ຕາມຂ່າວCRI: ຫວ່າງກ່ອນນີ້ບໍ່ດົນ, ນັກເສດຖະສາດມຽນມາຄາດຄະເນວ່າ, ການຄ້າລະຫວ່າງຈີນ ກັບ ອາຊຽນປີນີ້ຈະບັນລຸຮອດ 200 ຕື້ໂດລາ.
ວາລະສານ"ນີວສ໌"ລາຍສັບປະດາຂອງມຽນມາລາຍງານວ່າ, ທ່ານຄິມມັອງນຽວ ນັກເສດຖະສາດມຽນມາກ່າວວ່າ, ໄທ,ຈີນ,ຟິລິບບິນ,ມະເລເຊຍ,ບຼູໄນ ແລະ ອິນໂດເນເຊຍໄດ້ຫຼຸດພາສີຕໍ່ສິນຄ້າທັງໝົດແລ້ວ, ປະຕິບັດລາຄາພິເສດ, ເຮັດໃຫ້ຜູ່ບໍລິໂພກໄດ້ຮັບສິດບໍລິໂພກພິເສດ. ການຄ້າລະຫວ່າງອາຊຽນ ກັບ ຈີນຈະຍົກສູງຂຶ້ນຢ່າງວ່ອງໄວ. ສຳລັບປະເທດອາຊຽນ,ປະເທດຈີນແມ່ນຕະຫຼາດສົ່ງອອກທີ່ໃຫຍ່ຫຼວງ.
ຂໍ້ມູນສະແດງໃຫ້ເຫັນວ່າ, ປີ2008 ຍອດປະລິມານການຄ້າຂາເຂົ້າຂາອອກຂອງປະເທດອາຊຽນ 11% ແມ່ນຄ້າກັບຈີນ. ປີ2009,GDP ຂອງເຂດການຄ້າເສລີຈີນ-ອາຊຽນແມ່ນ 6600 ຕື້ໂດລາ, ຍອດປະລິນາມການຄ້າຕໍ່ຕ່າງປະເທດແມ່ນ 4300 ຕື້ໂດລາ.
