ສະບາຍດີທ່ານຜູ້ຟັງທີ່ເຄົາລົບ, ເນື້ອທີ່ຂອງມາເກົານ້ອຍຫຼາຍ ແຕ່ຍັງມີຫຼາຍສິ່ງຫຼາຍຢ່າງທີ່ເປັນໜ້າຄຶດ, ໂດຍສະເພາະແມ່ນລັກສະນະພິເສດຂອງມາເກົາທີ່ມີວັດທະນະທໍາທີ່ຫຼາກຫຼາຍເຊື່ອມໂຍງເຂົ້າກັນເປັນໜ້າຕື່ນຕາຕື່ນໃຈ. ນີ້ແມ່ນຄວາມເຫັນຮ່ວມກັນຂອງຫຼາຍຄົນທີ່ເຄີຍທ່ຽວມາເກົາແລະຄຸ້ນເຄີຍກັບມາເກົາ. ໃນຄໍລຳ《ທ່ຽວເມືອງຈີນ》ເທື່ອນີ້, ເຊີນຟັງລາຍງານ: ການທ່ອງທ່ຽວວັດທະນະທຳຫຼາຍສີຫຼາຍສັນໃນເມືອງນ້ອຍມາເກົາ.
ເມື່ອມາຮອດເຂດພິເສດມາເກົາ, ຍ່າງຕາມຖະໜົນກ້ອນຫີນນ້ອຍໆທີ່ມີລັກສະນະເອີລົບໃຕ້ເຂົ້າສູ່ເຂດຖະໜົນເມືອງເກົ່າ, ໂບດແບບຕາເວັນຕົກ, ວັດແບບຈີນພົ້ນເດັ່ນອອກມາຕາມລຳດັບ, ຢູ່ທ້າຍຮ່ວມມີສຽງງີ້ວກວາງຕຸ້ງ, ມີກິ່ນຫອມຂອງອາຫານກວາງຕຸ້ງ, ຄືວ່າເຂົ້າສູ່ທາງຍາວແຫ່ງປະຫວັດສາດທີ່ປະກອບດ້ວຍວັດທະນະທຳຕ່າງກັນ.
"ເບື້ອງຂວາຂອງພວກເຮົາແມ່ນສະແດງອາລິຍະທຳຈີນ, ເບື້ອງຊ້າຍແມ່ນສະແດງອາລິຍະທຳຕາເວັນຕົກ, ລວມມີຕົວໜັງສື, ແນວຄິດປັດຊະຍາ, ສາສະໜາ, ເຕັກນິກແລະອື່ນໆ"
ທ່ານເຊີນຢີງຊຽນຫົວໜ້າຫໍພິພິທະພັນມາກາວບອກວ່າ: ມາກາວກໍ່ຄືເສັ້ນ ທາງຂອງປະຫວັດສາດທີ່ສະແດງໃຫ້ເຫັນການແລກປ່ຽນແລະການເຊື່ອມໂຍງເຂົ້າກັນຂອງອາລິຍະທຳຕາເວັນອອກແລະຕາເວັນຕົກ. ຕົວໜັງກະດອງເຕົ່າຂອງ ຈີນແລະຕົວໜັງສືຕາເວັນຕົກ, ຮູບປັ້ນທະຫານມ້າຂອງຈີນກັບເຮືອທະເລປ້ອກຕຸຍການຂອງສັດຕະວັດກາງ, ແນວຄິດລັດທິເຕົາກັບປັດຊາຍາຂອງອາຣີສໂດເຕີສະແດງຢູ່ສອງຂ້າງ, ສະແດງໃຫ້ເຫັນສະເໜ່ຂອງການເຊື່ອມໂຍງເຂົ້າກັນຂອງອາລິຍະທຳຈີນກັບຕາເວັນຕົກຢູ່ມາກາວ.
