ເຂົ້າໜຽວ 5 ສີກັບຄວາມສຸກຂອງຄອບຄົວຊາວເຜົ່າຈ້ວງ
(GMT+08:00) 2009-04-28 19:52:46 cri
-----------------------------------------------------------------------------------------------------------------
-----------------------------------------------------------------------------------------------------------------
ເຜົ່າຈ້ວງຂອງຈີນກໍຄ້າຍຄືກັນກັບຄົນລາວ,ມັກກິນເຂົ້າໜຽວ.ທີ່ຕ່າງກັນໜ້ອຍໜຶ່ງກໍແມ່ນ,ຊາວເຜົ່າຈ້ວງມັກກິນເຂົ້າໜຽວ 5 ສີ. ໄດ້ຊື່ນີ້ຍ້ອນເຂົ້າໜຽວມີ 5 ສີຄື ສີດຳ, ສີແດງ, ສີເຫຼືອງ, ສີກ່ຳແລະສີຂາວ. ເມື່ອຮອດບຸນຊິ່ງມິງຫຼືບຸນຂຶ້ນສາມຄ່ຳເດືອນສາມຕາມຈັນທະຄະຕິຈີນ,ຊາວເຜົ່າຈ້ວງຄອບຄົວໃດກໍ່ພາກັນໜຶ້ງເຂົ້າໜຽວ 5 ສີ.
ໃນວັນບຸນຂຶ້ນສາມຄ່ຳເດືອນສາມຕາມຈັນທະຄະຕິຈີນແຕ່ລະປີ,ຟ້າຍັງບໍ່ທັນແຈ້ງ,ແມ່ຍິງຂອງທຸກໆຄອບຄົວກໍ່ຕື່ນນອນ,ແລ້ວເອົາເຂົ້າໜຽວ 5 ສີທີ່ໝ່າແລ້ວນັ້ນໃສ່ຫວດໜຶ້ງ,ບໍ່ດົນປານໃດ,ບ້ານເຜົ່າຈ້ວງກໍ່ຈະປົກຄຸມໄປດ້ວຍກິ່ນຫອມຂອງເຂົ້າໜຽວ.ເມື່ອເວົ້າເຖິງເຂົ້າໜຽວ 5 ສີ,ທ່ານເກີຊຽງ ນັກວິຊາການທີ່ຄົ້ນຄວ້າຮີດຄອງປະເພນີຂອງເຜົ່າຕ່າງໆຢູ່ທ້ອງຖິ່ນກໍ່ໄດ້ເລົ່ານິທານທີ່ໜ້າຟັງຕໍ່ພວກເຮົາ:
"ໃນສະໄໝບູຮານ,ມີຊາວໜຸ່ມເຜົ່າຈ້ວງຄົນໜຶ່ງຊື່ວ່າເທີນົງ,ພໍ່ເສຍແຕ່ລາວຍັງນ້ອຍ,ແມ່ກໍ່ເປັນອຳມະພາດ ນອນຢູ່ແຕ່ເທິງຕຽງ,ແມ່ລູກຕ່າງເພິ່ງພາອາໄສກັນເອງຕາມລຳພັງ.ທ້າວເທີນົງກະຕັນຍູທີ່ສຸດຕໍ່ແມ່ຜູ້ບັງເກີດເກົ້າ,ຢ້ານແມ່ຢູ່ເຮືອນຜູ້ດຽວຈະຮູ້ສຶກເຫງົາ,ກໍເຈ່ຍແມ່ຂຶ້ນພູຕັດຟືນ,ດຳນາຢູ່ທົ່ງ.ແຕ່ລະເທື່ອ,ລາວກໍເອົາເຂົ້າໜຽວຫໍ່ໃຫຍ່ໆທີ່ແມ່ມັກກິນທີ່ສຸດນັ້ນວາງໄວ້ຢູ່ຂ້າງແມ່ເພື່ອໃຫ້ແມ່ກິນໃນເວລາຫີວ.
