ກຸ່ມເສື້ອແດງໂຮມຊຸມນຸມປະທ້ວງເພຶ່ອກົດດັນລັດຖະບານໄທ
(GMT+08:00) 2009-02-02 15:18:09 cri
-----------------------------------------------------------------------------------------------------------------
-----------------------------------------------------------------------------------------------------------------
ການໂຮມຊຸມນຸມປະທ້ວງທີ່ກຸ່ມແນວໂຮມປະຊາທິປະໄຕຕໍ່ຕ້ານຜະເດັດການແຫ່ງຊາດຫຼືກຸ່ມເສື້ອແດງຈັດຕັ້ງຂຶ້ນນັ້ນ ໄດ້ສິ້ນສຸດລົງໃນຕອນຂ້ອນແຈ້ງຂອງວັນທີ1ກຸມພານີ້.ແຕ່ກຸ່ມເສື້ອແດງຍັງກ່າວເຕືອນວ່າ,ຖ້າລັດຖະບານໄທຫາກບໍ່ສາມາດຕອບສະໜອງຄວາມຮຽກຮ້ອງຂອງເຂົາເຈົ້າພາຍໃນ15ວັນ,ກຸ່ມເສື້ອແດງຈະໂຮມຊຸມນຸມປະທ້ວງຕໍ່ຕ້ານລັດຖະບານໄທຢ່າງຂະໜາດໃຫຍ່ອີກເທື່ອໜຶ່ງ.ສະຖານະການການເມືອງຂອງໄທທີ່ຫາກໍ່ຄ່ອຍໆມີສະຖຽນລະພາບໄດ້ປະເຊີນກັບສະພາບການທີ່ເຄັ່ງຕຶງຂຶ້ນອີກເທື່ອໜຶ່ງ.
ການໂຮມຊຸມນຸມປະທ້ວງຂອງກຸ່ມເສື້ອແດງເທື່ອນີ້ໄດ້ແຈ້ງໃຫ້ຊາບລ່ວງໜ້າກ່ອນຫຼາຍມື້ແລ້ວ.ຕໍ່ເລື່ອງນີ້,ຕຳຫຼວດໄທໃຊ້ຕຳຫຼວດ5000ກວ່າຄົນມາຮັບມືກັບການປະທ້ວງ,ກອງທັບຍັງໄດ້ແຕ່ງທະຫານເຂົ້າໄປປ້ອງກັນຢູ່ໃນທຳນຽບລັດຖະບານ.ນີ້ແມ່ນການໂຮມຊຸມນຸມປະທ້ວງຂະໜາດໃຫຍ່ອີກເທື່ອໜຶ່ງພາຍຫຼັງກຸ່ມເສື້ອແດງໄດ້ເຄີຍເຕົ້າໂຮມຢູ່ທາງເຂົ້າລັດຖະສະພາເພື່ອກີດຂວາງທ່ານອະພິສິດ ເວດຊາຊີວະແລະຄະນະລັດຖະບານຊຸດໃໝ່ບໍ່ໃຫ້ຖະແຫຼງນະໂຍບາຍຕໍ່ລັດຖະສະພາໃນທ້າຍປີກາຍນີ້.ທ່ານອະພິສິດເວດຊາຊີວະ ນາຍົກລັດຖະມົນຕີໄທທີ່ພວມເຂົ້າຮ່ວມເວທີປຶກສາຫາລືເສດຖະກິດໂລກຢູ່ດາວົສແຫ່ງປະເທດສະວິສ ໄດ້ກ່າວໃນຕອນຄ່ຳວັນທີ31ມັງກອນແລ້ວນີ້ວ່າ,ທ່ານຈະພິຈາລະນາຄວາມຮຽກຮ້ອງທີ່ເໝາະສົມທີ່ກຸ່ມເສື້ອແດງສະເໜີອອກມາ,ແລະຫວັງໃຫ້ບຸກຄົນທີ່ກ່ຽວຂ້ອງເຂົ້າຮ່ວມການປະຕິຮູບດ້ານການເມືອງຂອງໄທ.