ນອກຈາກດ້ານວັດທະນະທໍາແລ້ວ, ໃນຫໍພິພິທະພັນມາກາວ, ຍັງສາມາດຊົມຮີດຄອງປະເພນີຂອງເມືອງຫຼີງນານທີ່ເຂັ້ມຂຸ້ນແລະພາບທ່ານການຄ້າສາກົນທີ່ມີພໍ່ຄ້າເຕົ້າໂຮມກັນຢ່າງຫຼວງຫຼາຍ. ໃນຫໍພິພິທະພັນມາກາວມີ "ຖະໜົນມາກາວນ້ອຍ" , ເຮືອນຂອງປະຊາຊົນຫຼີງນານທີ່ມີປະຕູຄວັດລວດລາຍແລະກຳແພງກັນໄຟໄໝ້ເທິງຫຼັງຄາດິນຂໍສີຂີ້ເຖົ່າເປັນເອກະລັກພິເສດແລະກັບເຮືອນແບບປ້ອກຕຸຍການສີເຫຼືອງອ່ອນແລະສີຟ້າ, ສຽງຮ້ອງຈ່າວຂາຍເຄື່ອງທີ່ເປັນປະເພນີຕາມຖະໜົນມາກາວກໍ່ໄດ້ຍິນເລື້ອຍໆ.
ຍ່າງອອກຈາກຫໍພິພິທະພັນ, ນັກທ່ອງທ່ຽວກໍ່ຈະເຫັນວ່າຫໍພິພິທະພັນມາກາວກໍ່ຕັ້ງຢູ່ບໍລິເວນ"ປ້ອມປືນໃຫຍ່", ປ້ອມປືນໃຫຍ່ນີ້ກັບປະຕູໂຂງແຊງພໍSt.Paul, ໂບດດອກກຸຫຼາບເຈົ້າແມ່ມາລີອາເດີ່ນໜ້າສາລາ, ວັດເນີຈາ, ເຮືອນໃຫຍ່ຂອງຄອບຄົວລູ, ຕຶກໃຫຍ່ຂອງກົມວຽກງານການທ່າ, ວັດມາເກີແລະອື່ນໆ, ລວມມີສະໜາມຫຼວງ8ແຫ່ງ, ສະຖາປັດຕະຍະກຳປະຫວັດສາດ22ແຫ່ງປະກອບເປັນພາກສ່ວນຕົ້ນຕໍຂອງ "ເຂດເມືອງປະຫວັດສາດມາກາວ".
ເດືອນກໍລະກົດປີ2005, ກອງປະຊຸມຂອງຄະນະກຳມະການມໍລະດົກໂລກຄັ້ງທີ29ຂອງອົງການສຶກສາວິທະຍາສາດວັດທະນະທຳສະຫະປະຊາຊາດຫຼືຢູ່ເນັສໂກໄດ້ຕົກລົງຈັດເອົາວ່າ, ຖືກ "ເຂດເມືອງປະຫວັດສາດມາກາວ" ຈີນເປັນມໍລະດົກໂລກແລະຈັດເຂົ້າໃນ <ບັນຊີລາຍຊື່ມໍລະດົກໂລກ>, ກາຍເປັນມໍລະດົກໂລກແຫ່ງທີ31ຂອງຈີນ. ທ່ານອານຕົ່ງລຽງຫົວໜ້າກົມທ່ອງທ່ຽວຂອງເຂດພິເສດມາກາວເວົ້າວ່າ:
ມໍລະດົກວັດທະນະທຳເຫຼົ່ານີ້ແມ່ນຮ່ອງຮອຍໃນການເຊື່ອມໂຍງເຂົ້າກັນລະຫວ່າງອາລິຍະທຳຈີນກັບຕາເວັນຕົກໃນ400ປີກວ່າຂອງມາກາວ, ໄດ້ສະແດງໃຫ້ເຫັນລັກສະ ນະພິເສດຂອງມາກາວ."
