ຮ້ານອາຫານຝູລີ້,ເຮັດໃຫ້ຜູ້ເຖົ້າຄຸ້ມເຮືອນຢູ່ໄດ້ສະຫວັດດີການ
-----------------------------------------------------------------------------------------------------------------
ສະບາຍດີ,ທ່ານຜູ້ຟັງທີ່ໂຄລົບ,ຍິນດີຕ້ອນຮັບທ່ານເຂົ້າສູ່ຄໍລໍາ《ຊີວິດສັງຄົມ》ມື້ນີ້.ຈີນມີສຸພະສິດວ່າ,ປະຊາຊົນຖືອາຫານເປັນສິ່ງສໍາຄັນກວ່າໝູ່.ໃນຂະນະທີ່ມີວຽກຢ່າງຫລວງຫລາຍ,ຈະຮັບປະກັນການກິນເຂົ້າສາມຄາບໃນແຕ່ລະມື້ຂອງຜູ້ເຖົ້າແນວໃດ,ແມ່ນບັນຫາທີ່ຫລາຍຄົນປະເຊີນຢູ່.ດຽວນີ້,ຜູ້ເຖົ້າທີ່ພັກພາອາໄສຢູ່ຄຸ້ມເຮືອນຢູ່ຊາວຢາງເມີນໄດ້ແກ້ໄຂບັນຫາຄາບເຂົ້າແຕ່ລະຄາບແລ້ວ. ຮ້ານອາຫານຝູລີ້ທີ່ສ້າງໃໝ່ຢູ່ນີ້ເຮັດໃຫ້ພວກລຸງພວກປ້າບໍ່ຕ້ອງອອກຈາກຄຸ້ມເຮືອນຢູ່ກໍ່ມີອາຫານທີ່ແຊບນົວແລະຮັບປະທານຢ່າງສະບາຍອົກສະບາຍໃຈ.
ຫວ່າງກ່ອນນີ້,ຮ້ານອາຫານຜູ້ເຖົ້າທີ່ມີຊື່ວ່າຮ້ານອາຫານຝູລີ້ສ້າງຕັ້ງຂຶ້ນຢູ່ສູນບໍລິການຄຸ້ມເຮືອນຮ່ອມຕາຟາງຈຽວເບີ38ຊາວຢາງເມີນນະຄອນຫລວງປັກກິ່ງໄດ້ເປີດບໍລີການຢ່າງເປັນທາງການ,ໃຫ້ແກ່ຜູ້ເຖົ້າຢູ່ເຂດຊາວຢາງເມີນດ້ວຍອາຫານທີ່ລາຄາຖືກແລະຄຸນນະພາບດີ.ຫ້ອງອາຫານກວ້າງຂວາງແຈ້ງສະຫວ່າງ,ໂຕະຕັ່ງເປັນລະບຽບຮຽບຮ້ອຍ,ຖ້ວຍບ່ວງຈານຊາມສະອາດ,ຈ່າຍເງິນບໍ່ຮອດສິບຢວນກໍ່ໃດ້ກິນອາຫານທີ່ທັງແຊບທັງສະອາດ.
ທ່ານກົວຢູນ,ຮອງຫົວໜ້າສູນບໍລິການຄຸ້ມເຮືອນຢູ່ຊາວຢາງເມີນເວົ້າວ່າຊື່ຂອງຮ້ານອາຫານກໍຄືຝູລີ້,ຊື່ນີ້ແມ່ນມາຈາກເລື່ອງສາມກົກ,ມີຄວາມໝາຍວ່າຍິ່ງແກ່ຍິ່ງແຂງແຮງ,ອອກສຽງຄ້າຍຄືກັບຄໍາວ່າ"ສະຫວັດດີການ"ໃນພາສາຈີນ,ຖືກກັບຈຸດປະສົງແລະເປົ້າໝາຍຂອງການສ້າງຕັ້ງຮ້ານອາຫານນີ້,ບັນຫາຄາບເຂົ້າຂອງຜູ້ເຖົ້າກໍໄດ້ແກ້ໄຂຢ່າງບັງເກີດຜົນ.