ສື່ມວນຊົນໄທເຫັນວ່າ,ການໂຮມຊຸມນຸມຂອງກຸ່ມເສື້ອແດງເທື່ອນີ້ແມ່ນການສະແດງກຳລັງອີກເທື່ອໜຶ່ງ,ພ້ອມກັນນັ້ນ ຍັງໄດ້ສະແດງໃຫ້ເຫັນວ່າ,ຄວາມຂັດແຍ່ງກັນທີ່ສຳຄັນຂອງສະຖານະການໄທຄືຄວາມຂັດແຍ່ງກັນດ້ານຜົນປະໂຫຍດລະຫວ່າງປະຊາຊົນລະດັບກາງແລະສູງຢູ່ໃນຕົວເມືອງ ກັບປະຊາຊົນລະດັບຕ່ຳຢູ່ຊົນນະບົດຍັງບໍ່ທັນໄດ້ຮັບການແກ້ໄຂເທື່ອ.ທ່ານທັກສິນທີ່ໄດ້ຮັບຄວາມສະໜັບສະໜູນຈາກປະຊາຊົນຜູ້ທຸກຍາກຍ້ອນປະຕິບັດນະໂຍບາຍທີ່ໃຫ້ຜົນປະໂຫຍດແກ່ເຂົາເຈົ້າ,ເຖິງວ່າທ່ານຖືກປົດຕຳແໜ່ງແລ້ວຍ້ອນຖືກທະຫານກໍ່ລັດຖະປະຫານໃນປີ2006ກໍ່ຕາມ,ແຕ່ຍັງມີຄົນສະໜັບສະໜູນຫຼາຍຢູ່ກຸ່ມຜູ້ສະໜັບສະໜູນທ່ານທັກສິນກັບກຸ່ມບໍ່ສະໜັບສະໜູນຍັງແມ່ນຫົວຂໍ້ສຳຄັນທີ່ກ່ຽວຂ້ອງກັບຄວາມຂັດແຍ່ງດ້ານການເມືອງໄທອັນໜຶ່ງຄືເກົ່າ.
ໃນປີ2008,ໄທມີນາຍົກລັດຖະມົນຕີເຖິງ4ຄົນ,ນີ້ໄດ້ສະແດງໃຫ້ເຫັນຄວາມປັ່ນປ່ວນໃນການເມືອງໄທ.ຄົນທົ່ວໄປເປັນຫ່ວງຫຼາຍວ່າ,ເທື່ອນີ້ ຖ້າຫາກກຸ່ມເສື້ອແດງປະທ້ວງຢູ່ຕາມຖະໜົນໄລຍະຍາວ,ໄທຈະຕົກຢູ່ໃນສະຖານະການການເມືອງທີ່ປັ່ນປ່ວນຄືນໃໝ່,ແລະກອງປະຊຸມສຸດຍອດອາຊຽນທີ່ຈະຈັດຂຶ້ນຢູ່ໄທໃນວັນທີ27ເດືອນນີ້ຫາວັນທີ1ເດືອນໜ້າຈະໄດ້ຮັບຜົນກະທົບຢ່າງແນ່ນອນ.
ກໍ່ຄືກັບທີ່ທ່ານອະພິສິດເຄີຍກ່າວມາແລ້ວວ່າ,ປະຊາຊົນໄທເບື່ອໜ່າຍນຳຄວາມຂັດແຍ່ງກັນທາງດ້ານການເມືອງແລ້ວ,ຄົນສ່ວນຫຼາຍບໍ່ຢາກໃຫ້ປະເທດຕົກຢູ່ໃນສະຖານະການການເມືອງທີ່ປັ່ນປ່ວນອີກ,ສະນັ້ນອ ກຸ່ມເສື້ອແດງຈະກໍ່ການປະທ້ວງຢູ່ຕາມຖະໜົນໄລຍະຍາວໄດ້ຫຼືບໍ່,ຈຶ່ງເປັນເລື່ອງທີ່ຍັງບໍ່ແນ່ນອນເທື່ອ.
ການໂຮມຊຸມນຸມປະທ້ວງຂອງກຸ່ມເສື້ອແດງເທື່ອນີ້ໄດ້ແຈ້ງໃຫ້ຊາບລ່ວງໜ້າກ່ອນຫຼາຍມື້ແລ້ວ.ຕໍ່ເລື່ອງນີ້,ຕຳຫຼວດໄທໃຊ້ຕຳຫຼວດ5000ກວ່າຄົນມາຮັບມືກັບການປະທ້ວງ,ກອງທັບຍັງໄດ້ແຕ່ງທະຫານເຂົ້າໄປປ້ອງກັນຢູ່ໃນທຳນຽບລັດຖະບານ.ນີ້ແມ່ນການໂຮມຊຸມນຸມປະທ້ວງຂະໜາດໃຫຍ່ອີກເທື່ອໜຶ່ງພາຍຫຼັງກຸ່ມເສື້ອແດງໄດ້ເຄີຍເຕົ້າໂຮມຢູ່ທາງເຂົ້າລັດຖະສະພາເພື່ອກີດຂວາງທ່ານອະພິສິດ ເວດຊາຊີວະແລະຄະນະລັດຖະບານຊຸດໃໝ່ບໍ່ໃຫ້ຖະແຫຼງນະໂຍບາຍຕໍ່ລັດຖະສະພາໃນທ້າຍປີກາຍນີ້.ທ່ານອະພິສິດເວດຊາຊີວະ ນາຍົກລັດຖະມົນຕີໄທທີ່ພວມເຂົ້າຮ່ວມເວທີປຶກສາຫາລືເສດຖະກິດໂລກຢູ່ດາວົສແຫ່ງປະເທດສະວິສ ໄດ້ກ່າວໃນຕອນຄ່ຳວັນທີ31ມັງກອນແລ້ວນີ້ວ່າ,ທ່ານຈະພິຈາລະນາຄວາມຮຽກຮ້ອງທີ່ເໝາະສົມທີ່ກຸ່ມເສື້ອແດງສະເໜີອອກມາ,ແລະຫວັງໃຫ້ບຸກຄົນທີ່ກ່ຽວຂ້ອງເຂົ້າຮ່ວມການປະຕິຮູບດ້ານການເມືອງຂອງໄທ.
