ຈີນໄດ້ປະຕິບັດຄຳໝັ້ນສັນຍາໃນເວລາເຂົ້າຮ່ວມWTOຢ່າງຄົມຖ້ວນແລ້ວ
(GMT+08:00) 2010-09-02 17:57:41 cri
ຜ່ານການເຈລະຈາທີ່ຫຍຸ້ງຍາກລຳບາກເປັນເວລາ15ປີ, ຈີນໄດ້ກາຍເປັນສະມາ ຊິກທາງການຂອງອົງການການຄ້າໂລກຫຼືWTOຢ່າງເປັນທາງການໃນປີ2001. ໃນ9ປີທີ່ຜ່ານມາ, ຈີນຈາກສະມາຊິກໃໝ່ຂອງWTOກາຍເປັນອົງການທີ່ສະໜັບ ສະໜູນການຊຸກຍູ້ການຄ້າເສລີແລະກົນໄກການຄ້າຫຼາຍຝ່າຍຢ່າງເດັດດ່ຽວ. ສະພາບທີ່ຈີນປະຕິບັດຕາມຄຳໝັ້ນສັນຍາເຂົ້າຮ່ວມWTOແນວໃດ?
ຫວ່າງມໍ່ໆມານີ້, ໃນເວລາໃຫ້ສຳພາດຕໍ່ໂທລະພາບເຟີ້ງຫວງຮົງກົງ, ທ່ານປາສຄານ ລາມີ, ຜູ້ອຳນວຍການໃຫຍ່WTOກ່າວວ່າ, ຈີນແມ່ນອົງການສຳຄັນທີ່ສຸດຂອງອົງການການຄ້າໂລກ, ທັງແມ່ນອົງການສຳຄັນທີ່ສຸດໃນການຄ້າໂລກ, ຈີນໄດ້ປະຕິບັດຄຳໝັ້ນສັນຍາໃນເວລາເຂົ້າເປັນສະມາຊິກWTO.
ທ່ານປາສຄານ ລາມີກ່າວວ່າ: "ຈີນແມ່ນອົງການສຳຄັນທີ່ສຸດຂອງອົງການການຄ້າໂລກ, ດຽວນີ້ແມ່ນອົງການສຳຄັນທີ່ສຸດໃນການຄ້າໂລກ. ເວົ້າລວມແລ້ວ, ຈີນໄດ້ປະຕິບັດຄຳໝັ້ນສັນຍາໃນເວລາເຂົ້າຮ່ວມWTO"
ໃນໃບຂ່າວທີ່ເປີດເຜີຍໃນວັນທີ23ກໍລະກົດແລ້ວນີ້, ກົມການຄ້າໂລກຂອງກະຊວງການຄ້າຈີນກ່າວວ່າ, ໄລ່ມາຮອດປີ2010, ຈີນໄດ້ປະຕິບັດຄຳໝັ້ນສັນຍາໃນເວລາ ເຂົ້າຮ່ວມWTOຢ່າງຄົບຖ້ວນແລ້ວ, ໄດ້ສ້າງໂຄງປະກອບເສດຖະກິດການຄ້າທີ່ສອດຄ່ອງກັບລະບຽບຂອງWTO, ກາຍເປັນໜຶ່ງໃນບັນດາຕະຫຼາດທີ່ເປີດປະຕູ ກວ່າໝູໃນໂລກ. ຕໍ່ເລື່ອງນີ້, ນັກຂ່າວໄດ້ສຳພາດສາດສະດາຈານເຫີຫວີ້ຍຫວີນ, ຫົວໜ້າສູນຄົ້ນຄ້ວາເສດຖະກິດການຄ້າຈີນອາເມລິກາຂອງມະຫາ ວິທະຍາໄລເສດຖະກິດການຄ້າຕ່າງປະເທດຂອງຈີນ, ທ່ານກ່າວວ່າ, ຈີນໄດ້ປະຕິບັດຕາມຄຳໝັ້ນສັນຍາໃນເວລາເຂົ້າຮ່ວມWTOຫຼືບໍ່ນັ້ນ, ຕ້ອງເບິ່ງຕາມຄວາມເປັນຈິງ. ເຫີຫວີ້ຍຫວີນກ່າວວ່າ:
