ທ່ານຜູ້ຟັງ,ກ່ອນໜ້ານີ້ບໍ່ດົນ,ລົດທ່ຽວໂຄສະນາງານວາງສະແດງໂລກຊຽງໄຮໄດ້ເດີນທາງ5500ກິໂລແມັດແລະໃຊ້ເວລາ18ວັນ,ຈາກຊຽງໄຮ,ໄປ5ແຂວງແລະ3ກຳແພງນະຄອນແລ້ວມາຮອດປັກກິ່ງ.ຂະບວນລົດທ່ຽວໂຄສະນາງານວາງສະແດງໂລກຊຽງໄຮ4ຄັນໄດ້ບັນທຸກເຄື່ອງໂຄສະນາງານວາງສະແດງໂລກຊຽງໄຮ,ພະນັກງານຂອງພະແນກງານວາງສະແດງໂລກແລະບໍລິສັດທ່ອງທ່ຽວທີ່ເຮັດທຸລະກິດການທ່ອງທ່ຽວງານວາງສະແດງໂລກ,ໄດ້ສົ່ງຕໍ່ໄຟສັກສິດແລະໂຄສະນາງານວາງສະແດງໂລກຊຽງໄຮຢູ່ຈີນ,ເພື່ອເຮັດໃຫ້ປະຊາຊົນຈີນຮູ້ຈັກແລະໃກ້ຊິດກັບງານວາງສະແດງໂລກຫຼາຍກວ່າເກົ່າ.
"ປ້າ,ນີ້ແມ່ນເອກະສານຂອງງານວາງສະແດງໂລກຊຽງໄຮ,ງານວາງສະແດງໂລກຊຽງໄຮຈະຈັດຂຶ້ນແຕ່ວັນທີ1ພຶດສະພາຫາວັນທີ31ຕຸລາປີ2010,ລວມ184ວັນ,ຄຳຂວັນແມ່ນ"ຕົວເມືອງທີ່ດີກວ່າ,ຊີວິດທີ່ດີກວ່າ",ປ້າຮູ້ບໍ່ວ່າສິ່ງນຳໂຊກຂອງງານວາງສະແດງໂລກຊຽງໄຮເທື່ອນີ້ແມ່ນຫຍັງ?ມັນແມ່ນໄຫ້ປາວ,ນີ້ແມ່ນເຄື່ອງໝາຍຂອງງານວາງສະແດງໂລກຊຽງໄຮໃນນັ້ນມີໜັງສືຈີນ世ແປວ່າໂລກເປັນຮູບ3ຄົນເກາະແຂນກັນ."
ສຽງເດັກນ້ອຍທີ່ພວມເວົ້າມານີ້ແມ່ນນັກຮຽນທີ່ຮຽນຢູ່ໂຮງຮຽນປາຍຈິງຫວັ່ນແຂວງອ່ານຫຸ່ຍ,ຊື່ວ່າກວນເຄີ່ສີ,ລາວພວມເອົາໃບໂຄສະນາງານວາງສະແດງໂລກຢາຍໃຫ້ແກ່ປະຊາຊົນອ່ານຫຸ່ຍ.ລາວແລະໝູ່ຮຽນຂອງລາວຮູ້ວ່າລົດທ່ຽວໂຄສະນາງານວາງສະແດງໂລກຈະຈັດກິດຈະກຳໂຄສະນາຢູ່ແຂວງອ່ານຫຸ່ຍ,ສະນັ້ນເຂົາເຈົ້າຈຶ່ງໄດ້ຕັດສິນໃຈປະກອບເປັນໜ່ວຍງານໂຄສະນາງານໃຫ້ປະຊາຊົນອ່ານຫຸ່ຍໄດ້ຮູ້.
ທ້າວກວນເຄີ່ສີແລະໝູ່ຮຽນຂອງລາວອາດຈະບໍ່ຮູ້ວ່າງານວາງສະແດງໂລກຈະວາງສະແດງວິທະຍາສາດເຕັກໂນໂລຊີທີ່ທັນສະໄໝ,ແລະວັດທະນະທຳແລະປະຫວັດສາດທີ່ເກົ່າແກ່ແລະສີວິໄລ.ພໍ່ແມ່ຂອງເຂົາເຈົ້າກໍ່ຫວັງໃຫ້ລູກຂອງຕົນໄດ້ຮູ້ການພັດທະນາຂອງຕົວເມືອງ ໃນອະນາຄົດໃນເບື້ອງຕົ້ນໃນໄລຍະເຂົາເຈົ້າເຕີບໃຫຍ່ຂຶ້ນ,ນາງຫຼີ້ຊິ່ນ,ແມ່ຂອງທ້າວກວນເຄີ່ສີເວົ້າວ່າ:
"ເມື່ອພວກເຮົາຮູ້ວ່າລົດທ່ຽວໂຄສະນາງານວາງສະແດງໂລກຈະມາແຫ່ງນີ້,ຫຼາຍຄອບຄົວກໍ່ລ້ວນແຕ່ເຫັນວ່າຄວນໃຫ້ລູກເຂົ້າຮ່ວມກິດຈະກຳເຫຼົ່ານີ້ໃຫ້ຫຼາຍໆ,ເຮັດໃຫ້ເຂົາເຈົ້າຮູ້ຈັກງານວາງສະແດງໂລກແລະໂລກພາຍນອກຫຼາຍກວ່າເກົ່າ,ແລະຮູ້ສຶກວ່າຕົນເອງແມ່ນເຈົ້າຂອງຊີວິດ."
