ອາຊຽນເລັ່ງລັດການເຊື່ອມໂຍງເຂົ້າເປັນອັນດຽວກັນມີຜົນດີຕໍ່ການເຮັດໃຫ້ເສດຖະກິດຫລຸດພົ້ນອອກຈາກ"ຄວາມຫນາວເຢັນ"

(GMT+08:00) 2009-03-03 15:43:22 cri
-----------------------------------------------------------------------------------------------------------------

ກອງປະຊຸມສຸດຍອດອາຊຽນຄັ້ງທີ 14 ໄດ້ອັດລົງໃນວັນທີ 1 ມີນານີ້. ນັກວິເຄາະຊີ້ອອກວ່າ,ກອງປະຊຸມສຸດຍອດເທື່ອນີ້ໄດ້ຜັນຂະຫຍາຍກົດບັດອາຊຽນຕື່ມອີກ, ເລັ່ງລັດຂະບວນວິວັດເຊື່ອມໂຍງອາຊຽນເຂົ້າເປັນອັນຫນຶ່ງອັນດຽວກັນ,ເຮັດໃຫ້ອາຊຽນເຂົ້າຢູ່ໃນແຖວຫນ້າໃນການຮ່ວມມືຢູ່ພາກພື້ນອາຊີປາຊິຟິກ,ມີຜົນດີໃຫ້ອາຊຽນຮ່ວມກັນຮັບມືກັບຜົນກະທົບຈາກວິກິດການການເງິນ.ວັນທີ 1 ມີນານີ້ ກອງປະຊຸມສຸດຍອດອາຊຽນທີ່ຈັດຂຶ້ນຢູ່ຫົວຫີນຂອງປະເທດໄທໄດ້ອັດລົງ.ນີ້ແມ່ນຜູ່ນຳອາຊຽນເຕົ້າໂຮມກັນເປັນຄັ້ງທຳອິດພາຍຫລັງກົດບັດອາຊຽນມີຜົນບັງຄັບໃຊ້ໃນເດືອນທັນວາປີ 2008 ເປັນຕົ້ນມາ, ກອງປະຊຸມສຸດຍອດເທື່ອນີ້ໄດ້ຫາລືບັນຫາສຳຄັນຕ່າງໆເຊັ່ນເຮັດແນວໃດຊຸກຍູ້ການເຊື່ອມໂຍງອາຊຽນເຂົ້າເປັນອັນຫນຶ່ງອັນດຽວກັນພາຍໃຕ້ຂອບກົດບັດອາຊຽນ,ໄດ້ກ່າວຢ້ຳວ່າຈະສ້າງປະຊາຄົມອາຊຽນທີ່ຖືຄວາມຫມັ້ນຄົງ ເສດ ຖະກິດ ວັດທະນະທຳແລະສັງຄົມເປັນເສົາຄ້ຳນັ້ນໃນປີ 2015, ແລະໄດ້ເຊັນຖະແຫລງການແຜນປະຕິບັດງານປະຊາຄົມອາຊຽນແຕ່ປີ 2009-2015,ແລະເອກະສານກ່ຽວກັບການເມືອງກັບຄວາມປອດໄພ ເສດຖະກິດ ວັດທະນະທຳແລະສັງຄົມຂອງອາຊຽນ.

ທ່ານເສີນຊື້ຊຸ້ນ ຫົວຫນ້າຫ້ອງການຄົ້ນຄວ້າອາຊີປາຊິຟິກຂອງສະຖາບັນຄົ້ນຄວ້າບັນຫາສາກົນຈີນກ່າວວ່າ, ກອງປະຊຸມສຸດຍອດເທື່ອນີ້ຫັນເປົ້າຫມາຍໃຫ້ກາຍເປັນບາດກ້າວທີ່ຜັນຂະຫຍາຍໄດ້, ໄດ້ປະຕິບັດກົດບັດອາຊຽນຕື່ມອີກ, ເລັ່ງລັດການເຊື່ອມໂຍງອາຊຽນເຂົ້າເປັນອັນຫນຶ່ງອັນດຽວກັນ,ເຮັດໃຫ້ອາຊຽນເຂົ້າສູ່ແຖວຫນ້າໃນການຮ່ວມມືຂອງພາກພື້ນອາຊີປາຊິຟິກ,ແລະມີຜົນດີຕໍ່ການຊຸກຍູ້ການເຊື່ອມໂຍງອາຊຽນເປັນອັນຫນຶ່ງອັນດຽວກັນ. ເຖິງວ່າຈີນຍີ່ປຸ່ນແລະສ.ເກົາຫລີໄດ້ກ່າວຢ້ຳເຖິງການຮ່ວມມືກໍ່ຕາມ,ແຕ່ການເຊື່ອມໂຍງອາຊີຕາເວັນອອກສຽງເຫນືອໃຫ້ເຂົ້າເປັນອັນຫນຶ່ງອັນດຽວກັນນັ້ນຊັກຊ້າຫລາຍ, ອາຊຽນກຳໂອກາດທີ່ດີຊຸກຍູ້ການເຊື່ອມໂຍງເຂົ້າເປັນອັນຫນຶ່ງອັນດຽວກັນຖືວ່າແມ່ນການກະທຳທີ່ສະຫລາດ.

