 |
|
|
|||
| |
 |
|
||||||
 |
||
|
||
|
||
|
||
|
||
|
ຕຶກຫ້ອງການພະລັງງານແສງຕາເວັນທີ່ໃຫຍ່ທີ່ສຸດໃນໂລກຕັ້ງຢູ່ເມືອງເຕີໂຈ່ວ
ເມືອງເຕີໂຈວແມ່ນຕົວເມືອງຂະໜາດກາງທີ່ຕັ້ງຢູ່ພາກຕາເວັນຕົກສຽງເໜືອຂອງແຂວງຊ່ານຕົງ.ໃນຫລາຍປີທີ່ຜ່ານມາ,ໂດຍຜ່ານການເຜີຍແຜ່ພະລັງງານອະນາໄມຄືພະລັງງານແສງຕາເວັນ,ຕົວເມືອງນີ້ຈາກເມືອງກະສິກໍາທີ່ດ້ອຍພັດທະນາກາຍເປັນຕົວເມືອງແຫ່ງພະລັງງານແສງຕາເວັນທີ່ຂະແໜງການພະລັງງານໃໝ່ກໍາລັງພັດທະນາ.ເຕັກນິກພະລັງງານແສງຕາເວັນທີ່ອະນຸລັກສິ່ງແວດລ້ອມບໍ່ພຽງແຕ່ສ້າງຜົນປະໂຫຍດຕໍ່ປະຊາຊົນທີ່ດໍາລົງຊີວິດຢູ່ຕົວເມືອງນີ້ເທົ່ານັ້ນ,ຍັງປ່ຽນແປງໂສມໜ້າຂອງຕົວເມືອງນີ້
ຕຶກຫ້ອງການພະລັງງານແສງຕາເວັນໃນຍາມລີຕີ
ທ່ານວາງອ້າຍປີ່ນ,ແມ່ນປະຊາຊົນທໍາມະດາສາມັນຢູ່ເຕີໂຈວ,ເພິ່ນໄດ້ສໍາຜັດກັບພະລັງງານແສງຕາເວັນເຮັດໃຫ້ຊີວິດການເປັນຢູ່ມີການປ່ຽນແປງຫລາຍ.
ເມື່ອກ່ອນ,ຕ້ອງໄປອາບນໍ້າຢູ່ຫ້ອງອາບນໍ້າລວມ,ບໍ່ສະດວກ.ນຶ່ງອາທິດກໍ່ໄປບໍ່ໄດ້ເທື່ອນຶ່ງ.ດຽວນີ້ມີພະລັງງານແສງຕາເວັນ,ສະດວກກວ່າເກົ່າ.ຕົ້ນທຶນມີແຕ່1ພັນກວ່າຢວນ,ມວນຊົນກໍ່ຮັບເອົາໄດ້.ດຽວນີ້,ຢູ່ເມືອງເຕີໂຈວ,ພະລັງງານແສງຕາເວັນແມ່ນໃຊ້ໂດຍທົ່ວໄປແລ້ວ,ຄອບຄົວໃດກໍ່ມີ.
ເມື່ອຍ່າງເຂົ້າເມືອງເຕີໂຈວ,ທ່ານຈະໄດ້ເຫັນພະລັງງານແສງຕາເວັນຢູ່ທຸກຫົນທຸກແຫ່ງ.ຢູ່ສອງຟາກທາງແມ່ນດອກໄຟເຍືອງທາງດ້ວຍພະລັງງານແສງຕາເວັນ,ຢູ່ທາງສີ່ແຍກສໍາຄັນລ້ວນແຕ່ໃຊ້ໄຟອຳນາດດ້ວຍພະລັງງານແສງຕາເວັນ,ຢູ່ເທິງຫລັງຄາເຮືອນປະຊາຊົນູແລະສິ່ງກໍ່ສ້າງສາທາລະນະກໍ່ໄດ້ຕັ້ງເຄື່ອງຕົ້ມນໍ້າຮ້ອນທີ່ໃຊ້ພະລັງງານແສງຕາເວັນຢ່າງເປັນລະບຽບຮຽບຮ້ອຍ,ຢູ່ບາງແຫລ່ງທ່ອງທ່ຽວກໍ່ໄດ້ຕິດຕັ້ງດອກໄຟທີ່ໃຊ້ພະລັງງານແສງຕາເວັນ,ອຸປະກອນເຫລົ່ານີ້ໄດ້ບອກໝົດທຸກຄົນວ່າ,ຕົວເມືອງນີ້ແມ່ນເມືອງເຕີໂຈວ,ແມ່ນຕົວເມືອງແຫ່ງພະລັງງານແສງຕາເວັນຂອງຈີນ.