"ກ່ອນອື່ນແມ່ນໃນດ້ານຜະລິດຕະພັນກະສິກຳ, ໃນເວລາເຂົ້າຮ່ວມWTO ຈີນໃຫ້ຄຳໝັ້ນສັນຍາວ່າ, ເມື່ອຮອດປີ2010, ພາສີນຳເຂົ້າຜະລິດຕະພັນກະສິກຳສະເລ່ຍແລ້ວຕ້ອງຫຼຸດເປັນ15%ນັ້ນນີ້ເຮັດສຳເລັດແລ້ວ. ສ່ວນການຍົກເລີກເງິນອຸດໜູນການສົ່ງອອກຜະລິດຕະພັນກະສິກຳນັ້ນກໍ່ໄດ້ສຳເລັດແລ້ວ. ນອກນີ້, ໃນດ້ານການນຳເຂົ້າລົດຍົນ, ພວກເຮົາໄດ້ຍົກເລີກໂຄຕາທັງໝົດໃນປີ2005, ນີ້ໄດ້ຍົກເລີກແລ້ວ, ແລະພາສີກໍ່ໄດ້ຫຼຸດລົງເປັນ30%, ສ່ວນພາສີຂອງອາໄຫຼ່ລົດກໍ່ໄດ້ຫຼຸດລົງເປັນ10%ໃນປີ2006ຕາມກຳນົດ, ຍັງມີຄວາມຮຽກຮ້ອງທີ່ຍົກເລີກຂໍ້ຈຳກັດທີ່ຕ້ອງຫັນເປັນການຜະລິດພາຍໃນປະເທດ ຄືໃນເບື້ອງຕົ້ນ ບໍລິສັດຕ່າງປະເທດຜະລິດລົດຍົນຢູ່ຈີນຕ້ອງນຳເອົາເຕັກນິກການຜະລິດອາໄຫຼ່ຢູ່ຈີນ, ນີ້ກໍ່ໄດ້ຍົກເລີກແລ້ວ."
ນອກຈາກປະຕິບັດຄຳໝັ້ນສັນຍາໃນຂອບເຂດການຄ້າສິນຄ້າແລ້ວ, ສາດສະດາຈານເຫີເຫວີ້ຍຫວີນຍັງກ່າວວ່າ, ຈີນກໍ່ໄດ້ປະຕິບັດຄໍາໝັ້ນສັນຍາທາງ ດ້ານການຄ້າການບໍລິການ. ສໍາລັບຂະແໜງການທະນາຄານ, ໃນເບື້ອງຕົ້ນ, ຕ່າງປະເທດມາດຳເນີນທຸລະກິດເງິນຢວນຢູ່ຈີນຕ້ອງດຳເນີນການທົດລອງເທື່ອລະກ້າວ, ປະຈຸບັນ, ຈີນໄດ້ຍົກເລີກຂໍ້ຈຳກັດດັ່ງກ່າວແລ້ວ. ສໍາລັບຂະແໜງການກໍ່ສ້າງ, ຈີນໄດ້ຍົກເລີກຂໍ້ຈຳກັດຕໍ່ບໍລິສັດຕ່າງປະເທດທີ່ສ້າງຕັ້ງບໍລິສັດກໍ່ສ້າງ.