ບຸກຄົນວົງການດັ່ງກ່າວຊີ້ອອກວ່າ, ຂົງເຂດແລະຂະໜາດການຮ່ວມມືລະຫວ່າງປະເທດສະມາຊິກອາຊຽນດ້ວຍກັນແລະອາຊຽນກັບປະເທດຕ່າງໆໃນພາກພື້ນອາຊີພວມເປີດກວ້າງອອກຢ່າງບໍ່ຢຸດຢັ້ງ, ວິທີຮ່ວມມືກໍນັບມື້ນັບຫຼາຍຂຶ້ນ, ລະດັບເພິ່ງພາຮ່ວມມືແລະລະດັບອາໄສເຊິ່ງກັນແລະກັນກໍຫຼາຍຂຶ້ນຢ່າງບໍ່ຢຸດຢັ້ງ, ນີ້ຈະເພີ່ມຄວາມສາມາດຮັບມືກັບການທ້າທາຍທົ່ວໂລກປະເພດຕ່າງໆຂອງພາກພື້ນແຫ່ງນີ້ຢ່າງແນ່ນອນ, ຊຸກຍູ້ຂະບວນເຊື່ອມໂຍງເຂົ້າກັນຂອງອາຊີຕາເວັນອອກເຊິ່ງເອົາອາຊຽນເປັນຕົ້ນຕໍ.

ທ່ານເສີງຊື້ຊຸ້ນກ່າວເນັ້ນວ່າ, ປັດຈຸບັນ, ຍ້ອນໄດ້ຮັບຜົນສະທ້ອນຈາກວິກິດການການເງິນ, ເສດຖະກິດໂລກຊຸດໂຊມລົງ, ໃນຖານະເປັນອົງກອນເສດຖະກິດໃໝ່ທີ່ຮ່ວມມືກັບຕ່າງປະເທດ, ອາຊຽນກໍຖືກຜົນກະທົບຄືກັນ. ການຮັບມືກັບວິກິດການການເງິນບໍ່ສາມາດອາໄສປະເທດໃດປະເທດໜຶ່ງຫຼືລັດທິປົກປ້ອງການຄ້າ, ຕ້ອງຜ່ານການເຄື່ອນໄຫວທີ່ເປັນເອກະພາບກັນຂອງອາຊຽນ, ເລັ່ງລັດພາກພື້ນເຊື່ອມໂຍງເຂົ້າກັນແລະການກໍ່ສ້າງປະຊາຄົມອາຊຽນຈິ່ງສາມາດແກ້ໄຂໄດ້. ອາຊຽນກັບອາເມລິກາມີການພົວພັນຢ່າງໃກ້ຊິດ, ການພົວພັນລະຫວ່າງອາຊຽນກັບເອີລົບກໍພວມເພີ່ມທະວີຂຶ້ນ, ແຕ່ຍ້ອນວ່າໃນຫວ່າງມໍ່ໆນີ້ອາເມລິກາແລະເອີລົບເກີດທ່າອຽງມີລັດທິປົກປ້ອງການຄ້າ, ໃນເວລານີ້ຊຸກຍູ້ຂະບວນອາຊຽນເຊື່ອມໂຍງເຂົ້າກັນ, ເນັ້ນໜັກການຄ້າຢ່າງເປີດປະຕູແລະເສລີ, ຈະມີຜົນດີຕໍ່ອາຊຽນຮ່ວມກັນຮັບມືກັບຜົນສະທ້ອນທາງລົບຂອງວິກິດການການເງິນສາກົນ.