ກ່ອນເປີດຮ້ານອາຫານີ້,ສູນບໍລິການຄຸ້ມເຮືອນຢູ່ຊາວຢາງເມີນໄດ້ສໍາຫລວດເປັນພິເສດ,ຢູ່ເຂດນີ້,ຜູ້ເຖົ້າທີ່ມີອາຍຸສູງກວ່າ60ປີມີ6ພັນກວ່າຄົນ,ແມ່ນ15%ຂອງຍອດຈໍານວນຄົນທີ່ຢູ່ເຂດນີ້,ໃນນັ້ນ,ຜູ້ເຖົ້າທີ່ຢູ່ຜູ້ດຽວມີ100ກວ່າຄົນ,ຜູ້ເຖົ້າທີ່ພິການມີເກືອບ20ຄົນ,ຜູ້ເຖົ້າທີ່ທຸກຍາກມີ370ກວ່າຄນ,ໃຫ້ຜູ້ເຖົ້າທີ່ມີຄວາມຕ້ອງການດູແລເປັນພິເສດໃນແຕ່ລະມື້ໄດ້ຮັບປະທານອາຫານ3ຄາບເປັນຢ່າງດີກໍແມ່ນຈຸດປະສົງຂອງຮ້ານອາຫານຝູລີ້.
ລຸງຫລີ້ທີ່ອາໄສຢູ່ນີ້,ແມ່ນແຂກປະຈໍາຂອງຮ້ານອາຫານນີ້ນັບແຕ່ເປີດບໍລິການເປັນຕົ້ນມາ.ຍ້ອນວ່າອາຍຸສູງແລ້ວ,ເຮັດຫຍັງກໍບໍ່ສະດວກ,ບັນຫາແຕ່ລະຄາບຂອງລຸງຫລີ້ແລະເມຍຂອງລຸງກໍ່ແມ່ນບັນຫາຫຍຸ້ງຍາກຂອງລູກ,ຖ້າເຂົາເຈົ້າສອງຄົນແຕ່ງກິນດ້ວຍເຕົາແກັສ,ຢ້ານບໍ່ປອດໄພ,ຖ້າວ່າໄປກິນຢູ່ນອກ,ຢ້ານບໍ່ສະອາດ.ຫລັງຈາກຮ້ານອາຫານຝູລີ້ເປີດບໍລິການແລ້ວ,ອອກຈາກເຮືອນບໍ່ໄກກໍ່ ແມ່ນຮ້ານອາຫານ,ຢູ່ນີ້ອາຫານທັງລາຄາຖືກທັງແຊບ,ລຸງຫລີ້ຮູ້ສຶກພໍໃຈຫລາຍ.
(ຫລຸງຫລີ້ເວົ້າວ່າມາທຸກມື້,ຕອນທ່ຽງກິນຢູ່ຮ້ານ,ຕອນແລງຊື້ຢູ່ນີ້ເອົາເມືອກິນ,)(ນັກຂ່າວເປັນຫຍັງມັກກິນຢູ່ນີ້)(ໃກ້,ຮູ້ສຶກວ່າດີ,ສະອາດແລະກວ້າງຂວາງ.)ຈ່າຍບໍ່ຮອດສິບຢວນ,ກໍ່ກິນເຂົ້າຄາບໜຶ່ງໃດ້,ຮ້ານອາຫານຝູລີ້ທີ່ລາຄາຖຶກແລະຄຸນນະພາບດີບໍ່ພຽງແຕ່ສະໜອງຄວາມສະດວກໃຫ້ແກ່ຄົນທີ່ຢູ່ມໍໆນີ້,ຍັງດຶງດູດຜູ້ເຖົ້າຢູ່ຄຸ້ມເຮືອນຢູ່ອື່ນມາກິນອີກ.ປ້າເຊແມ່ນສະມາຊິກຂອງອົງການຈັດຕັ້ງມະຫາຊົນ,ແຕ່ກີ້,ເວລາອົງການຈັດຕັ້ງມະຫາຊົນເຝິກຊ້ອມຫລືປະຊຸມກັນ,ຕອນທ່ຽງກິນເຂົ້າຢູ່ໃສກໍແມ່ນບັນຫາໜຶ່ງ,ດຽວນີ້,ຮ້ານອາຫານຝູລີ້ແມ່ນບ່ອນກິນເຂົ້າປະຈໍາທີ່ໄວ້ວາງໃຈຂອງເຂົາເຈົ້າ. ປ້າເຊເວົ້າວ່າຮູ້ສຶກວ່າຮ້ານນີ້ສະອາດ,ລາຄາກໍຖືກ.ທິ່ງຈິ່ງແລ້ວ,ຢູ່vຄຸ້ມເຮືອນຢູ່ມີຮ້ານອາຫານແບບນີ້ແມ່ນດີສົມຄວນແລ້ວ,ສະດວກສະບາຍ.ໃນເວລາພວກເຮົາມີການເຄື່ອນໄຫວກິດຈະກໍາຕ່າງໆ,ກິນເຂົ້າທ່ຽງແລ້ວຕອນບ່າຍກໍ່ສືບຕໍ່ເຮັດກິດຈະກໍາເຫລົ່ານັ້ນ.