ປະຈຸບັນນີ້ ມໍລະດົກວັດທະນະທຳມາກາວກໍ່ກາຍເປັນບ່ອນທ່ອງທ່ຽວຕົ້ນຕໍ. ສະຖາປັດຕະຍາກຳຍຸກປະຈຸບັນແລະສະໄໝບູຮານ, ມີຮູບຊົງແຕກຕ່າງກັນ, ມີປະຫວັດຄວາມເປັນມາທາງປະຫວັດສາດແລະລັກສະນະພິເສດແຕກຕ່າງກັນ, ໄດ້ປະກອບເປັນເອກະລັກພິເສດມາກາວແລະຄຸນລັກສະນະພິເສດຂອງວັດທະນະທຳ ມາກາວ. ໃນສະຖາປັດຕະຍາກຳປະຫວັດສາດທີ່ມີສີສັນຂອງເອີລົບໃຕ້ທັງໄດ້ເຊື່ອມໂຍງສີສັນຕາເວັນອອກເຫຼົ່ານີ້, ນັກທ່ອງທ່ຽວສາມາດຮູ້ສຶກເຖິງການຂັດແຍ່ງກັນແລະການເຊື່ອມໂຍງເຂົ້າກັນດ້ານແນວຄິດ, ການຄ້າ, ປະເພນີວັດທະ ນະທຳທີ່ຫຼາກຫຼາຍຢ່າງກັບຮູບຖານເສດຖະກິດຂອງຈີນແລະຕາເວັນຕົກ
ດິນແດນແຄບໆແຫ່ງນີ້ໄດ້ບັນຈຸວັດທະນະທໍາແລະປະຫວັດສາດຫຼາຍຂະໜາດນີ້, ໃນທີ່ສຸດຍັງເຊື່ອມໂຍງເຂົ້າກັນແລະພັດທະນາພ້ອມກັນໄດ້, ນີ້ສາມາດເວົ້າໄດ້ວ່າເປັນປະກົດການພິເສດຂອງວັດທະນະທໍາ.
ກ່ອນກັບຄືນປະເທດຊາດ, ຊາວມາກາວບໍ່ເຄີຍສົນໃຈຄວາມໝາຍວັດທະນະທໍາທີ່ຫຼາຍຫຼາຍຂອງມາກາວ. ພາຍຫຼັງເຂດເທດສະບານອັນເກົ່າແກ່ຂອງມາກາວຖືກຈັດເຂົ້າໃນບັນຊີລາຍຊື່ມໍລະດົກໂລກແລ້ວ, ຊາວມາກາວຢ່າງຫຼວງຫຼາຍຈິ່ງເລີ່ມພິຈາ ລະນາຄືນໃໝ່ຕໍ່ຄຸນຄ່າຂອງຕົວເມືອງແຫ່ງນີ້ທີ່ຕົນພວມອາໄສຢູ່. ນາງເຫີລີ້ຈ້ວນທີ່ເຮັດວຽກຢູ່ກົມວັດທະນະທຳມາກາວເຄີຍມີປະສົບການແນວນີ້, ຕອນລາວຍັງເປັນເດັກນ້ອຍໄປຮຽນຢູ່ໂຮງຮຽນມາກາວ, ປື້ມຮຽນທີ່ນາງອ່ານນັ້ນແມ່ນປື້ມຮຽນຮົງກົງໃນສະໄໝອັງກິດປົກຄອງຮົງກົງ, ນີ້ເຮັດໃຫ້ຊາວມາກາວສ່ວນຫຼາຍບໍ່ເຂົ້າໃຈວັດທະນະທຳຂອງປະເທດຊາດແລະມາກາວ. ສະນັ້ນນາງເຫັນວ່າ, ການຂໍ ຈັດເຂົ້າບັນຊີລາຍຊື່ມໍລະດົກໂລກແລະການຈັດກິດຈະກຳດ້ານວັດທະນະທຳອື່ນໆ ມີຄວາມໝາຍສຳຄັນຫຼາຍ.
ນາງເຫີລີ້ຈ້ວນຮູ້ສຶກວ່າ, ຕົນເອງດີໃຈຫຼາຍທີ່ໄດ້ເຮັດວຽກຢູ່ພາກສ່ວນວັດທະນະ ທຳພາຍຫຼັງມາກາວກັບຄືນປະເທດຊາດ, ເພາະວ່າອຳນາດການປົກຄອງເຂດພິເສດມາກາວໄດ້ໃຊ້ງົບປະມານໃນດ້ານວັດທະນະທຳຢ່າງຫຼວງຫຼາຍ, ນີ້ເຮັດໃຫ້ວຽກງານຂອງເຂົາເຈົ້າດຳເນີນໄປເປັນຢ່າງດີ.