ຂ່າວແຈ້ງວ່າ, ລະດັບການອາໄສການສົ່ງອອກຂອງເສດຖະກິດອາຊີສູງກວ່າແຫ່ງອື່ນໆຂອງໂລກ 2 ເທົ່າ. ເສດຖະກິດຂອງທົ່ວໂລກໄດ້ຕົກຢູ່ໃນສະພາບທີ່ຊຸດໂຊມລົງຢ່າງຫນັກຫນ່ວງທີ່ສຸດ ນັບແຕ່ 6 ເດືອນທ້າຍປີກາຍນີ້ເປັນຕົ້ນມາ, ນີ້ເຮັດໃຫ້ເສດຖະກິດຂອງອາຊີໄດ້ຮັບຜົນສະທ້ອນຫຼາຍຄືກັນ. ອັດຕາເຕີບໂຕຂອງເສດຖະກິດອິນໂດເນເຊຍໃນໄຕມາດແລ້ວນີ້ ຕ່ຳທີ່ສຸດໃນໄລະຍະ 2 ປີມານີ້. ເສດຖະກິດຂອງສິງກະໂປໄດ້ຊຸດໂຊມລົງຢ່າງຫນັກຫນ່ວງ ໃນ ປະຫວັດສາດ, ໄທກໍ່ຄາດວ່າຈະຕົກຢູ່ໃນສະພາບທີ່ຊຸດໂຊມລົງເປັນເທື່ອທຳອິດໃນຮອບ10 ປີ, ສ່ວນອັດຕາເຕີບໂຕຂອງເສດຖະກິດມະເລເຊຍໃນໄຕມາດແລ້ວນີ້ແມ່ນຕ່ຳທີ່ສຸດໃນຮອບ 7 ປີ. ກ່ຽວກັບເລື່ອງນີ້, ປະເທດຕ່າງໆຂອງອາຊີ ຈຶ່ງໄດ້ວາງອອກແຜນການຟື້ນຟູຄວາມຈະເລີນຂອງເສດຖະກິດທີ່ມີມູນຄ່າປະມານ 700 ຕື້ໂດລາ ເພື່ອກະຕຸ້ນລາຍຈ່າຍຂອງຜູ່ບໍລິໂພກແລະວິສາຫະກິດ. ພ້ອມກັນນັ້ນ , ທະນາຄານກາງຂອງອາຊີ ໄດ້ພາກັນຫຼຸດອັດຕາດອກເບ້ຍໃຫ້ຫນ້ອຍລົງ ເພື່ອຮັບມືກັບເສດຖະກິດທີ່ເຕີບໂຕຊ້າລົງ. ທະນາຄານກາງມະເລເຊຍໄດ້ຫຼຸດອັດຕາດອກເບ້ຍລົງຮອດ 2% ເປັນເທື່ອທີ 3 ຢ່າງລຽນຕິດ.

ຜູ່ນຳປະເທດຕ່າງໆຂອງອາຊຽນ ໄດ້ໃຫ້ຄຳຫມັ້ນສັນຍາວ່າຈະເຮັດໃຫ້ສິ່ງກີດຂວາງດ້ານການຄ້າຕ່າງໆຫຼຸດລົງ, ເປີດກວ້າງຂະແຫນງການບໍລິການຕື່ມອີກ, ຍ້ອນເສດຖະກິດຂອງທົ່ວໂລກຊຸດໂຊມລົງ, ຈຶ່ງເຮັດໃຫ້ຄວາມຕ້ອງການສິນຄ້າທີ່ສົ່ງອອກ ຫຼຸດຫນ້ອຍລົງ, ລັດທິປົກປ້ອງການຄ້າໄດ້ຟື້ນຊີບຄືນມາອີກ. ຢູ່ໄທ, 10 ປະເທດສະມາຊິກຂອງອາຊຽນ ໄດ້ອອກຖະແຫຼງການຫຼັງກອງປະຊຸມສຸດຍອດສິ້ ໂດຍກ່າວວ່າ, ຜູ່ນຳປະເທດຕ່າງໆຂອງອາຊຽນ ກ່າວຢ້ຳຄວາມຕັດສິນໃຈທີ່ຮັບປະກັນໃຫ້ສິນຄ້າ ການບໍລິການແລະການລົງທຶນຈໍລະຈອນຢ່າງເສລີ. ພວກທ່ານເຫັນດີຮ່ວມກັນຄັດຄ້ານລັດທິປົກປ້ອງການຄ້າຢ່າງເດັດດ່ຽວ, ເພື່ອຈຳກັດການນຳເອົາສິ່ງກີດຂວາງການຄ້າມາໃຊ້ຄືນໃຫມ່.

ຂ່າວ-ບົດທີ່ກ່ຽວຂ້ອງ

ຄຳເຫັນ