ແຕ່ບໍ່ນຶກບໍ່ຝັນວ່າ,ການກະທຳຂອງທ້າວເທີນົງກັບແມ່ໄດ້ຖືກລີງໂຕໜຶ່ງເທິງພູຈອບເບິ່ງຢູ່.ລີງໂຕນີ້ກໍສວຍໂອກາດທີ່ທ້າວເທີນົງໄປຕັດຟືນ,ຄ່ອຍຈອບເຂົ້າໄປຫາແມ່ຂອງລາວ,ແລ້ວລັກເອົາເຂົ້າໜຽວແລ່ນໜີໄປ.ແມ່ເຄື່ອນໄຫວບໍ່ໄດ້,ໄດ້ແຕ່ເບິ່ງລີງລັກເອົາເຂົ້າໜຽວໄປລ້າໆ.ເປັນແນວນີ້ໄດ້ຫຼາຍມື້,ທ້າວເທີນົງເຫັນແມ່ຫີວເຂົ້າແຕ່ບໍ່ມີຫຍັງກິນ,ຄຶດໃຈຮ້າຍແລ້ວເລີຍດືງເອົາໃບເຟິ່ງເຢ້ຢູ່ຂ້າງໂຕມາຍີຍ່ອງ,ແຕ່ຄຶດບໍ່ອອກວ່າຈະເຮັດແນວໃດ.
ໃນເວລານັ້ນ,ທ້າວເທີນົງສັງເກດເຫັນວ່າ,ມືຂອງຕົນຍ້ອນຍ່ອງໃບເຟິ່ງເຢ້,ຖືກຍ້ອມເປື້ອນເປັນສີດຳໆ.ລາວເປັນຄົນຫົວໄວ,ເລີຍຄຶດຊວາດໃນທັນທີ,ແລ່ນໄປຕັດເອົາໃບເຟິ່ງເຢ້ເມືອເຮືອນ,ແລ້ວເອົາໃສ່ຄົກຈົນມຸ່ນ,ແລ້ວແຊ່ນ້ຳໜຶ່ງມື້ໜຶ່ງຄືນ,ໄດ້ນ້ຳສີດຳ,ແລ້ວເອົາເຂົ້າໜຽວລົງແຊ່ໃນນ້ຳດັ່ງກ່າວຄືນໜຶ່ງ.ຕື່ນເຊົ້າມື້ລຸນມາກໍເອົາເຂົ້າໜຽວສີດຳໃສ່ຫວດໜຶ້ງ,ກໍ່ມີກິ່ນຫອມເຕັມເຮືອນໃນທັນທີ.
ຕໍ່ມາ,ເມື່ອລີງໄດ້ເຫັນເຂົ້າໜຽວສີດຳນັ້ນ,ຄຶດວ່າແມ່ນຢາເບື່ອ,ເລີຍບໍ່ກ້າແຕະຕ້ອງອີກ,ແລ້ວໜີອາດຫຼາດ.ສ່ວນທ້າວເທີນົງເມື່ອໄດ້ກິນເຂົ້າໜຽວສີດຳແລ້ວ,ຄໍກໍບໍ່ແຫ້ງ,ຍັງຮູ້ສຶກມີເຮື່ອແຮງຫຼາຍ,ຕັດຟືນກໍໄດ້ຫຼາຍກວ່າເກົ່າ.ຕັ້ງແຕ່ນັ້ນມາ,ເມື່ອທ້າວເທີນົງເຈ່ຍແມ່ໄປຕັດຟືນຢູ່ເທິງພູ,ກໍເອົາເຂົ້າໜຽວສີດຳໄປນຳທຸກເທື່ອ.
ຫຼັງຈາກນັ້ນ,ຊາວເຜົ່າຈ້ວງກໍຮຽນນຳທ້າວເທີນົງ,ທຸກໆຄອບຄົວນອກຈາກໜຶ້ງເຂົ້າໜຽວສີດຳແລ້ວ,ພາຍຫຼັງມາ,ຍັງຮຽນຮູ້ວິທີໜຶ້ງເຂົ້າໜຽວສີເຫຼືອງ,ສີແດງ,ເຂົ້າກ່ຳແລະເຂົ້າໜຽວສີຂາວ,ໃນທີ່ສຸດ,ກໍໄດ້ກາຍເປັນເຂົ້າໜຽວ 5 ສີຈົນມາຮອດປະຈຸບັນນີ້."