ພະນັກງານຂອງສູນບໍລິການຄຸ້ມເຮືອນຢູ່ຊາວຢາງເມີນເວົ້າວ່າ,ຮ້ານອາຫານຝູລີ້ແມ່ນຄະນະຄ້ມຸຄອງຄຸ້ມເຮືອນຢູ່ເຊັນສັນຍາກັບຮ້ານອາຫານທີ່ໄດ້ມາດຕະຖານແຫ່ງໜຶ່ງ,ເອົາເປັນຮ້ານອາຫານທີ່ມີເນື້ອທີ່ກວ້າງປະມານ75ຕາແມັດເພື່ອເຮັດເປັນຮ້ານອາຫານບໍລິການໃຫ້ແກ່ຜູ້ເຖົ້າ.ເພື່ອຮັບປະກັນໃຫ້ຮ້ານອາຫານຫລັງນີ້ດໍາເນີນທຸລະກິດປົກກະຕິ.ທັງຄະນະຄຸ້ມເຮຶອນຢູ່ໄດ້ຍົກເວັ້ນຫລືຫລຸດຄ່າຕ່າງໆໃຫ້ຜູ້ເຮັດທຸລະກິດເຊັ່ນຄ່ານໍ້າ,ຄ່າໄຟ,ຄ່າເຊົ່າເຮືອນ.ເຮັດໃຫ້ຜູ້ເຖົ້າທີ່ມາຮັບປະທານອາຫານຢູ່ນີ້ໃດ້ຮັບຜົນປະໂຫຍດຫລາຍກວ່າເກົ່າ.ລາຄາອາຫານຂອງ ຮ້ານນີ້ຢ່າງໜ້ອຍຖືກກວ່າລາຄາຕະຫລາດໜຶ່ງສ່ວນສາມ.ເມື່ອຮອດເວລາກິນເຂົ້າຮ້ານນີ້ກໍຟົດຟື້ນຫລາຍ.
ເຈົ້າມີບ່ອນຫວ່າງ...ເຊີນເຂົ້າມານັ່ງທາງໃນພີ້ເລີຍ...ຂ້ອຍເອົາຂົວຊີ້ນລາດໜ້າ...ກະລຸນາຖ້າບຶດໜຶ່ງເດີ້...ປ້າ,ເຈົ້າຍັງຢາກໄດ້ຫຍັງຕື່ມອີກບໍ່,ເອົາຂົວຜັກລາດໜ້າຈານໜຶ່ງ,ຖ້າບຶດດຽວເດີ້.ຢ່າລືມຊື່ອາຫານທີ່ປ້າສັ່ງເດີ້.
ຍ້ອນວ່າຫ້ອງອາຫານບໍ່ໃຫຍ່,ຮ້ານອາຫານຝູລີ້ຍັງໄດ້ເປີດບໍລິການສັ່ງອາຫານທາງໂທລະສັບ,ຜູ້ເຖົ້າທີ່ໄປມາບໍ່ສະດວກພຽງແຕ່ໂທໄປ,ອາຫານທີ່ຮ້ອນໆກໍຈະສົ່ງຮອດເຮືອນໂລດ.