ຢູ່ແຫ່ງນັ້ນ,ນັກຂ່າວໄດ້ເຫັນປະຊາຊົນອ່ານໃບໂຄສະນາງານວາງສະແດງໂລກ, ເຂົາເຈົ້າຖືກດຶງດູດຈາກນ້ຳໃຈຂອງທູດນ້ອຍໂຄສະນາເຫຼົ່ານີ້ເຊິ່ງມີອາຍຸຍັງບໍ່ຮອດ10ປີຊ້ຳ.
ທ່ານຜູ້ຟັງ,ທີ່ທ່ານຟັງມານັ້ນແມ່ນເພງ"ປີ2010ລໍຖ້າທ່ານມາ",ເຊິ່ງແມ່ນເພງປະຈຳງານວາງສະແດງໂລກບັດນີ້ພວກເຮົາມາສືບຕໍ່ການທ່ຽວໂຄສະນາງານວາງສະແດງໂລກ.ນະຄອນນານກິ່ງແຂວງຈ່ຽງຊູ່ຫ່າງຈາກຊຽງໄຮພຽງປະມານ2ຊົ່ວໂມງ,ປະຊາຊົນຫຼາຍຄົນຢູ່ແຫ່ງນີ້ຈະໄປຊຽງໄຮ້,ເພື່ອສຳຜັດແລະຮູ້ຈັກກັບງານວາງສະແດງໂລກ.ເມື່ອລົດທ່ຽວໂຄສະນາງານວາງສະແດງໂລກໄປຮອດນະຄອນນານກິ່ງແລ້ວ,ພໍ່ເຖົ້າຫວາງເຄີ້ຈື້ທີ່ມີອາຍຸ70ປີແລະເມຍຂອງເພິ່ນໄດ້ໄປຊອກຮູ້ຂໍ້ມູນຕ່າງໆກ່ຽວກັບການໄປຊົມງານວາງສະແດງໂລກຊຽງໄຮນຳພະນັກ
ງານຢູ່ໃນລົດທ່ຽວໂຄສະນາ.ຜົວເມຍຄູ່ນີ້ສົນໃຈຫຼາຍຕໍ່ງານວາງສະແດງໂລກຊຽງໄຮ,ພໍມີຂໍ້ມູນກ່ຽວກັບດ້ານນີ້ເຂົາເຈົ້າກໍ່ກະຕືລືລົ້ນໄປຊອກຫາໂລດ.
"ພວກເຮົາໄດ້ຕິດຕາມງານວາງສະແດງໂລກຢູ່ເທິງເວບໄຊໂດຍຕະຫຼອດ,ຫໍວາງສະແດງທັງໝົດໃກ້ຈະສ້າງສຳເລັດແລ້ວ,ບາງເທື່ອກໍ່ພຽງແຕ່ໄດ້ເຫັນພາບຈຳນວນໜຶ່ງທາງໂທລະພາບ,ຮູ້ສຶກບໍ່ພຽງພໍ,ພວກເຮົາກໍ່ເລີຍຂຶ້ນເວບໄຊຊອກຫາຂໍ້ມູນອີກ,ຫໍວາງສະແດງໃດໜຶ່ງມີຈຸດພິເສດຫຍັງແດ່,ດຽວນີ້ຮູ້ໝົດເລີຍ."
ໃນໄລຍະທ່ຽວໂຄສະນາງານວາງສະແດງໂລກຢູ່ຈີນ,ໄດ້ຈັດກິດຈະກຳໂຄສະນາການທ່ອງທ່ຽວງານວາງສະແດງໂລກລວມ16ເທື່ອ,ໃນນັ້ນ,ມີກິດຈະກຳ3ເທື່ອແມ່ນໄດ້ຈັດຂຶ້ນຢູ່ຕາແສງຕ່າງໆຂອງຈີນ.ກິດຈະກຳເຫຼົ່ານີ້ລ້ວນແຕ່ແມ່ນເພື່ອເຮັດໃຫ້ປະຊາຊົນຈີນສາມາດສຳຜັດແລະຮູ້ຈັກກັບງານວາງສະແດງໂລກຢ່າງໃກ້ຊິດ.