ນາງສາວຫານເວົ້າວ່າ,ພະລັງງານແສງຕາເວັນເຮັດໃຫ້ບ້ານເກີດຂອງລາວງາມກວ່າເກົ່າ."ຕອນແລງ,ດອກໄຟເຍືອງທາງດ້ວຍພະລັງງານແສງຕາເວັນຮຸ່ງຫລາຍ.ບາງທີ່,ຂ້ອຍແລະໝູ່ໄປຫລິ້ນຢູ່ນອກ,ດອກໄຟເຍືອງທາງໃນສວນອຸທິຍານແລະດອກໄຟປະດັບກໍ່ແມ່ນໃຊ້ພະລັງງານແສງຕາເວັນ,ງາມຫລີ່ຫລີ.ເມື່ອກ່ອນ,ເວລາເວົ້າເຖິງເມືອງເຕີໂຈວ,ກໍ່ເວົ້າວ່າໄກ່ເຕີໂຈວມີຊື່ສຽງດົ່ງດັ່ງຫລາຍ,ແຕ່ດຽວນີ້,ຄົນຫລວງຫລາຍກໍ່ຮູ້ວ່າເມືອງເຕີໂຈວແມ່ນເມືອງແຫ່ງພະລັງງານແສງຕາເວັນ.ຂ້ອຍຮູ້ສຶກວ່າດີຫລາຍ."
ໃນຫລາຍປີມໍ່ໆມານີ້,ເມືອງເຕີໂຈວໄດ້ຊ່ວຍພັດທະນາຂະແໜງການພະລັງງານແສງຕາເວັນໂດຍຜ່ານເງື່ອນໄຂພິເສດຕ່າງໆເຊັ່ນທີ່ດິນ,ນະໂຍບາຍແລະອື່ນໆ.ປະຈຸບັນ,ບໍລິສັດທີ່ກ່ຽວກັບຂະແໜງການພະລັງງານແສງຕາເວັນຫລາຍກວ່າ100ແຫ່ງ.ຄຽງຄູ່ກັນກັບພັດທະນາຂະແໜງການພະລັງງານແສງຕາເວັນ,ເມືອງເຕີໂຈວຍັງຕັ້ງໜ້າຊຸກຍູ້ການເຜີຍແຜ່ແລະນໍາໃຊ້ພະລັງງານ
ແສງຕາເວັນໃນເຂດຂອງຕົນ.ໃນທ້າຍປີ2009,ອັດຕາການຕິດຕັ້ງເຄື່ອງຕົ້ມນໍ້າດ້ວຍພະລັງງານແສງຕາເວັນຢູ່ຄຸ້ມເຮືອນຢູ່ໃໝ່ໃນຕົວເມືອງຫລາຍກວ່າ95%,ໃນຊົນນະບົດຫລາຍກວ່າ50%.ການນໍາໃຊ້ພະລັງງານແສງຕາເວັນໃນການກໍ່ສ້າງຕົວເມືອງ,ໄປຈົນຮອດເຄື່ອງໃຊ້ປະຈໍາວັນເຊັ່ນໄຟສາຍແລະເຄື່ອງສາກຖ່ານທຸກຊະນິດທີ່ໃຊ້ພະລັງງານແສງຕາເວັນແລະອື່ນໆ,ຄົນເຕີໂຈວຫວັງຜ່ານພຶດຕິກໍາຕົວຈິງໃນຫລາຍປີທີ່ຜ່ານມາ,ການດໍາລົງຊີວິດແລະຜົນສໍາເລັດທີ່ພົ້ນເດັ່ນສະແດງໃຫ້ເຫັນວ່າ,ເມືອງເຕີໂຈວແມ່ນຕົວເມືອງແຫ່ງພະລັງງານແສງຕາເວັນທີ່ສົມຊື່ລືນາມ.
