັນນັ້ນ,ວິສາຫະກິດຈຳນວນໜຶ່ງກໍ່ໄດ້ເຫັນໂອກາດການເຮັດທຸລະກິດໃຫຍ່ທີ່ຈີນໃຊ້ງົບປະມານຢ່າງຫຼວງຫຼາຍເພື່ອກະຕຸ້ນຄວາມຕ້ອງການພານໃນປະເທດ,ເລິ່ມຍ້າຍການພັດທະນາທຸລະກິດຈາກຕ່າງປະເທດເຂົ້າສູ່ປະເທດຕົນເອງ.
ໃນຂະນະທີ່ວິສາຫະກິດເອງໃຊ້ມາດຕະການຫຼາຍໆຢ່າງເພື່ອຮັບມືກັບລັດທິປົກປ້ອງການຄ້າ, ລັດຖະບານຈີນກໍ່ໄດ້ຕັ້ງໜ້າປະຕິບັດວຽກງານ,ເພື່ອຫຼຸດຜົນເສຍຫາຍຕໍ່ຈີນໃຫ້ໜ້ອຍລົງ. ລັດຖະບານຈີນໄດ້ກ່າວຫຼາຍເທື່ອວ່າ, ຈີນຄັດຄ້ານລັດທິປົກປ້ອງການຄ້າ,ບໍ່ປະຕິບັດລັດທິປົກປ້ອງການຄ້າ,ແລະຈະຢັ້ງຢືນໂດຍການກະທຳຕົວຈິງ. ໃນເດືອນກຸມພາປີນີ້, ທ່ານເສີນເຕີມີງ ລັດຖະມົນຕີວ່າການກະຊວງການຄ້າຈີນໄດ້ນຳພາຄະນະຈັດຊື້ໃຫຍ່ຄະນະໜຶ່ງທີ່ປະກອບດ້ວຍນັກທຸລະກິດ200ກວ່າຄົນໄປຢາມ4ປະເທດເອີລົບ ຄື,ເຢັຍລະມັນ, ສວິສ,ແອັດສປາຍ ແລະ ອັງກິດ,ດຳເນີນກິດຈະກຳຕ່າງໆ ເຊັ່ນ,ການຄົ້ນຄວ້າຫາລືການຄ້າການລົງທຶນ ແລະ ການຈັດຊື້ເປັນຕົ້ນ. ຕາມໄດ້ຊາບ, ຍອດມູນຄ່າໃບສັ່ງຈອງທີ່ຄະນະຈັດຊື້ດັ່ງກ່າວໄດ້ເຊັນກັນນັ້ນຫຼາຍກວ່າ10ຕື້ໂດລາ.
ຜູ້ຊ່ຽວຊານເຫັນວ່າ, ເບິ່ງຈາກບົດຮຽນປະຫວັດສາດ,ຫຼັງຈາກເສດຖະກິດຊຸດໂຊມລົງເປັນ1-2ປີ ຈະແມ່ນໄລຍະເກີດລັດທິປົກປ້ອງການຄ້າຫຼາຍທີ່ສຸດ, ສະນັ້ນ,ຄາດວ່າ ປັດຈຸບັນຍັງແມ່ນໄລຍະກຳເນີດລັດທິປົກປ້ອງການຄ້າສາກົນຢູ່, ໃນ1-2ປີຕໍ່ໜ້າກໍ່ຈະສືບຕໍ່ຂະຫຍາຍຕົວ. ຈີນຈະຮັບມືກັບເລື່ອງນີ້ຢ່າງໃຈເຢັນ, ສືບຕໍ່ຜ່ານຈາກມາດຕະການອັນຕັ້ງໜ້າຕ່າງໆ ເຊັ່ນ,ເປີດກວ້າງການສົ່ງອອກ,ຈັດຊື້ຢູ່ຕ່າງປະເທດຢ່າງຂະໜາດໃຫຍ່ ແລະ ໃຫ້ວິສາຫະກິດໄປລົງທຶນຢູ່ຕ່າງປະເທດໂດຍກົງເປັນຕົ້ນ ເພື່ອຕ້ານລັດທິປົກປ້ອງການຄ້າ.
