ການປ່ຽນແປງຂອງຕາແສງເຜົ່າເຕີອາງພູຊານທາຍ
-----------------------------------------------------------------------------------------------------------------
ສະບາຍດີ, ທ່ານຜູ້ຟັງທີ່ເຄົາລົບ.ໃນ56ຊົນເຜົ່າຂອງຈີນ, ເຜົ່າເຕີອາງມີປະຊາກອນອ່າວໜ້ອຍເຊິ່ງມີປະຊາກອນຄົນທັງໝົດບໍ່ຮອດ2ໝື່ນຄົນ, ສ່ວນຫຼາຍຕັ້ງພູມລຳເນົາຢູ່ພາກຕາເວັນຕົກແຂວງຢູນນານ.ໃນລາຍການມື້ນີ້,ຜູ້ດຳເນີນຄໍລໍາຈະພາທ່ານໄປຢາມຕາແສງເຜົ່າອາງເຕີອາງແສງພູຊານທາຍຂອງຈີນເບິ່ງວ່າຊີວິດການເປັນຢູ່ຂອງເຂົາເຈົ້າມີການປ່ຽນແປງແນວໃດ.
ຕາແສງເຜົ່າເຕີອາງພູຊານຖາຍຕັ້ງຢູ່ກິ່ງແຂວງປົກຄອງຕົນເອງເຜົ່າຈິງ ຜໍເຜົ່າລື້ເຕີຮົງຂອງແຂວງຢູນນານ,ໃກ້ກັບຊາຍແດນຈີນ-ມຽນມ້າ, ມີຊາວເຜົ່າເຕີອາງ3800ກວ່າຄົນອາໄສຢູ່ແຫ່ງນັ້ນຫຼາຍ.ປີມໍ່ໆມານີ້, ຄຽງຄູ່ກັບການຜັນຂະຫຍາຍນະໂຍບາຍສ້າງເຂດຊາຍແດນໃຫ້ຈະເລີນ, ແລະໃຫ້ປະຊາຊົນຊາຍແດນຮັ່ງມີຂຶ້ນ,ຕາແສງເຜົ່າເຕີອາງພູຊານຖາຍໄດ້ຮັບການຊ່ອຍເຫລືອຢ່າງແຂງແຮງຈາກອົງການປົກຄອງທຸກຂັ້ນ,ໃນ31ບ້ານທົ່ວຕາແສງ,ມີ11ບ້ານໄດ້ຍ້າຍອອກຈາກບ່ອນທີ່ສູງກວ່າລະດັບນ້ຳທະເລໄປຢູ່ບ່ອນຕ່ຳ,ລະດັບຊີວິດການ
ເປັນຢູ່ຂອງຊາວບ້ານໄດ້ຮັບການປົວແປງໃຫ້ດີຂຶ້ນຢ່າງເດັ່ນຊັດ.
ໃນເວລາປະເທດຈີນໃໝ່ຫາກໍ່ສ້າງຕັ້ງຂຶ້ນ, ສະພາບການຜະລິດຂອງເຜົ່າເຕີອາງຍັງຢູ່ໃນສະພາບທ້າຍສະໄໝສັງຄົມປະຖົມບູຮານ, ບ່ອນຢູ່ບ່ອນອາໄສ ກໍ່ເກືອບຖືກຕັດຂາດຈາກໂລກພາຍນອກສະພາບວົງປິດ, ຄົມມະນາຄົມບໍ່ສະດວກ; ຢູ່ເທິງພູ,ຈະກິນນ້ຳຕ້ອງໄດ້ລົງໄປຕັກຢູ່ຕີນພູ, ອາໄສຄົນແບກມ້າຕ່າງ; ຄົນທັງຫຼາຍຢູ່ກະແຈກກະຈາຍກັນ,ບໍ່ສາມາດ ສົ່ງຂ່າວຄາວຫາກັນ;ອົງການປົກຄອງກໍ່ຢູ່ໄກຈາກທາງຄົມມະນາຄົມ, ສະນັ້ນຈິ່ງບໍ່ສາມາດຍົກສູງຂອງຕົນໄດ້ບົດບາດຍາກທີ່ສຸດ. ນັບແຕ່ຊຸມປີ1990ເປັນຕົ້ນມາ, ລັດຖະບານຈີນໄດ້ວາງງົບປະມານຢ່າງຫຼວງຫຼາຍເພື່ອຄ້ຳຊູຊົນເຜົ່າທີ່ມີປະຊາກອນອ່າວໜ້ອຍ, ເມື່ອສິບປີກ່ອນ, ລັດຖະບານຈີນໄດ້ເລີ່ມຈັດຕັ້ງປະຕິບັດແຜນການພັດທະນາທີ່ໃຫ້ເຂດຊາຍແດນຈະເລີນຂຶ້ນແລະໃຫ້ປະຊາຊົນທີ່ຢູ່ເຂດຊາຍແດນຮັ່ງມີຂຶ້ນ, ຕາແສງຊານຖາຍຖືກຈັດເປັນຕາແສງຕົວຢ່າງລະດັບແຂວງໃນ"ການເຄື່ອນໄຫວສ້າງເຂດຊາຍແດນໃຫ້ ຈະເລີນແລະໃຫ້ປະຊາຊົນຢູ່ເຂດຊາຍແດນຮັ່ງມີຂຶ້ນ"ແຕ່ນັ້ນມາ, ຊີວິດການເປັນຢູ່ຂອງເຜົ່າເຕີອາງໄດ້ມີການປ່ຽນແປງຢ່າງຫຼວງຫຼາຍ. ທ່ານຊຽນເຈຍສຽງຫົວໜ້າຕາແສງເຜົ່າເຕີອາງພູຊານທາຍບອກໃຫ້ຮູ້"ຫຼາຍປີມານີ້, ຍ້ອນວ່າໄດ້ຮັບການດູແລດ້ານນະໂຍບາຍແລະຜົນປະໂຫຍດຕົວຈິງຕ່າງໆ,ພູຊານທາຍພວກເຮົາໄດ້ມີການພັດທະນາໄວທີ່ສຸດ ກ່ອນປີ1995,ລາຍໄດ້ສຸດທິສະເລ່ຍຕາມຫົວຄົນຂອງພວກເຮົາມີແຕ່ປະມານ500ຢວນ, ດຽວນີ້ລາຍໄດ້ສຸດທິສະເລ່ຍຕາມຫົວຄົນຂອງພວກເຮົາໄດ້ຮອດ1875ຢວນແລ້ວ."
