ຄະນະນັກກິລາລາວເດີນທາງມາຮອດປັກກິ່ງ
-----------------------------------------------------------------------------------------------------------------
ຕາມຂ່າວCRI: ຕອນເຊົ້າວັນທີ 5 ສີງຫານີ້, ຄະນະນັກກິລາລາວເດີນທາງມາຮອດສະໜາມບິນນະຄອນຫຼວງປັກກິ່ງ, ເລີ່ມການເຂົ້າສູ່ໂອລິມປິກປັກກິ່ງຂອງເຂົາເຈົ້າຢ່າງເປັນທາງການ. ຄະນະນັກກິລາລາວທີ່ມາຮອດປັກກິ່ງໃນມື້ນີ້ມີສະມາຊິກ 12 ຄົນ, ລວມທັງຮອງຫົວໜ້າຄະນະນັກກິລາ ຄູ່ຝຶກ ນັກກິລາແລະເຈົ້າໜ້າທີ່ລວມ 10 ຄົນ, ນອກນີ້ຍັງມີນັກກິລາຊາວໜຸ່ມລາວ 2 ຄົນຈະເຂົ້າຮ່ວມກິດຈະກຳທີ່ກ່ຽວຂ້ອງທີ່ຄ້າຍຊາວໜຸ່ມໂອລິມປິກປັກກິ່ງປີ 2008 ໃນໄລຍະໂອລິມປິກ.
ສະມາຊິກຄະນະນັກກິລາລ້ວນແຕ່ຮູ້ສຶກຕື່ນເຕັ້ນຫຼາຍໃນເວລາຍ່າງອອກຈາກສະໜາມບິນ, ທ່ານຊົມພູ ພົງສາ ຮອງຫົວໜ້າຄະນະນັກກິລາກ່າວວ່າ:
ນາງພິໄລລັກ ສັກປະເສີດ ນັກກິລາແລນຮູ້ສຶກປະທັບໃຈຫຼາຍຍ້ອນມາຮອດປັກກິ່ງແລ້ວເຫັນວ່າອາກາດຂອງປັກກິ່ງດີຫຼາຍ, ເໝາະສົມກັບການແຂ່ງຂັນ
ນາງວິໄລພອນ ວົງພະຈັນ ນັກກິລາລອຍນ້ຳກ່າວວ່ານາງຈະພະຍາຍາມສ້າງຜົນງານໃຫ້ດີທີ່ສຸດໃນງານໂອລິມປິກປັກກິ່ງ
ນາງຍັງຢາກທ່ຽວສະຖານທີ່ທີ່ມີຊື່ສຽງແລະບູຮານສະຖານຂອງປັກກິ່ງພາຍຫຼັງການແຂ່ງຂັນ
ທ້າວເທບພິທັກ ຈິນດາວົງ ນັກກິລາລອຍນ້ຳກ່າວວ່າລາວຢາກສ້າງຜົນງານດີທີ່ສຸດໃນການແຂ່ງຂັນໂອລິມປິກປັກກິ່ງ
ທ້າວສຸກສະຫວັນ ຕົ້ນສັກເທວາ ນັກກິລາແລ່ນແມ່ນມາເຂົ້າຮ່ວມການແຂ່ງຂັນກິລາຢູ່ປັກກິ່ງຄັ້ງທີ 2 ແລ້ວ, ລາວມັກປັກກິ່ງຫຼາຍ, ກໍ່ຢາກມີຜົນງານໃໝ່ໃນໂອລິມປິກຄືກັນ.
ພາຍຫຼັງອອກຈາກສະໜາມບິນແລ້ວ, ຄະນະນັກກິລາລາວນັ່ງລົດມຸ້ງໜ້າສູ່ບ້ານໂອລິມປິກ.