ສາສະດາຈານຊົ້ງລິນເຟີ່ຍ ຫົວໜ້າສະພາບັນດິດວິທະຍາສາດສັງຄົມແຂວງຈ່ຽງຊູ່ເຫັນວ່າ, ມີສອງສາເຫດທີ່ພາໃຫ້ເກີດສະພາບແນວນີ້. ທ່ານກ່າວວ່າ,ອັນທີໜຶ່ງແມ່ນ ຄວາມຕ້ອງການຂອງຕ່າງປະເທດຫຼຸດໜ້ອຍລົງ, ໃບສັ່ງສິນຄ້າກໍ່ໜ້ອຍລົງ, ແລະອັນທີສອງແມ່ນ ລັດທິປົກປ້ອງການຄ້າຂອງຕ່າງປະເທດຟື້ນຊີບຄືນໃໝ່.
ຜູ້ຊ່ຽວຊານເຫັນວ່າ, ພາຍໃຕ້ຜົນກະທົບຂອງວິກິດການການເງິນສາກົນ, ເສດຖະກິດຂອງຫຼາຍປະເທດພັດທະນາຊ້າລົງ, ສະພາບປະກອບອາຊີບຂ້ຽວຂາດ ຜະລິດຕະກຳຊຸດໂຊມລົງ, ຫຼາຍປະເທດໄດ້ສ້າງກຳແພງການຄ້າ. ມາດຕະການປົກປ້ອງການຄ້າຫຼາຍຮູບຫຼາຍແບບໄດ້ສ້າງຜົນກະທົບຕົວຈິງຕໍ່ວິສາຫະກິດສົ່ງອອກຂອງຈີນ.
ກ່ຽວກັບເລື່ອງນີ້, ທ່ານຈ່າງກົວລຽງ ປະທານກຸ່ມບໍລິສັດຢິ່ງຢິວເມືອງລຽນຢູນກາງແຂວງຈ່ຽງຊູ່ມີຄວາມເປັນຫ່ວງອັນເລິກເຊິ່ງ. ໃນຖານະເປັນຜູ້ຮັບຜິດຊອບວິສາຫະກິດຜະລິດເຄື່ອງຈັກຜະລິດແຜ່ນແພຂະໜາດໃຫຍ່ທີ່ສຸດຂອງຈີນ, ທ່ານຮູ້ສຶກວ່າໃນເຄິ່ງປີມານີ້, ການສົ່ງອອກນັບມື້ນັບຫຍຸ້ງ, ບໍ່ແມ່ນຍ້ອນວ່າຜະລິດຕະພັນຂອງຕົນບໍ່ມີກຳລັງແຂ່ງຂັນ, ແຕ່ແມ່ນການກະທຳຂອງປະເທດທີ່ນຳເຂົ້າສິນຄ້າເຮັດໃຫ້ສັບສົນ. ທ່ານເວົ້າວ່າ,ຕົວຢ່າງວ່າ ສິນຄ້າໄປຮອດທ່າກ່ຳປັ່ນແລ້ວ, ເຂົາເຈົ້າບໍ່ໄປຮັບເອົາ. ດ່ານພາສີຈຶ່ງຍຶດເອົາສິນຄ້າ.