ທ່ານຊູ່ນທ່າວ ນັກທ່ອງທ່ຽວທີ່ມາຈາກແຂວງອານຮຸຍເມື່ອໄດ້ກິນເຂົ້າ 5 ສີແລ້ວ,ກໍຍ້ອງຢ່າງບໍ່ເຫືອດສົບເຫືອດປາກວ່າ:
"ເຂົ້າໜຽວທີ່ໜຶ້ງສຸກມີຫຼາຍສີປົນກັນ,ງາມອີ່ຫຼີ.ແລະມີກິ່ນຫອມໆ,ກິນກໍແຊບທັງມີລົດຫວານໜ້ອຍໜຶ່ງ."
ໃນສະພາບທີ່ອາກາດບໍ່ຮ້ອນປານໃດ,ເຂົ້າໜຽວ 5 ສີເອົາໄວ້ຫຼາຍມື້ກໍບໍ່ເປັນຫຍັງ,ສີບໍ່ປ່ຽນ,ກິ່ນຫອມກໍຄືເກົ່າ.ຊາວເຜົ່າຈ້ວງຍັງໄດ້ປະດິດສ້າງວິທີກິນເຂົ້າໜຽວຫຼາຍຢ່າງຫຼາຍແນວ.ທ່ານຊີນຮົງ ນັກຊິມອາຫານເຜົ່າຈ້ວງກ່າວວ່າ:
"ບາງຄົນໜຶ້ງເຂົ້າໜຽວສຸກແລ້ວ,ຍັງເອົາໝາກຖົ່ວດິນ,ໝາກງາຂົ້ວຈົນສຸກຈົນຫອມ,ແລ້ວໃສ່ຄົກ,ຕຳຈົນມຸ່ນ,ແລ້ວເອົາໂຮຍໃສ່ເຂົ້າໜຽວ 5 ສີ.ຍັງມີບາງຄົນເອົາເຂົ້າໜຽວ 5 ສີຫ່າຍໃສ່ບັ້ງໄມ້ໄຜ່ສົດໆ,ແລ້ວເອົາບັ້ງໄມ້ໄຜ່ເຜົາໃສ່ກອງໄຟ,ຄ່ອຍໆເຜົາຈົນສຽງແຕກເປາະແປະ,ເມື່ອສຸກແລ້ວກໍກາຍເປັນເຂົ້າຫຼາມທີ່ແຊບທີ່ສຸດ."
ການໜຶ້ງເຂົ້າໜຽວ 5 ສີຕ້ອງເອົາໃຈໃສ່ວິທີເຮັດ.ກ່ອນອື່ນ,ຕ້ອງເຮັດນ້ຳຍ້ອມ:ຄືເອົາໃບເຟິ່ງເຢ້,ແລ້ວເປືອກກິ່ງກ້ານອ່ອນໆຂອງມັນ,ໃສ່ຄົກຕຳຈົນແຫຼກ,ປະໃຫ້ລົມພັດຈົນແຫ້ງໜ້ອຍໜຶ່ງແລ້ວລົງແຊ່ນ້ຳມື້ໜຶ່ງຄືນໜຶ່ງ,ແລ້ວຕອງເອົາແຕ່ນ້ຳສີດຳ. ສີເຫຼືອງແມ່ນໄດ້ມາຈາກຂີ້ໝິ້ນ.ສ່ວນນ້ຳສີແດງແມ່ນເອົາຫຍ້າສີແດງມາຕົ້ມເອົາແລະສີກ່ຳນັ້ນກໍແມ່ນເຂົ້າກ່ຳນັ້ນເອງ.