ນາງເວົ້າວ່າ: "ຖ້າວ່າສະຫຼຸບໂດຍຫຍໍ້ໃນ10ປີຜ່ານມານີ້ຂອງມາກາວ, ພວກເຮົາຄວນເວົ້າແນວນີ້, ຄື ພວກເຮົາໄດ້ຮັກສາມໍລະດົກວັດທະນະທຳໂລກທີ່ອຸດົມສົມບຸນ, ໄດ້ສ້າງຖານວັດ ທະນະທຳສອງແຫ່ງທີ່ບໍລິການມາກາວ ຄືສະຖາບັນສະແດງສິລະປະມາກາວເຊິ່ງເປັນຖານບຳລຸງສ້າງຊັບພະຍາກອນມະນຸດດ້ານການສະແດງສິລະປະ, ແລະຫໍພິພິ ທະພັນມາກາວເຊິ່ງເປັນຖານວັດທະນະທຳບູຮານມາກາວ, ໄດ້ສ້າງຫົວຂໍ້ທີ່ເປັນຍີ່ຫໍ້ດັງຕໍ່ວັດທະນະທຳໂລກ4ຂໍ້ ຄືງານດົນຕີມາກາວ, ງານສິລະປະມາກາວ, ວົງດົນຕີມາກາວແລະວົງດົນຕີຈີນມາກາວ."
ປະຈຸບັນນີ້, ວັດທະນະທຳຂອງມາກາວທີ່ຫຼາກຫຼາຍຕ່າງມີເອກະລັກຂອງໄຜມັນ, ເບີ່ງຈາກ"ງານມະໂຫລານມາກາວທີ່ພາດບໍ່ໄດ້ໃນປີ2009"ທີ່ກົມການທ່ອງທ່ຽວມາກາວວາງອອກໃນຕົ້ນປີ2009ແລ້ວກໍ່ເຫັນວ່າ, ນອກຈາກງານສິລະປະມາກາວແລະງານດົນຕີສາກົນມາກາວດັ່ງກ່າວແລ້ວ, ຍັງມີວັນເກີດເຈົ້າຖິ່ນເຈົ້າຖານມະເຫສັກຫຼັກເມືອງ, ການແຫ່ຮູບພະເຍຊູ, ບຸນຊິງມິງ, ບຸນອິສເຕີ, ວັນປະສູດຂອງພະພຸດທະເຈົ້າ, ບຸນວັດທະນະທຳເຈົ້າແມ່ມາຈູ, ບຸນດອກບົວ, ການແຫ່ຮູບເຈົ້າແມ່ມາເລຍ, ວັນປະສຸດຂອງພະເຈົ້າກວນອູ, ບຸນສົງຢາງ, ບຸນຄາເນແລະອື່ນໆ. ບຸນຂອງຈີນກັບບຸນຂອງປະເທດຕາເວັນຕົກຜັດປ່ຽນກັນສະເຫຼີມສະຫຼອງ, ມີຈຸດພິເສດຫຼາກຫຼາຍຢ່າງເດັ່ນຊັດ.
ທ້າວສ້ຽວເມີນທີ່ເປັນຄົນມາກາວທີ່ຮຽນຢູ່ມະຫາວິທະຍາໄລການສື່ມວນຊົນຈີນເວົ້າວ່າ, ລາວເຫັນວ່າ, ວັດທະນະທຳທີ່ຫຼາກຫຼາຍຈະແມ່ນຈຸດດຶງດູດໃຈຂອງນັກທ່ອງທ່ຽວໃນຕໍ່ໜ້າ.
"ຂ້ອຍຮຽນວິຊາສື່ດ້ານດົນຕີ, ແຕ່ຂ້ອຍຢາກຮຽນຫຼາຍກວ່ານີ້ຄວນແມ່ນວິຊາສື່ດ້ານວັດທະນະທຳ. ວັດທະນະທຳຂອງມາກາວໜ້າຊົມຫຼາຍ, ຄວນສົ່ງເສີມຂະຫຍາຍ ອອກໄປເປັນຢ່າງດີ."
ທ້າວສ້ຽວເມີນເວົ້າວ່າ, ຄວາມມຸ່ງມາດຂອງລາວແມ່ນປ່ຽນຄວາມເຂົ້າໃຈຜິດຂອງຄົນທົ່ວໄປຕໍ່ມາກາວໂດຍຜ່ານການເຜີຍແຜ່ວັດທະນະທຳ, ເພາະວ່າມາກາວບໍ່ແມ່ນມີພຽງແຕ່ກາຊີໂນ, ຍັງເປັນບ່ອນທີ່ມີວັດທະນະທຳທີ່ຫຼາກຫຼາຍ.