ບ້ານຢູນຊ້ຽນຕາແສງຊານຖາຍແຕ່ກ່ອນອາໄສຢູ່ເທິງຈອມພູ, ແມ່ນບ້ານໜຶ່ງທີ່ທຸກຍາກກວ່າໝູ່ໃນຕາແສງທັງໝົດ. ພາຍຫຼັງໄດ້ເລີ່ມ"ສ້າງເຂດຊາຍແດນໃຫ້ຈະເລີນ, ໃຫ້ປະຊາຊົນຮັ່ງມີຂຶ້ນ"ແລ້ວ, ໝົດບ້ານໄດ້ຍົກຍ້າຍໄປຢູ່ບ່ອນອື່ນ. ດຽວນີ້ຍ່າງເຂົ້າບ້ານຢູນຊ້ຽນຈະເຫັນຊາວບ້ານຂີ່ລົດຈັກໄປເຮັດນາເລື້ອຍໆ. ຖະໜົນໃນບ້ານແມ່ນຖະໜົນຊີມັງທັງໝົດ, ພາຍໃຕ້ການຊ່ວຍເຫຼືອຂອງອົງການປົກຄອງ, ຊາວບ້ານທຸກຄົນໄດ້ຂຶ້ນຢູ່ເຮືອນໃໝ່ທີ່ມີຈຸດພິເສດຂອງເຜົ່າເຕີອາງ, ຢູ່ໃນບ້ານ, ມີປ່າກໍໄຜ່ທີ່ຂຽວງາມເປັນສຸມໆ, ພາໃຫ້ຄົນຮູ້ສຶກທຳສະບາຍອົກສະບາຍໃຈ
ທ່ານຊຽນເຈຍສຽງຫົວໜ້າຕາແສງຂອງຕາແສງພູຊານທາຍແນະນຳວ່າ: "ບ້ານຢູນຊ້ຽນນີ້, ແມ່ນແບບຢ່າງຂອງບ້ານເຜົ່າເຕີອາງ. ແຕ່ກ່ອນອາໄສຢູ່ເທິງພູ, ແລ້ວໄດ້ຮັບການຊ່ວຍເຫຼືອ, ໃຫ້ຍ້າຍມາຢູ່ບ່ອນນີ້. ເມື່ອປີ2003, ເວລາຍ້າຍມາບ່ອນນີ້, ລາຍໄດ້ສະເລ່ຍຕໍ່ຫົວຄົນມີແຕ່700ກວ່າຢວນ. ແຕ່ດຽວນີ້ໄດ້ຮອດ 2600ກວ່າຢວນ, ຄາດວ່າປີນີ້ຈະຫຼາຍກວ່າ3000ຢວນ"
ພາຍຫຼັງບ້ານຢູນຊ້ຽນພາກັນຍົກຍ້າຍມາຢູ່ນີ້ທັງໝົດແລ້ວ, ການຄົມ ມະ ນາຄົມສະດວກກວ່າເກົ່າຫຼາຍ, ບັນຫາຂາດໄຟຟ້າແລະຂາດນ້ຳໄດ້ແກ້ໄຂຕົກແລ້ວ, ຊີວິດການເປັນຢູ່ຂອງເຜົ່າເຕີອາງໃນບ້ານກໍ່ດີຂຶ້ນເປັນກ້າວໆ. ພວກເຮົາຍັງໄດ້ເຫັນໃນໜ້າທີ່ຍີ້ມແຍ້ມແຈ່ມໃສເບີກບານມ່ວນຊື່ນຂອງເຂົາເຈົ້າພາຍຫລັງທີ່ຍົກຍ້າບ່ອນຢູ່ແລ້ວ . ທ້າວໄລຢິຊືບອກນັກຂ່າວວ່າ:"ແຕ່ກ່ອນນັ້ນ, ທຸກແທ້ໆ. ແຕ່ດຽວນີ້, ໃຜໆກໍ່ຢູ່ດີກິນດີ, ອີ່ມນຳສຳລານແລ້ວ.