ເມື່ອມີສີນ້ຳຍ້ອມແລ້ວ,ກໍເອົາເຂົ້າໜຽວໝ່າໃສ່ນ້ຳສີຕ່າງໆຄືນໜຶ່ງ,ແລ້ວເອົາໃສ່ຫວດໜຶ້ງປະມານ 1 ຊົ່ວໂມງ,ກໍ່ຈະໄດ້ເຂົ້າໜຽວ 5 ສີຄືທີ່ເວົ້າມາ.ເຂົ້າໜຽວ 5 ສີທີ່ໜຶ້ງດ້ວຍວິທີນີ້ຈະມີ 5 ສີສົດໃສ,ມີທາດບຳລຸງຮ່າງກາຍແລະອ່ອນນຸ້ມ,ແລະມີກິ່ນຫອມຂອງພືດທຳມະຊາດ,ເມື່ອກິນແລ້ວກໍ່ບໍ່ລືມຈັກເທື່ອ.ປະຊາຊົນຢູ່ທ້ອງຖິ່ນຍັງບອກພວກເຮົາວ່າ,ເຂົ້າໜຽວ 5 ສີຍັງເປັນຢາບຳລຸງຮ່າງກາຍໄດ້.ທ່ານຊີນຮົງ ນັກຊິມອາຫານເຜົ່າຈ້ວງກ່າວວ່າ:
"ຫຍ້າສີແດງມີບົດບາດບຳລຸງເລືອດ,ຂີ້ໝິ້ນກໍເປັນຢາ,ເຂົ້າທີ່ແຊ່ນ້ຳໃບເຟິ່ງເຢ້,ກິນແລ້ວເຮັດໃຫ້ກະດູກໝັ້ນ,ມີຜົນດີຕໍ່ກະເພາະລຳໄສ້,ແລະຕື່ມໄຂມັນກະດູກ."
ຊາວເຜົ່າຈ້ວງມັກກິນເຂົ້າໜຽວ 5 ສີ,ແລະຖືວ່າເປັນສັນຍາລັກແຫ່ງຄວາມສຸກແລະສິລິມຸງຄຸນ.ນອກຈາກວັນບຸນຂຶ້ນສາມຄ່ຳເດືອນສາມຕາມຈັນທະຄະຕິຈີນແລ້ວ,ໃນບຸນໄຫວ້ພະເຈົ້າຄີໄຟ,ບຸນໄຫວ້ຍາດພີ່ນ້ອງຜູ້ລ່ວງລັບໄປແລ້ວ,ກໍຄືບຸນປີໃໝ່,ກໍມີຄົນໜຶ້ງເຂົ້າໜຽວ 5 ສີກິນເຊັ່ນດຽວກັນ.ໃນພິທີອອກກຳແລະຂຶ້ນເຮືອນໃໝ່ເປັນຕົ້ນ,ກໍຕ້ອງໜຶ້ງເຂົ້າໜຽວ 5 ສີໃຫ້ເພື່ອນບ້ານກິນ.ທ່ານເກີຊຽງ ນັກວິຊາການທີ່ຄົ້ນຄວ້າຮີດຄອງປະເພນີຂອງເຜົ່າຕ່າງໆຢູ່ທ້ອງຖິ່ນກ່າວວ່າ:
"ຊາວເຜົ່າຈ້ວງມັກໃບເຟິ່ງເຢ້ຫຼາຍ,ຍ້ອນເຊື່ອວ່າ,ມັນສາມາດໄລ່ຜີສາງນາງຮ້າຍ,ນຳເອົາຄວາມເປັນສິລິມຸງຄຸນແລະຄວາມຜາສຸກມາໃຫ້.ສະນັ້ນ,ໃນວັນບຸນຂຶ້ນສາມຄ່ຳເດືອນສາມຕາມຈັນທະຄະຕິຈີນ,ເມື່ອໜຶ້ງເຂົ້າໜຽວ 5 ສີ,ຢູ່ໜ້າປະຕູຂອງທຸກໆຄອບຄົວກໍຈະເນັບໃບເຟິ່ງເຢ້ໃສ່ງ່າໜຶ່ງທີ່ໄດ້ຜ່ານການຄັດເລືອກມາເປັນຢ່າງດີ.ເສດນ້ຳສີທີ່ໜຶ້ງເຂົ້າໜຽວຕ້ອງເອົາໄປໂຮຍໃສ່ຕີນຝາເຮືອນທາງນອກ,ເພື່ອໄລ່ຜີແລະຮັກສາຄວາມຜາສຸກ."
