ຜູ້ຖືກສົງໄສຕ້ອງໂທດສັງຫານໂຫດມາຈິນດານາວຂອງຟິລິບປິນຜູ້ໜຶ່ງໂຕນຄຸກ
(GMT+08:00) 2010-02-18 17:34:43 cri
ຕາມຂ່າວສານຊິນຮວາ, ວັນທີ17ກຸມພານີ້, ຝ່າຍຕຳຫຼວດຟິລິບປິນກ່າວວ່າ, ອະດີດເຈົ້າໜ້າທີ່ຕຳຫຼວດທີ່ຖືກກັກຂັງຢູ່ແຂວງຊຸນຕັນກູດາຣັດ ພາກໃຕ້ຟີລິບປິນຍ້ອນຖືກສົງໄສເຂົ້າຮ່ວມຄະດີສັງຫານໂຫດດ້ານການເມືອງຢູ່ແຂວງມາຈິນດານາວໃນເດືອນພະຈິກປີກາຍນີ້ໄດ້ໜີອອກຈາກຄຸກໃນຕອນຂ້ອນແຈ້ງມື້ດຽວກັນ.
ໂຄສົກຕຳຫຼວດຟີລິບປິນກ່າວວ່າ, ຕອນຂ້ອນແຈ້ງມື້ດຽວກັນ, ທ້າວປີອາງ ອາດາມ ອະດີດເຈົ້າໜ້າທີ່ຕຳຫຼວດຂັ້ນສູງທີ່ເຄີຍເປັນຫົວໜ້າຕຳຫຼວດແຂວງມາຈິນດານາວໄດ້ທຳລາຍກະແຈຄຸກແລ້ວໂຕນໜີອອກໄປ, ແຕ່ເມື່ອຮອດເວລາ10ໂມງ, ພະນັກງານຄຸ້ມຄອງຄຸກຈິ່ງຮູ້ວ່າລາວໂຕນໜີອອກໄປແລ້ວ. ປະຈຸບັນ, ຕຳຫຼວດແຂວງຊຸນຕັນ ກູດາຣັດ ພວມສຳຫຼວດເຫດການໂຕນຄຸກແລະຊອກຈັບທ້າວອາດາມ.
ໂຄສົກຝ່າຍຕຳຫຼວດຟີລິບປິນກ່າວວ່າ, ຖ້າພົບເຫັນວ່າພະນັກງານຄຸ້ມຄອງຄຸກກ່ຽວພັນເຖິງເຫດການນີ້, ເຂົາເຈົ້າຈະຖືກລົງໂທດຢ່າງເຂັ້ມງວດ.