ໃນຄຳໝັ້ນສັນຍາຂອງຈີນກ່ອນຈະເຂົ້າຮ່ວມWTO, ຂໍ້ທີ່ເຮັດໃຫ້ຄົນທັງຫຼາຍສົນໃຈທີ່ສຸດແມ່ນເຮັດໃຫ້ກຳແພງພາສີການຄ້າຕ່າງໆຫຼຸດລົງ. ກ່ຽວກັບສະພາບການປະຕິບັດຄຳໝັ້ນສັນຍາທາງດ້ານນີ້, ສາດສະດາຈານເຫີຫວີ້ຍຫວີນສະເໜີວ່າ:
"ໃນເວລານັ້ນ, ຈີນໃຫ້ຄຳໝັ້ນສັນຍາວ່າຈະຫຼຸດພາສີທັງມົດລົງເປັນ10%, ປະຈຸບັນແມ່ນຕ່ຳກວ່າ10%ແລ້ວ. ຜະລິດຕະພັນອຸດສາຫະກຳ9%, ຜະລິດຕະພັນກະສິກຳ15%, ແຕ່ລະດັບລວມແມ່ນ10%. ທີ່ຈິງແລ້ວ, ໃນເດືອນພະຈິກປີ2006ທີ່ຈີນເຂົ້າຮ່ວມWTOຄົບຮອບ5ປີ, ລະດັບລວມຂອງພາສີໄດ້ຫຼຸດລົງຮອດ9,9%, ເຊິ່ງໄດ້ຫຼຸດລົງຫຼາຍກວ່າຄຳໝັ້ນສັນຍາອີກຊ້ຳ."
ເບິ່ງຈາກຈຸດປະສົງຂອງການສ້າງຕັ້ງອົງການການຄ້າໂລກ, ເປົ້າໝາຍຂອງ ການຊຸກຍູ້ການຄ້າເສລີແມ່ນເຮັດໃຫ້ສະມາຊິກທັງໝົດຕ່າງຝ່າຍຕ່າງໄດ້ຜົນປະໂຫຍດ. ສະນັ້ນ, ຈີນໄດ້ປະຕິບັດຄຳໝັ້ນສັນຍາແລະພັນທະໃນເວລາເຂົ້າຮ່ວມWTO, ທັງໄດ້ຮັບຜົນປະໂຫຍດຈາກການຄ້າເສລີ. ສາດສະດາຈານເຫີເຫວີ້ຍຫວີນກ່າວວ່າ, ຍ້ອນສະມາຊິກWTOເປີດຕະຫຼາດໃຫ້ກັນແລະກັນ, ມູນຄ່າຂາເຂົ້າຂາອອກຂອງຈີນໄດ້ເພີ່ມຂຶ້ນຢ່າງຫຼວງຫຼາຍ. ສາດສະດາຈານເຫີເຫວີ້ຍຫວີນກ່າວວ່າ:
"ພວກເຮົາເປີດຕະຫຼາດຕໍ່ສະມາຊິກWTOອື່ນໆ, ສະມາຊິກWTOອື່ນໆກໍ່ໄດ້ເປີດ ຕະຫຼາດຕໍ່ພວກເຮົາ. ໃນ9ປີທີ່ຈີນເຂົ້າເປັນສະມາຊິກWTOນີ້, ມູນຄ່າການສົ່ງອອກຂອງຈີນເພີ່ມຂຶ້ນຢ່າງຫຼວງຫຼາຍ, ໄດ້ກາຍເປັນປະເທດທີ່ສົ່ງອອກສິນຄ້າຫຼາຍກວ່າໝູ່ໃນໂລກ. ກ່ອນເຂົ້າເປັນສະມາຊິກWTO ຄືໃນປີ2000, ມູນຄ່ານຳເຂົ້າແລະສົ່ງອອກມີພຽງ440ຕື້ຢວນເທົ່ານັ້ນ, ປີກາຍນີ້ແມ່ນ2200ກວ່າຕື້ຢວນ, ເມື່ອທຽບໃສ່ກັນແລ້ວ, ມູນຄ່າການສົ່ງອອກສິນຄ້າເພີ່ມຂຶ້ນໄວຫຼາຍ. ຫຼັງຈາກເຂົ້າເປັນສະມາຊິກ WTOແລ້ວ, ຈີນໄດ້ຮັບຜົນປະໂຫຍດຫຼາຍກວ່າ."