ກຸ່ມບໍລິສັດພະລັງງານແສງຕາເວັນຫວງໝີງທີ່ຢູ່ເມືອງເຕີໂຈວ,ແມ່ນສູນຜະລິດເຄື່ອງຕົ້ມນໍ້າຮ້ອນດ້ວຍພະລັງງານແສງຕາເວັນທີ່ໃຫຍ່ທີ່ສຸດໃນໂລກ.ປີກາຍນີ້,ເຄື່ອງຕົ້ມນໍ້າຮ້ອນດ້ວຍພະລັງງານແສງຕາເວັນຂອງບໍລິສັດນີ້ໄດ້ປົກຫຸ້ມ2ລ້ານກິໂລຕາແມັດ,ເຊິ່ງເທົ່າກັບເນື້ອທີ່ທັງໝົດຂອງສະຫະພາບເອີລົບ,ແມ່ນ2ເທົ່າຂອງທະວີບອາເມລິກາເໜືອ.ທ່ານຫວງໝີງ,ຜູ້ອໍານວຍການໃຫຍ່ກຸ່ມບໍລິສັດເວົ້າວ່າ,ບໍລິສັດນີ້ຈະສ້າງສູນຜະລິດເຄື່ອງທີ່ໃຊ້ພະລັງງານແສງຕາເວັນ,ຄົ້ນຄວ້າພັດທະນາເຕັກນິກ,ສ້າງຜູ້ມີຄວາມຮູ້ຄວາມສາມາດ,ການທ່ອງທ່ຽວ,ທີ່ມີຊື່ວ່າ,ເມືອງຕາເວັນຈີນ.ເວລານັ້ນ,ແຫ່ງນີ້ຈະກາຍເປັນເຂດອຸດສາຫະກໍາພະລັງງານແສງຕາເວັນທີ່ໃຫຍ່ທີ່ສຸດໃນໂລກ.
ສຽງ3
"ເມືອງຕາເວັນຈີນ,ແມ່ນສິ່ງກໍ່ສ້າງທີ່ມີ່ເນື້ອທີ່ລ້ານກິໂລຕາແມັດ,ໂຮງງານ,ໂຄງການສາທາລະນະ,ໂຮງແຮມ,ຄຸ້ມເຮືອນຢູ່ແລະອື່ນໆກໍ່ແມ່ນລະບາຍກາກບອນຕໍ່າ,ອະນຸລັກຊີວະພາບ.ອີກ2ປີ,ແຫ່ງນີ້ຈະກາຍເປັນແບບຢ່າງຂອງໂລກ,ແບບຢ່າງຂອງຕົວເມືອງແລະຄຸ້ມເຮືອນຢູ່ໃນອະນາຄົດ.ພວກເຮົາມີຄວາມໝັ້ນໃຈຫລາຍ."
ເຕັກນິກພະລັງງານໃໝ່ , ໂສມໜ້າຕົວເມືອງໃໝ່ບໍ່ພຽງແຕ່ເຮັດໃຫ້ປະຊາຊົນພາກພູມໃຈເທົ່ານັ້ນ,ຍັງດຶງດູດນັກທຸລະກິດຈີນແລະຕ່າງປະເທດກໍ່ໄປເມືອງເຕີ ໂຈວເພື່ອຊອກຫາໂອກາດທຸລະກິດ.ທ່ານແອນດຼູ ສຄູເລີ ຄົນແມັກຊິກເວົ້າວ່າ,
"ໄດ້ຍິນວ່າຕົວເມືອງນີ້ແມ່ນເມືອງພະລັງງານແສງຕາເວັນ,ຂ້ອຍຫວັງວ່າຈະສາມາດຄົ້ນພົບເຕັກນິກໃຫມ່ທີ່ເໝາະສົມ,ແລ້ວເອົາເມືອນໍ້າໃຊ້ຢູ່ແມັກຊິກ."