ສື່ມວນຊົນໄທເຫັນວ່າ,ການໂຮມຊຸມນຸມຂອງກຸ່ມເສື້ອແດງເທື່ອນີ້ແມ່ນການສະແດງກຳລັງອີກເທື່ອໜຶ່ງ,ພ້ອມກັນນັ້ນ ຍັງໄດ້ສະແດງໃຫ້ເຫັນວ່າ,ຄວາມຂັດແຍ່ງກັນທີ່ສຳຄັນຂອງສະຖານະການໄທຄືຄວາມຂັດແຍ່ງກັນດ້ານຜົນປະໂຫຍດລະຫວ່າງປະຊາຊົນລະດັບກາງແລະສູງຢູ່ໃນຕົວເມືອງ ກັບປະຊາຊົນລະດັບຕ່ຳຢູ່ຊົນນະບົດຍັງບໍ່ທັນໄດ້ຮັບການແກ້ໄຂເທື່ອ.ທ່ານທັກສິນທີ່ໄດ້ຮັບຄວາມສະໜັບສະໜູນຈາກປະຊາຊົນຜູ້ທຸກຍາກຍ້ອນປະຕິບັດນະໂຍບາຍທີ່ໃຫ້ຜົນປະໂຫຍດແກ່ເຂົາເຈົ້າ,ເຖິງວ່າທ່ານຖືກປົດຕຳແໜ່ງແລ້ວຍ້ອນຖືກທະຫານກໍ່ລັດຖະປະຫານໃນປີ2006ກໍ່ຕາມ,ແຕ່ຍັງມີຄົນສະໜັບສະໜູນຫຼາຍຢູ່ກຸ່ມຜູ້ສະໜັບສະໜູນທ່ານທັກສິນກັບກຸ່ມບໍ່ສະໜັບສະໜູນຍັງແມ່ນຫົວຂໍ້ສຳຄັນທີ່ກ່ຽວຂ້ອງກັບຄວາມຂັດແຍ່ງດ້ານການເມືອງໄທອັນໜຶ່ງຄືເກົ່າ.
ໃນປີ2008,ໄທມີນາຍົກລັດຖະມົນຕີເຖິງ4ຄົນ,ນີ້ໄດ້ສະແດງໃຫ້ເຫັນຄວາມປັ່ນປ່ວນໃນການເມືອງໄທ.ຄົນທົ່ວໄປເປັນຫ່ວງຫຼາຍວ່າ,ເທື່ອນີ້ ຖ້າຫາກກຸ່ມເສື້ອແດງປະທ້ວງຢູ່ຕາມຖະໜົນໄລຍະຍາວ,ໄທຈະຕົກຢູ່ໃນສະຖານະການການເມືອງທີ່ປັ່ນປ່ວນຄືນໃໝ່,ແລະກອງປະຊຸມສຸດຍອດອາຊຽນທີ່ຈະຈັດຂຶ້ນຢູ່ໄທໃນວັນທີ27ເດືອນນີ້ຫາວັນທີ1ເດືອນໜ້າຈະໄດ້ຮັບຜົນກະທົບຢ່າງແນ່ນອນ.
ກໍ່ຄືກັບທີ່ທ່ານອະພິສິດເຄີຍກ່າວມາແລ້ວວ່າ,ປະຊາຊົນໄທເບື່ອໜ່າຍນຳຄວາມຂັດແຍ່ງກັນທາງດ້ານການເມືອງແລ້ວ,ຄົນສ່ວນຫຼາຍບໍ່ຢາກໃຫ້ປະເທດຕົກຢູ່ໃນສະຖານະການການເມືອງທີ່ປັ່ນປ່ວນອີກ,ສະນັ້ນອ ກຸ່ມເສື້ອແດງຈະກໍ່ການປະທ້ວງຢູ່ຕາມຖະໜົນໄລຍະຍາວໄດ້ຫຼືບໍ່,ຈຶ່ງເປັນເລື່ອງທີ່ຍັງບໍ່ແນ່ນອນເທື່ອ.
ຂ່າວ-ບົດທີ່ກ່ຽວຂ້ອງ
ຄຳເຫັນ