ປະຈຸບັນ,ພໍດີແມ່ນລະດູທີ່ເຂົ້າໜຽວ 5 ສີສົ່ງກິ່ນຫອມ,ຖ້າທ່ານໄປທ່ຽວບ້ານຊາວເຜົ່າຈ້ວງເຂດກວາງຊີຈີນ,ທ່ານຈະໄດ້ຊິມເຂົ້າໜຽວ 5 ສີທີ່ຊາວເຜົ່າຈ້ວງໜຶ້ງດ້ວຍຄວາມພຽນໃຈຢ່າງແນ່ນອນ.
ໃນວັນບຸນຂຶ້ນສາມຄ່ຳເດືອນສາມຕາມຈັນທະຄະຕິຈີນແຕ່ລະປີ,ຟ້າຍັງບໍ່ທັນແຈ້ງ,ແມ່ຍິງຂອງທຸກໆຄອບຄົວກໍ່ຕື່ນນອນ,ແລ້ວເອົາເຂົ້າໜຽວ 5 ສີທີ່ໝ່າແລ້ວນັ້ນໃສ່ຫວດໜຶ້ງ,ບໍ່ດົນປານໃດ,ບ້ານເຜົ່າຈ້ວງກໍ່ຈະປົກຄຸມໄປດ້ວຍກິ່ນຫອມຂອງເຂົ້າໜຽວ.ເມື່ອເວົ້າເຖິງເຂົ້າໜຽວ 5 ສີ,ທ່ານເກີຊຽງ ນັກວິຊາການທີ່ຄົ້ນຄວ້າຮີດຄອງປະເພນີຂອງເຜົ່າຕ່າງໆຢູ່ທ້ອງຖິ່ນກໍ່ໄດ້ເລົ່ານິທານທີ່ໜ້າຟັງຕໍ່ພວກເຮົາ:
"ໃນສະໄໝບູຮານ,ມີຊາວໜຸ່ມເຜົ່າຈ້ວງຄົນໜຶ່ງຊື່ວ່າເທີນົງ,ພໍ່ເສຍແຕ່ລາວຍັງນ້ອຍ,ແມ່ກໍ່ເປັນອຳມະພາດ ນອນຢູ່ແຕ່ເທິງຕຽງ,ແມ່ລູກຕ່າງເພິ່ງພາອາໄສກັນເອງຕາມລຳພັງ.ທ້າວເທີນົງກະຕັນຍູທີ່ສຸດຕໍ່ແມ່ຜູ້ບັງເກີດເກົ້າ,ຢ້ານແມ່ຢູ່ເຮືອນຜູ້ດຽວຈະຮູ້ສຶກເຫງົາ,ກໍເຈ່ຍແມ່ຂຶ້ນພູຕັດຟືນ,ດຳນາຢູ່ທົ່ງ.ແຕ່ລະເທື່ອ,ລາວກໍເອົາເຂົ້າໜຽວຫໍ່ໃຫຍ່ໆທີ່ແມ່ມັກກິນທີ່ສຸດນັ້ນວາງໄວ້ຢູ່ຂ້າງແມ່ເພື່ອໃຫ້ແມ່ກິນໃນເວລາຫີວ.
ແຕ່ບໍ່ນຶກບໍ່ຝັນວ່າ,ການກະທຳຂອງທ້າວເທີນົງກັບແມ່ໄດ້ຖືກລີງໂຕໜຶ່ງເທິງພູຈອບເບິ່ງຢູ່.ລີງໂຕນີ້ກໍສວຍໂອກາດທີ່ທ້າວເທີນົງໄປຕັດຟືນ,ຄ່ອຍຈອບເຂົ້າໄປຫາແມ່ຂອງລາວ,ແລ້ວລັກເອົາເຂົ້າໜຽວແລ່ນໜີໄປ.ແມ່ເຄື່ອນໄຫວບໍ່ໄດ້,ໄດ້ແຕ່ເບິ່ງລີງລັກເອົາເຂົ້າໜຽວໄປລ້າໆ.ເປັນແນວນີ້ໄດ້ຫຼາຍມື້,ທ້າວເທີນົງເຫັນແມ່ຫີວເຂົ້າແຕ່ບໍ່ມີຫຍັງກິນ,ຄຶດໃຈຮ້າຍແລ້ວເລີຍດືງເອົາໃບເຟິ່ງເຢ້ຢູ່ຂ້າງໂຕມາຍີຍ່ອງ,ແຕ່ຄຶດບໍ່ອອກວ່າຈະເຮັດແນວໃດ.