ປະຈຸບັນ, ຈີນເປັນສະມາຊິກWTOເກືອບ9ປີແລ້ວ, ນອກຈາກປະຕິບັດຕາມຄຳໝັ້ນສັນຍາແລະພັນທະ, ມີສິດແລະຜົນປະໂຫຍດແລ້ວ, ຈີນຍັງຕ້ອງເຮັດຫຍັງອີກແດ່? ທ່ານເມີຍຊິນອີ, ນັກຄົ້ນຄ້ວາຂອງສະຖາບັນຄົ້ນຄ້ວາກະຊວງການຄ້າຈີນກ່າວວ່າ, ໃນຖານະທີ່ເປັນປະເທດການຄ້າໃຫຍ່, ຕ້ອງເຂົ້າຮ່ວມການປ່ຽນແປງຫຼັກການເສດຖະ ກິດການຄ້າສາກົນ, ເພື່ອຊອກຫາເສັ້ນທາງໃໝ່ໃຫ້ແກ່ໂລກ. ສາດສະດາ ຈານເຫີເຫວີ້ຍຫວີນກ່າວວ່າ:
"ໃນຖານະທີ່ເປັນສະມາຊິກຂອງWTO, ພາຍຫຼັງປະຕິບັດພັນທະຂອງຕົນແລ້ວ, ພວກເຮົາຍັງຕ້ອງຊຸກຍູ້ໃຫ້ລະບຽບເສດຖະກິດການຄ້າສາກົນມີການປ່ຽນແປງ. ພວກເຮົາຕ້ອງຈາກການເຂົ້າຮ່ວມລະບຽບສາກົນເທົ່ານັ້ນມາລ້າໆຫັນເປັນຊຸກຍູ້ໃຫ້ລະບຽບສາກົນມີການປ່ຽນແປງ, ນີ້ກໍ່ໝາຍຄວາມວ່າ, ເວົ້າສຳລັບປະເທດການຄ້າໃຫຍ່, ໜ້າທີ່ຂອງພວກເຮົາບໍ່ພຽງແຕ່ແມ່ນເດີນຕາມເສັ້ນທາງທີ່ມີຢູ່ແລ້ວເທົ່ານັ້ນ, ຍັງມີໜ້າທີ່ຮັບຜິດຊອບທີ່ສຳຄັນຕໍ່ໂລກອີກ, ນັ້ນກໍ່ແມ່ນຊອກຫາເສັ້ນທາງໃໝ່ໃຫ້ໂລກ."
ຈາກນັ້ນເຫັນວ່າ, ຈີນໄດ້ປະຕິບັດຕາມຄຳໝັ້ນສັນຍາທັງໝົດແລ້ວ, ນີ້ແມ່ນຂີດໝາຍທັງແມ່ນຈຸດບາດລ້ຽວໃຫຍ່. ຈາກນີ້ເປັນຕົ້ນໄປ, ຈີນຄວນຮັບຜິດຊອບໜ້າທີ່ຂອງປະເທດໃຫຍ່, ເຂົ້າຮ່ວມການຈັດລະບຽບການໃໝ່ຂອງWTO, ຕັ້ງໜ້າເຂົ້າຮ່ວມການເຈລະຈາການຄ້າຫຼາຍຝ່າຍ, ສືບຕໍ່ຊຸກຍູ້ຂະບວນການເຈລະຈາຮອບໂດຮາ, ສືບຕໍ່ຊຸກຍູ້ໃຫ້ການຄ້າໂລກຫັນເປັນເສລີ. ທ່ານຜູ້ຟັງທີ່ເຄົາລົບ, ຄໍລຳແຈ້ງຂ່າວເສດຖະກິດຈີນຂໍຈົບລົງພຽງທໍ່ນີ້, ສະບາຍດີ!