ທ່ານຈ່າງກົວລຽງບອກວ່າ, ເຖິງວ່າວິສາຫະກິດຂອງຕົນໃຊ້ຫຼາຍວິທີຈຶ່ງໄດ້ສຳເລັດການຄ້າຂາຍຫຼືເອົາສິນຄ້າຄືນ, ແລະຜົນເສຍຫາຍບໍ່ຫຼາຍກໍ່ຕາມ, ແຕ່ຜູ້ອື່ນທີ່ຮ່ວມຂະແໜງການດຽວກັນກໍ່ບໍ່ໂຊກດີແນວນີ້ແລ້ວ. ຍ້ອນວ່າບໍລິສັດນຳເຂົ້າສິນຄ້າບໍ່ໄປຮັບເອົາສິນຄ້າຢູ່ທ່າກ່ຳປັ່ນເປັນເວລາຍາວ, ດ່ານພາສີກໍ່ບໍ່ໃຫ້ວິສາຫະກິດຈີນເຄື່ອນຍ້າຍສິນຄ້າໄປບ່ອນອື່ນ, ຫຼາຍວິສາຫະກິດຈີນຈຶ່ງຈຳເປັນປະຖິ້ມສິນຄ້າຢູ່ທ່າກ່ຳປັ່ນຍ້ອນບໍ່ສາມາດຈ່າຍຄ່າຄ້າງສາງສູງຢູ່ທ່າກ່ຳປັ່ນ, ປ່ອຍໃຫ້ດ່ານພາສີປະມູນຂາຍດ້ວຍລາຄາຕ່ຳທີ່ສຸດ.ທີ່ຈິງແລ້ວ, ຄຽງຄູ່ກັບກຳລັງແຂ່ງຂັນຂອງຜະລິດຕະພັນເຂັ້ມແຂງຂຶ້ນເລື້ອຍໆ, ສ່ວນແບ່ງຕະຫຼາດກໍ່ນັບມື້ນັບຫຼາຍຂຶ້ນ, ຄວາມຫຍຸ້ງຍາກຂອງຈີນໃນດ້ານສົ່ງອອກສິນຄ້າກໍ່ນັບມື້ນັບຫຼາຍຂຶ້ນ. ຂໍ້ມູນສະແດງໃຫ້ເຫັນວ່າ, ຈີນໄດ້ກາຍເປັນປະເທດທີ່ຖືກສຳຫຼວດຕ້ານການຂາຍເລຫຼາຍທີ່ສຸດມາໄດ້11ປີແລ້ວ.
ນອກຈາກການສຳຫຼວດຕ້ານການຂາຍເລ ຕ້ານຄ່າອຸດໜູນແລ້ວ, ປະເທດນັບມື້ນັບຫຼາຍຍົກສູງມາດຕະຖານເຕັກນິກເພື່ອຈຳກັດການສົ່ງອອກສິນຄ້າຂອງຈີນ. ວິສາຫະກິດຈີນທີ່ມີຖານທີ່ໝັ້ນຄົງໃນຕະຫຼາດແຂ່ງຂັນອັນຮຸນແຮງ, ກໍ່ຍົກສູງຄຸນນະພາບຜະລິດຕະພັນຂອງຕົນເລື້ອຍໆເພື່ອຕອບສະໜອງກັບຄວາມຮຽກຮ້ອງຕ້ອງການທີ່ນັບມື້ນັບຮັດແຄບຂອງປະເທດທີ່ນຳເຂົ້າສິນຄ້າ, ແລະຮັກສາສ່ວນແບ່ງຕະຫຼາດ. ໃນນັ້ນກຸ່ມບໍລິສັດອາຫານລົງຕ້າແຂວງສ່ານຕົ່ງທີ່ແມ່ນວິສາຫະກິດປຸງແຕ່ງອາຫານຂະໜາດໃຫຍ່ກໍ່ແມ່ນວິສາຫະກິດໜຶ່ງ. ທ່ານກົ່ງເຊປິ່ນ ປະທານກຸ່ມບໍລິສັດອາຫານລົງຕ້າບອກນັກຂ່າວວ່າ, ຜະລິດຕະພັນຂອງຕົນສ່ວນຫຼາຍແມ່ນສົ່ງໄປຍີ່ປຸ່ນ, ດັ່ງທີ່ຮູ້ແລ້ວວ່າ, ຍີ່ປຸ່ນມີມາດຕະຖານກວດກາເຂັ້ມງວດທີ່ສຸດຕໍ່ອາຫານນຳເຂົ້າ. ເພື່ອຕອບສະໜອງກັບຄວາມຮຽກຮ້ອງຂອງຍີ່ປຸ່ນ, ບໍລິສັດລົງຕ້າໄດ້ລົງມືຍົກສູງລະດັບກວດກາຂອງຕົນກ່