ໃນເວລານັ້ນ,ທ້າວເທີນົງສັງເກດເຫັນວ່າ,ມືຂອງຕົນຍ້ອນຍ່ອງໃບເຟິ່ງເຢ້,ຖືກຍ້ອມເປື້ອນເປັນສີດຳໆ.ລາວເປັນຄົນຫົວໄວ,ເລີຍຄຶດຊວາດໃນທັນທີ,ແລ່ນໄປຕັດເອົາໃບເຟິ່ງເຢ້ເມືອເຮືອນ,ແລ້ວເອົາໃສ່ຄົກຈົນມຸ່ນ,ແລ້ວແຊ່ນ້ຳໜຶ່ງມື້ໜຶ່ງຄືນ,ໄດ້ນ້ຳສີດຳ,ແລ້ວເອົາເຂົ້າໜຽວລົງແຊ່ໃນນ້ຳດັ່ງກ່າວຄືນໜຶ່ງ.ຕື່ນເຊົ້າມື້ລຸນມາກໍເອົາເຂົ້າໜຽວສີດຳໃສ່ຫວດໜຶ້ງ,ກໍ່ມີກິ່ນຫອມເຕັມເຮືອນໃນທັນທີ.
ຕໍ່ມາ,ເມື່ອລີງໄດ້ເຫັນເຂົ້າໜຽວສີດຳນັ້ນ,ຄຶດວ່າແມ່ນຢາເບື່ອ,ເລີຍບໍ່ກ້າແຕະຕ້ອງອີກ,ແລ້ວໜີອາດຫຼາດ.ສ່ວນທ້າວເທີນົງເມື່ອໄດ້ກິນເຂົ້າໜຽວສີດຳແລ້ວ,ຄໍກໍບໍ່ແຫ້ງ,ຍັງຮູ້ສຶກມີເຮື່ອແຮງຫຼາຍ,ຕັດຟືນກໍໄດ້ຫຼາຍກວ່າເກົ່າ.ຕັ້ງແຕ່ນັ້ນມາ,ເມື່ອທ້າວເທີນົງເຈ່ຍແມ່ໄປຕັດຟືນຢູ່ເທິງພູ,ກໍເອົາເຂົ້າໜຽວສີດຳໄປນຳທຸກເທື່ອ.
ຫຼັງຈາກນັ້ນ,ຊາວເຜົ່າຈ້ວງກໍຮຽນນຳທ້າວເທີນົງ,ທຸກໆຄອບຄົວນອກຈາກໜຶ້ງເຂົ້າໜຽວສີດຳແລ້ວ,ພາຍຫຼັງມາ,ຍັງຮຽນຮູ້ວິທີໜຶ້ງເຂົ້າໜຽວສີເຫຼືອງ,ສີແດງ,ເຂົ້າກ່ຳແລະເຂົ້າໜຽວສີຂາວ,ໃນທີ່ສຸດ,ກໍໄດ້ກາຍເປັນເຂົ້າໜຽວ 5 ສີຈົນມາຮອດປະຈຸບັນນີ້."
ທ່ານຊູ່ນທ່າວ ນັກທ່ອງທ່ຽວທີ່ມາຈາກແຂວງອານຮຸຍເມື່ອໄດ້ກິນເຂົ້າ 5 ສີແລ້ວ,ກໍຍ້ອງຢ່າງບໍ່ເຫືອດສົບເຫືອດປາກວ່າ:
"ເຂົ້າໜຽວທີ່ໜຶ້ງສຸກມີຫຼາຍສີປົນກັນ,ງາມອີ່ຫຼີ.ແລະມີກິ່ນຫອມໆ,ກິນກໍແຊບທັງມີລົດຫວານໜ້ອຍໜຶ່ງ."