ນາງລ້າຍອານກົວ,ລູກສາວຂອງລ້າຍຢີຊືກໍ່ເລົ່າຄວາມຮູ້ສຶກຂອງຕົນໃຫ້ນັກຂ່າວຟັງວ່າດຽວນິ້;ສະດວກຫລາຍ,ນໍ້າກໍ່ບໍ່ຕອ້ງໄປເປ້ມາກິນ;ເພາະມີນໍ້າປະປາໃຊ້ແລ້ວ,ຍັງເບິ່ງໂທລະພາບໄດ້ອີກ.ຫລັງຈາກແກ້ໄຂບັນຫາຂາດນໍ້າຂາດໄຟຟ້າແລ້ວ,ອົງການປົກຄອງຕາແສງເລີ່ມຄໍານຶງຈະນໍາໃຊ້ທຶນຂອງອົງການປົກຄອງທຸກຂັ້ນແນວໃດເພື່ອໄປພັດທະນາການຜະລິດແນວໃດ.ກ່ອນອື່ນ,ເຂົາເຈົ້າກໍ່ຄໍານຶງເຖິງການປ່ຽນແປງວິທີການຜະລິດແບບເກົ່າຂອງຊົນເຜົ່າເຕີອາງ,ສັບຊ້ອນອົງປະກອບການຜະລິດ,
.ທ່ານສຽນເຈຍຊຽງເຈົ້າຕາແສງ ຂອງຕາແສງຊານຖາຍເວົ້າໃຫ້ຟັງບ້ານຢູນຊ້ຽນພວກເຮົາໄດ້ກໍາໂອກາດພັດທະນາທີ່ດີດັ່ງກ່າວໄວ້ແໜ້ນ,ສັບຊ້ອນອົງປະກອນການຜະລິດຂອງຕົນ,ເດີນຕາມເສັ້ນທາງຂອງຕົນເອງ,ຄືກໍ່ເຕົາແກັດຊີວະພາບ,ບໍ່ຕ້ອງໄປຕັດໄມ້ມາດັງໄຟນໍາພາຊາວບ້ານຮັກສາສິ່ງແວດລ້ອມ.
ພາຍຫລັງປີ2003,ຊາວບ້ານບ້ານຢູນຊ້ຽນບໍ່ພຽງແຕ່ໄດ້ຍ້າຍເຂົ້າໄປພັກອາໄສຢູ່ເຮືອນທີ່ກໍ່ດ້ວຍດິນຈີ່ທີ່ກວ້າງຂວາງແຈ້ງສະຫວ່າງ,ຍັງໄດ້ປ່ຽນແປງຄວາມຊິນເຄີຍທີ່ຄົນກັບສັດຢູ່ນໍາກັນ.ເຂົາເຈົ້າອາໄສກໍາລັງຂອງຕົນເອງປູກຊາ, ກ້ວຍ, ໝາກຂະໝອງລັງ,ໝາກກໍ່ແລະກໍໄຜ່ເປັນຕົ້ນໄດ້.ແກ້ໄຂຄວາມທຸກຍາກເທື່ອລະກ້າວແລ້ວ,ກາຍເປັນບ້ານທີ່ຮັ່ງມີກ່ອນໝູ່.ປັດຈຸບັນນີ້,ແຕ່ລະຄອບຄົວມີລົດຈັກຂີ່,ຊາວໜຸ່ມມີໂທລະສັບມືຖືໃຊ້,ສໍາຄັນກວ່ານັ້ນແມ່ນ,ຄຽງຄູ່ກັບເສດຖະກິດພັດທະນາ,ສະຕິຮັກສາສິ່ງແວດລ້ອມຂອງເຂົາເຈົ້າກໍ່ໄດ້ເພີ່ມທະວີຂຶ້ນ.ປັດຈຸບັນນີ້,ບ້ານອື່ນໆຂອງຕາແສງຊານຖາຍຊົນເຜົ່າເຕີອາງກໍພາກັນຖືບ້ານຢູນຊ້ຽນເປັນບ້ານແບບຢ່າງ,ສ້າງບ້ານຕົນໃຫ້ມີສິ່ງແວດລ້ອມທີ່ສວຍສົດງົດງາມຮີດຄອງປະເພນີຊົນເຜົ່າອັນເຂັ້ມຂຸ້ນ,ເສດຖະກິດສັງຄົມພັດທະນາຢ່າງຮບດ້ານກົມກຽວກັນແລະເປັນບ່ອນທີ່ໜ້າຢູ່ທີ່ສຸດ
.ເອົາລະ,ທ່ານຜູ້ຟັງ,ຄໍລໍາ"ຊີວິດສັງຄົມ"ມື້ນີ້ຂໍສິ້ນສຸດລົງພຽງທໍ່ນີ້.ຂອບໃຈທີ່ຮັບຟັງ,ສະບາຍດີ.