ໃນເວລາລົດທ່ຽວໂຄສະນາງານວາງສະແດງໂລກໄປຮອດປັກກິ່ງ,ພະນັກງານຂອງລົດກໍ່ດີໃຈຈົນນໍ້າຕາຊື່ມໃນພິທີຕ້ອນຮັບ.ນາງຢູ້ເຈ່ຍແມ່ນພະນັກງານຜູ້ນຶ່ງຂອງບໍລິສັດທ່ອງທ່ຽວຄ່າງຫຸ່ຍປັກກິ່ງທັງແມ່ນອາສາສະໝັກຂອງງານວາງສະແດງ,ໃນກິດຈະກໍາຂອງລົດໂຄສະນາງານວາງສະແດງໂລກ,ນາງໄດ້ໂຄສະນາເສັ້ນທາງທ່ອງທ່ຽວແລະຄວາມຮູ້ຂອງງານວາງສະແດງໂລກຢູ່ຕະຫລອດທາງ.ນາງເກີດຫລັງປີ1980,ໄດ້ຂຽນບົດບັນທຶກປະຈໍາວັນເພື່ອບັນທຶກທຸກສິ່ງທຸກຢ່າງຂອງລົດໂຄສະນາງານວາງສະແດງໂລກ,ບັນທຶກຄວາມກະຕືລືລົ້ນຂອງຄົນຈີນຕໍ່ງານວາງສະແດງໂລກ.ນາງເວົ້າວ່າ,
ກິດຈະກໍານີ້ໄດ້ຜ່ານ5ແຂວງ,3ກໍາແພງນະຄອນ,ຂ້ອຍຄິດບໍ່ເຖິງເລີຍວ່າປະຊາຊົນຢູ່ແຫ່ງຕ່າງໆຈະມີຄວາມກະຕືລືລົ້ນຕໍ່ງານວາງສະແດງໂລກຂະໜາດນີ້,ຕອນເລີ່ມຕົ້ນໂຄສະນາ,ປະຊາຊົນຍັງບໍ່ຮູ້ງານວາງສະແດງໂລກດີປານໃດ,ແຕ່ເວລາເຂົາເຈົ້າມາສອບຖາມແລະເອົາເອກະສານນໍາພວກເຮົາ,ພວກເຮົາກໍຮູ້ສຶກວ່າຄົນທັງຫລາຍຢາກໄປຊົມງານວາງສະແດງຫລາຍ.ໂອກາດງານວາງສະແດງນີ້ແມ່ນໂອກາດທີ່ຫາຍາກ,ເທື່ອນີ້ຈັດຢູ່ຊຽງໄຮ,ສະນັ້ນພວກເຮົາພາກພູມໃຈຫລາຍທີ່ຈະໄປເຂົ້າຮ່ວມ,ແລະຫວັງວ່າງານວາງສະແດງໂລກຈະສໍາເລັດຜົນຢ່າງຈົບງາມ.
ຫລັງຈາກກິດຈະກໍານີ້ສິ້ນສຸດແລ້ວ,ການໂຄສະນາງານວາງສະແດງໂລກຂອງຈີນຍັງບໍ່ຢຸດເຊົາ,ກົມທ່ອງທ່ຽວແຫ່ງຊາດຈີນໄດ້ຈັດກິດຈະກໍາເຜີຍແຜ່ໂຄສະນາງານວາງສະແດງໂລກຢູ່ຮ້ອຍນະຄອນ,ເຮັດໃຫ້ຄົນຈີນຫລາຍກວ່າເກົ່າໄດ້ຮູ້ຈັກງານວາງສະແດງໂລກ.ຫລັງຈາກກິດຈະກໍານີ້ສິ້ງສຸດແລ້ວ,ພະນັກງານຂອງລົດໂຄສະນາງານວາງສະແດງໂລກກໍຈະກັບຄືນສູ່ວຽກງານຂອງຕົນ,ສືບຕໍ່ປະກອບສ່ວນເຂົ້າໃນງານວາງສະແດງໂລກ.ທ່ານເຊີນລູຈູນ,ຜູ້ຂັບລົດຂອງລົດໂຄສະນາງານວາງສະແດງໂລກເວົ້າວ່າ,ກັບຄືນຊຽງໄຮແລ້ວ,ລາວຈະເຂົ້າຮ່ວມວຽກງານງານວາງສະແດງໂລກເລີຍ,ເພື່ອພາແຂກທັງພາຍໃນແລະຕ່າງປະເທດໄປຊົມງານວາງສະແດງໂລກແລະທ່ອງທ່ຽວປະເທດຈີນ.
ໃນຖານະເປັນຄົນຊຽງໄຮແລະຄົນຈີນ,ປະກອບສ່ວນເຂົ້າໃນງານວາງສະແດງໂລກຊຽງໄຮແມ່ນວຽກທີ່ຄວນເຮັດ.