ໃນສະພາບທີ່ອາກາດບໍ່ຮ້ອນປານໃດ,ເຂົ້າໜຽວ 5 ສີເອົາໄວ້ຫຼາຍມື້ກໍບໍ່ເປັນຫຍັງ,ສີບໍ່ປ່ຽນ,ກິ່ນຫອມກໍຄືເກົ່າ.ຊາວເຜົ່າຈ້ວງຍັງໄດ້ປະດິດສ້າງວິທີກິນເຂົ້າໜຽວຫຼາຍຢ່າງຫຼາຍແນວ.ທ່ານຊີນຮົງ ນັກຊິມອາຫານເຜົ່າຈ້ວງກ່າວວ່າ:
"ບາງຄົນໜຶ້ງເຂົ້າໜຽວສຸກແລ້ວ,ຍັງເອົາໝາກຖົ່ວດິນ,ໝາກງາຂົ້ວຈົນສຸກຈົນຫອມ,ແລ້ວໃສ່ຄົກ,ຕຳຈົນມຸ່ນ,ແລ້ວເອົາໂຮຍໃສ່ເຂົ້າໜຽວ 5 ສີ.ຍັງມີບາງຄົນເອົາເຂົ້າໜຽວ 5 ສີຫ່າຍໃສ່ບັ້ງໄມ້ໄຜ່ສົດໆ,ແລ້ວເອົາບັ້ງໄມ້ໄຜ່ເຜົາໃສ່ກອງໄຟ,ຄ່ອຍໆເຜົາຈົນສຽງແຕກເປາະແປະ,ເມື່ອສຸກແລ້ວກໍກາຍເປັນເຂົ້າຫຼາມທີ່ແຊບທີ່ສຸດ."
ການໜຶ້ງເຂົ້າໜຽວ 5 ສີຕ້ອງເອົາໃຈໃສ່ວິທີເຮັດ.ກ່ອນອື່ນ,ຕ້ອງເຮັດນ້ຳຍ້ອມ:ຄືເອົາໃບເຟິ່ງເຢ້,ແລ້ວເປືອກກິ່ງກ້ານອ່ອນໆຂອງມັນ,ໃສ່ຄົກຕຳຈົນແຫຼກ,ປະໃຫ້ລົມພັດຈົນແຫ້ງໜ້ອຍໜຶ່ງແລ້ວລົງແຊ່ນ້ຳມື້ໜຶ່ງຄືນໜຶ່ງ,ແລ້ວຕອງເອົາແຕ່ນ້ຳສີດຳ. ສີເຫຼືອງແມ່ນໄດ້ມາຈາກຂີ້ໝິ້ນ.ສ່ວນນ້ຳສີແດງແມ່ນເອົາຫຍ້າສີແດງມາຕົ້ມເອົາແລະສີກ່ຳນັ້ນກໍແມ່ນເຂົ້າກ່ຳນັ້ນເອງ.
ເມື່ອມີສີນ້ຳຍ້ອມແລ້ວ,ກໍເອົາເຂົ້າໜຽວໝ່າໃສ່ນ້ຳສີຕ່າງໆຄືນໜຶ່ງ,ແລ້ວເອົາໃສ່ຫວດໜຶ້ງປະມານ 1 ຊົ່ວໂມງ,ກໍ່ຈະໄດ້ເຂົ້າໜຽວ 5 ສີຄືທີ່ເວົ້າມາ.ເຂົ້າໜຽວ 5 ສີທີ່ໜຶ້ງດ້ວຍວິທີນີ້ຈະມີ 5 ສີສົດໃສ,ມີທາດບຳລຸງຮ່າງກາຍແລະອ່ອນນຸ້ມ,ແລະມີກິ່ນຫອມຂອງພືດທຳມະຊາດ,ເມື່ອກິນແລ້ວກໍ່ບໍ່ລືມຈັກເທື່ອ.ປະຊາຊົນຢູ່ທ້ອງຖິ່ນຍັງບອກພວກເຮົາວ່າ,ເຂົ້າໜຽວ 5 ສີຍັງເປັນຢາບຳລຸງຮ່າງກາຍໄດ້.ທ່ານຊີນຮົງ ນັກຊິມອາຫານເຜົ່າຈ້ວງກ່າວວ່າ:
"ຫຍ້າສີແດງມີບົດບາດບຳລຸງເລືອດ,ຂີ້ໝິ້ນກໍເປັນຢາ,ເຂົ້າທີ່ແຊ່ນ້ຳໃບເຟິ່ງເຢ້,ກິນແລ້ວເຮັດໃຫ້ກະດູກໝັ້ນ,ມີຜົນດີຕໍ່ກະເພາະລຳໄສ້,ແລະຕື່ມໄຂມັນກະດູກ."