ທ່ານກົວຢູນ,ຮອງຫົວໜ້າສູນບໍລິການຄຸ້ມເຮືອນຢູ່ຊາວຢາງເມີນເວົ້າວ່າສໍາລັບຜູ້ເຖົ້າທີ່ມີໃບບໍລິການ,ພວກເຮົາສົ່ງອາຫານຮອດເຮືອນໂດຍບໍ່ເກັບຄ່າ,ເຮັດໃຫ້ເຂົາເຈົ້າໄດ້ຮັບຄວາມສະດວກສະບາຍຫລາຍ.ທ່ານກົວຢູນເວົ້າວ່າ,ນອກຈາກແກ້ໄຂບັນຫາຄາບເຂົ້າແລ້ວ,ເຂົາເຈົ້າຍັງຢາກເຮັດໃຫ້ຮ້ານອາຫານຝູລີ້ເປັນບ່ອນທີ່ໂອ້ລົມແລກປ່ຽນໃນເວລາຫວ່າງ,ບ່ອນທີ່ມີມ່ວນຊື່ນຂອງຜູ້ເຖົ້າ,ເພື່ອບັນລຸປະສົງນີ້,ເຂົາເຈົ້າໄດ້ຈັດການເຄື່ອນໄຫວທີ່ຫລາຍຮູບຫລາຍແບບ.ອາຫານທີ່ແຊບນົວ,ບໍລິການທີ່ດີເລີດ,ສູນບໍລິການຄຸ້ມເຮືອນຢູ່ຊາວຢາງເມີນສ້າງຮ້ານອາຫານນີ້ໄດ້ຮັບການຍ້ອງຍໍຊົນເຊີຍທົ່ວໄປຈາກຜູ້ເຖົ້າໃນຄຸ້ມ ເຮືອນຢູ່
ທ່ານກົວຢູນເວົ້າວ່າຜູ້ເຖົ້າກໍມາກິນເຂົ້າຢູ່ຮ້ານນີ້,ຮັດແໜ້ນການພົວພັນລະຫວ່າງຜູ້າເຖົ້າ,ເຮັດໃຫ້ເຂົາເຈົ້າມີບັນຍາກາດທີ່ດີໃນການລົມກັນໃນເວລາຫວ່າງ.ນັບແຕ່ຮ້ານອາຫານເປີດບໍລິການເປັນຕົ້ນມາ,ທຸລະກິດຂອງຮ້ານກໍ່ໄປໄດ້ດີສົມຄວນ.ຈໍານວນຜູ້ເຖົ້າທີ່ມາກິນເຂົ້າຢູ່ຮ້ານຫລາຍປານນີ້ແມ່ນຢູ່ນອກເໝືອຄິດຂອງພວກຂ້າພະເຈົ້າ.ໄດ້ຮັບຄວາມນິຍົມຫລາຍ,ເປີດບໍລິການບໍ່ຮອດສອງອາທິດ,ກໍມີຄົນຂຽນຈົດໝາຍມາຍ້ອງຍໍ,ສະມາຊິກໃນຄອບຄົວຂອງຜູ້ເຖົ້າກໍໂທມາຍ້ອງຍໍພວກເຮົາວ່າ,ຄຸ້ມເຮືອນຢູ່ເປີດບໍລິການຮ້ານອາຫານແບບນີ້ພວກເຮົາດີໃຈຫລາຍ.
ດຽວນີ້,ພະນັກງານຮ້ານອາຫານຝູລີ້ກັບຜູ້ເຖົ້າຜູ້ແກ່ໃນຄຸ້ມເຮືອນຢູ່ບໍ່ພຽງແຕ່ ເປັນໝູ່ເພື່ອນກັນ,ຍັງຄືກັບຄົນໃນຄອບຄົວດຽວກັນ,ເຂົາເຈົ້າຫວັງວ່າຜ່ານຈາກຄວາມພະຍາຍາມຂອງຕົນ,ຈະສາມາດເຮັດໃຫ້ຊີວິດການເປັນຢູ່ຂອງຜູ້ເຖົ້າໃນຄຸ້ມເຮືອນຢູ່ດີກວ່າເກົ່າ.
ເອົາລະ,ທ່ານຜູ້ຟັງ,ລາຍການມື້ນີ້ຂໍສິ້ນສຸດລົງພຽງທໍ່ນີ້,ຂອບໃຈທີ່ຮັບຟັງ,ສະບາຍດີ.