ອນຍີ່ປຸ່ນຈັດວາງມາດຕະຖານກວດກາອາຫານທີ່ເຂັ້ມງວດກວ່າເກົ່າ, ແລ້ວຍົກສູງຄຸນນະພາບຜະລິດຕະພັນຂອງຕົນ. ທ່ານກົ່ງເຊປິ່ນເວົ້າວ່າ,ປີ2005ພວກເຮົາໄດ້ສົ່ງພະນັກງານ3ຄົນໄປຮຽນຢູ່ຍີ່ປຸ່ນ, ຍ້ອນຢາກຮູ້ວ່າເຂົາເຈົ້າມີຄວມຮຽກຮ້ອງຫຍັງແດ່, ພວກເຮົາໄດ້ໃຊ້20ລ້ານຢວນເພື່ອນຳເຂົ້າເຄື່ອງຈັກຕາມມາດຕະຖານກວດກາຂອງຍີ່ປຸ່ນຢ່າງເຕັມສ່ວນ, ຍີ່ປຸ່ນຈະກວດກາເກືອບ700ຢ່າງ, ມີມາດຕະຖານເຂັ້ມງວດທີ່ສຸດ, ນັບແຕ່ບໍລິສັດເຮົາມີເຄື່ອງຈັກນີ້ແລ້ວກໍ່ໄດ້ມາດຕະຖານເຊັ່ນກັນ.ທ່ານກົ່ງເຊປິ່ນເວົ້າວ່າ, ຍ້ອນວ່າຜະລິດໄດ້ຕາມມາດຕະຖານຂອງຍີ່ປຸ່ນຢ່າງເຕັມສ່ວນ, ສະນັ້ນວິສາຫະກິດຂອງທ່ານສົ່ງອອກສິນຄ້າຕໍ່ຍີ່ປຸ່ນໄດ້ເພີ່ມຂຶ້ນຢ່າງຕໍ່ເນື່ອງ, ແລະໄດ້ສ້າງຍີ່ຫໍ້ຊື່ດັງຂອງຕົນຢູ່ຕະຫຼາດຍີ່ປຸ່ນ, ທ່ານເຫັນວ່າ ພາຍໃຕ້ຜົນກະທົບຂອງວິກິດການການເງິນ, ຈະມີຄົນຍີ່ປຸ່ນນັບມື້ນັບຫຼາຍມາຊື້ອາຫານທີ່ຄຸນນະພາບດີລາຄາຖືກ, ວິສາຫະກິດຂອງຕົນກໍ່ຈະໄດ້ຮັບຜົນປະໂຫຍດໃນນັ້ນ. ທ່ານເບິ່ງໃນແງ່ດີ ແລະ ຄາດວ່າ,ການສົ່ງອອກສິນຄ້າໄປຍີ່ປຸ່ນໃນປີນີ້ຈະເພິ່ມຫຼາຍຂຶ້ນ.
ກໍຄືບໍລິສັດລົງຕ້າ, ວິສາຫະກິດຈີນນັບມື້ນັບຫຼາຍຮູ້ສຶກວ່າ,ວິທີທີ່ບັງເກີດຜົນທີ່ສຸດເພື່ອຮັບມືກັບມາດຕະການປົກປ້ອງການຄ້າທັງຫຼາຍນັ້ນ ກໍ່ແມ່ນຍົກຄຸນນະພາບຜະລິດຕະພັນຂອງຕົນໃຫ້ສູງຂຶ້ນ,ເຊື່ອມໂຍງກັບມາດຕະຖານສາກົນໃຫ້ດີໄວກວ່າ. ນອກນີ້, ເພື່ອຫຼີກເວັ້ນກຳແກງການຄ້າ ວິສາຫະກິດຈຳນວນໜຶ່ງໄດ້ສ້າງຕັ້ງບໍລິສັດສາຂາຢູ່ປະເທດທີ່ສິນຄ້າສົ່ງໄປຂາຍນັ້ນໂດຍກົງ, ເພື່ອສາມາດຜະລິດຢູ່ປະເທດເຫຼົ່ານັ້ນໂດຍກົງເລີຍ. ພ້ອມກັນນັ້ນ,ວິສາຫະກິດຈຳນວນໜຶ່ງກໍ່ໄດ້ເຫັນໂອກາດການເຮັດທຸລະກິດໃຫຍ່ທີ່ຈີນໃຊ້ງົບປະມານຢ່າງຫຼວງຫຼາຍເພື່ອກະຕຸ້ນຄວາມຕ້ອງການພານໃນປະເທດ,ເລິ່ມຍ້າຍການພັດທະນາທຸລະກິດຈາກຕ່າງປະເທດເຂົ້າສູ່ປະເທດຕົນເອງ.