ຊາວເຜົ່າຈ້ວງມັກກິນເຂົ້າໜຽວ 5 ສີ,ແລະຖືວ່າເປັນສັນຍາລັກແຫ່ງຄວາມສຸກແລະສິລິມຸງຄຸນ.ນອກຈາກວັນບຸນຂຶ້ນສາມຄ່ຳເດືອນສາມຕາມຈັນທະຄະຕິຈີນແລ້ວ,ໃນບຸນໄຫວ້ພະເຈົ້າຄີໄຟ,ບຸນໄຫວ້ຍາດພີ່ນ້ອງຜູ້ລ່ວງລັບໄປແລ້ວ,ກໍຄືບຸນປີໃໝ່,ກໍມີຄົນໜຶ້ງເຂົ້າໜຽວ 5 ສີກິນເຊັ່ນດຽວກັນ.ໃນພິທີອອກກຳແລະຂຶ້ນເຮືອນໃໝ່ເປັນຕົ້ນ,ກໍຕ້ອງໜຶ້ງເຂົ້າໜຽວ 5 ສີໃຫ້ເພື່ອນບ້ານກິນ.ທ່ານເກີຊຽງ ນັກວິຊາການທີ່ຄົ້ນຄວ້າຮີດຄອງປະເພນີຂອງເຜົ່າຕ່າງໆຢູ່ທ້ອງຖິ່ນກ່າວວ່າ:
"ຊາວເຜົ່າຈ້ວງມັກໃບເຟິ່ງເຢ້ຫຼາຍ,ຍ້ອນເຊື່ອວ່າ,ມັນສາມາດໄລ່ຜີສາງນາງຮ້າຍ,ນຳເອົາຄວາມເປັນສິລິມຸງຄຸນແລະຄວາມຜາສຸກມາໃຫ້.ສະນັ້ນ,ໃນວັນບຸນຂຶ້ນສາມຄ່ຳເດືອນສາມຕາມຈັນທະຄະຕິຈີນ,ເມື່ອໜຶ້ງເຂົ້າໜຽວ 5 ສີ,ຢູ່ໜ້າປະຕູຂອງທຸກໆຄອບຄົວກໍຈະເນັບໃບເຟິ່ງເຢ້ໃສ່ງ່າໜຶ່ງທີ່ໄດ້ຜ່ານການຄັດເລືອກມາເປັນຢ່າງດີ.ເສດນ້ຳສີທີ່ໜຶ້ງເຂົ້າໜຽວຕ້ອງເອົາໄປໂຮຍໃສ່ຕີນຝາເຮືອນທາງນອກ,ເພື່ອໄລ່ຜີແລະຮັກສາຄວາມຜາສຸກ."
ປະຈຸບັນ,ພໍດີແມ່ນລະດູທີ່ເຂົ້າໜຽວ 5 ສີສົ່ງກິ່ນຫອມ,ຖ້າທ່ານໄປທ່ຽວບ້ານຊາວເຜົ່າຈ້ວງເຂດກວາງຊີຈີນ,ທ່ານຈະໄດ້ຊິມເຂົ້າໜຽວ 5 ສີທີ່ຊາວເຜົ່າຈ້ວງໜຶ້ງດ້ວຍຄວາມພຽນໃຈຢ່າງແນ່ນອນ.
ຂ່າວ-ບົດທີ່ກ່ຽວຂ້ອງ
ຄຳເຫັນ