ໃນຖານະເປັນຕົວເມືອງທີ່ບໍ່ມີທາງອອກສູ່ທະເລ,ເມື່ອກ່ອນ,ຄົນຕ່າງປະເທດໄປເມືອງເຕີໂຈວບໍ່ຫລາຍ,ແຕ່ວ່າດຽວນີ້ຕ່າງເກົ່າຫລາຍແລ້ວ.ພະນັກງານທີ່ ເຮັດວຽກຢູ່ໂຮງແຮມບອກໃຫ້ຮູ້ວ່າ, ເຂົາເຈົ້າຕ້ອນຮັບແຂກຕ່າງປະເທດບໍ່ໜ້ອຍໃນແຕ່ມື້ເຊັ່ນ,ແຂກທີ່ມາຈາກອາເມລິກາ,ເຢຍລະມັນ,ແມັກຊິກ,ນູແວນເຊລັງແລະປະເທດອື່ນໆ.ເຖິງວ່າເຂົາເຈົ້າມາຈາກບ່ອນຕ່າງກັນກໍ່ຕາມ,ແຕ່ຈຸດປະສົງຂອງ ເຂົາເຈົ້າແມ່ນຢາກມາຊອກຫາເຕັກນິກພະລັງງານແສງຕາເວັນແລະອຸປະກອນ. ວັນທີ16ກັນຍາ2010ກອງປະຊຸມຕົວເມືອງພະລັງງານແສງຕາເວັນໂລກຄັ້ງທີ4 ຈະຈັດຂຶ້ນຢູ່ເມືອງເຕີໂຈວ. ກອງປະຊຸມນີ້ແມ່ນຈັດຂຶ້ນຢູ່ຈີນເປັນເທື່ອທໍາອິດ. ທ່ານເຫລີຍຈ້ຽນກົວ,ເລຂາພັກເມືອງເຕີໂຈວກ່າວວ່າ,ຈະໃຊ້ໂອກາດນີ້ຊຸກຍູ້ການພັດທະນາພະລັງງານແສງຕາເວັນແລະນໍາໃຊ້ພະລັງງານແສງຕາເວັນຕື່ມອີກ. ເພື່ອກໍ່ສ້າງເມືອງເຕີໂຈວເປັນຕົວເມືອງທີ່ມີສະພາບແວດລ້ອມດີແລະລະບາຍກາກບອນຕໍ່າ.
"ສໍາລັບເມືອງເຕີໂຈວ,ພະລັງງານໃໝ່ທີ່ຖືພະລັງງານແສງຕາເວັນເປັນຕົ້ນຕໍແມ່ນອຸດສາຫະກໍາໃໝ່ທີ່ມີລັກສະນະຍຸດທະສາດ,ນີ້ກໍ່ແມ່ນທ່າແຮງຂອງພວກຂ້າພະເຈົ້າ,ພວກຂ້າພະເຈົ້າຄວນເຮັດໃຫ້ພະລັງງານແສງຕາເວັນກາຍເປັນອຸດສາຫະກໍາຕົ້ນຕໍຂອງເມືອງເຕີໂຈວ,ຍົກສູງອັດຕາສ່ວນຂອງມັນໃນໂຄງປະກອບເສດຖະກິດ,ຊັກນໍາການພັດທະນາອຸດສາຫະກໍາອື່ນໆ."
ທ່ານເຫລີຍຈ້ຽນກົວເວົ້າວ່າ,ນອກຈາກພະລັງງານແສງຕາເວັນແລ້ວ, ເມືອງ ເຕີໂຈວຍັງເອົາໃຈໃສ່ການພັດທະນາອຸດສາຫະກໍາຕ່າງໆເຊັ່ນ,ການຜະລິດອຸປະ ກອນໄຟຟ້າແຮງລົມ, ພັດທະນາພະລັງງານຊີວະພາບແລະອື່ນໆ. ຂີ່ລົດຈາກເມືອງເຕີໂຈວໄປນະຄອນຫລວງປັກກິ່ງໃຊ້ເວລາພຽງ3ຊົ່ວໂມງທໍ່ນັ້ນ, ເມືອງເຕີໂຈວຈະນໍາໃຊ້ທ່າແຮງດ້ານຄົມມະນາຄົມ,ຖານອຸດສາຫະກໍາພະລັງງານໃໝ່ແລະອື່ນໆ,ມາພັດທະນາເປັນເຂດທີ່ຄົ້ນຄວ້າພັດທະນາແລະຈໍາໜ່າຍເຄື່ອງໃຊ້ພະລັງງານໃໝ່,ສົ່ງເສີມວິສາຫະກິດຈີນແລະຕ່າງປະເທດ,ອົງການລົງທຶນແລະນັກວິຊາການມາລົງທຶນແລະເຮັດທຸລະກິດອຸດສາຫະກໍາຢູ່ເມືອງເຕີໂຈວ.
 |
 |
| © China Radio International.CRI. All Rights Reserved. 16A Shijingshan Road, Beijing, China. 100040 |