ໃນຂະນະທີ່ວິສາຫະກິດເອງໃຊ້ມາດຕະການຫຼາຍໆຢ່າງເພື່ອຮັບມືກັບລັດທິປົກປ້ອງການຄ້າ, ລັດຖະບານຈີນກໍ່ໄດ້ຕັ້ງໜ້າປະຕິບັດວຽກງານ,ເພື່ອຫຼຸດຜົນເສຍຫາຍຕໍ່ຈີນໃຫ້ໜ້ອຍລົງ. ລັດຖະບານຈີນໄດ້ກ່າວຫຼາຍເທື່ອວ່າ, ຈີນຄັດຄ້ານລັດທິປົກປ້ອງການຄ້າ,ບໍ່ປະຕິບັດລັດທິປົກປ້ອງການຄ້າ,ແລະຈະຢັ້ງຢືນໂດຍການກະທຳຕົວຈິງ. ໃນເດືອນກຸມພາປີນີ້, ທ່ານເສີນເຕີມີງ ລັດຖະມົນຕີວ່າການກະຊວງການຄ້າຈີນໄດ້ນຳພາຄະນະຈັດຊື້ໃຫຍ່ຄະນະໜຶ່ງທີ່ປະກອບດ້ວຍນັກທຸລະກິດ200ກວ່າຄົນໄປຢາມ4ປະເທດເອີລົບ ຄື,ເຢັຍລະມັນ, ສວິສ,ແອັດສປາຍ ແລະ ອັງກິດ,ດຳເນີນກິດຈະກຳຕ່າງໆ ເຊັ່ນ,ການຄົ້ນຄວ້າຫາລືການຄ້າການລົງທຶນ ແລະ ການຈັດຊື້ເປັນຕົ້ນ. ຕາມໄດ້ຊາບ, ຍອດມູນຄ່າໃບສັ່ງຈອງທີ່ຄະນະຈັດຊື້ດັ່ງກ່າວໄດ້ເຊັນກັນນັ້ນຫຼາຍກວ່າ10ຕື້ໂດລາ.
ຜູ້ຊ່ຽວຊານເຫັນວ່າ, ເບິ່ງຈາກບົດຮຽນປະຫວັດສາດ,ຫຼັງຈາກເສດຖະກິດຊຸດໂຊມລົງເປັນ1-2ປີ ຈະແມ່ນໄລຍະເກີດລັດທິປົກປ້ອງການຄ້າຫຼາຍທີ່ສຸດ, ສະນັ້ນ,ຄາດວ່າ ປັດຈຸບັນຍັງແມ່ນໄລຍະກຳເນີດລັດທິປົກປ້ອງການຄ້າສາກົນຢູ່, ໃນ1-2ປີຕໍ່ໜ້າກໍ່ຈະສືບຕໍ່ຂະຫຍາຍຕົວ. ຈີນຈະຮັບມືກັບເລື່ອງນີ້ຢ່າງໃຈເຢັນ, ສືບຕໍ່ຜ່ານຈາກມາດຕະການອັນຕັ້ງໜ້າຕ່າງໆ ເຊັ່ນ,ເປີດກວ້າງການສົ່ງອອກ,ຈັດຊື້ຢູ່ຕ່າງປະເທດຢ່າງຂະໜາດໃຫຍ່ ແລະ ໃຫ້ວິສາຫະກິດໄປລົງທຶນຢູ່ຕ່າງປະເທດໂດຍກົງເປັນຕົ້ນ ເພື່ອຕ້ານລັດທິປົກປ້ອງການຄ້າ.
ຂ່າວ-ບົດທີ່ກ່ຽວຂ້ອງ
ຄຳເຫັນ
