ຈັກຜະລິດໄຟຟ້າໜ່ວຍທຳອິດຂອງເຂື່ອນເລວາມຽນມາທີ່ຈີນຮັບຜິດຊອບການກໍ່ສ້າງເລີ່ມຜະລິດໄຟຟ້າແລ້ວ
(GMT+08:00) 2010-02-22 16:46:31 cri
ຕາມຂ່າວ CRI: ຕອນບ່າຍວັນທີ 21 ກຸມພານີ້, ຈັກຜະລິດໄຟຟ້າໜ່ວຍທຳອິດຂອງເຂື່ອນເລວາມຽນມາທີ່ຈີນຮັບຜິດຊອບການກໍ່ສ້າງໄດ້ສຳເລັດການທົດລອງການໝູນເດີນເປັນເວລາ 72 ຊົ່ວໂມງ. ໃນໄລຍະທົດລອງ, ເຄື່ອງຈັກໝູນເດີນໄດ້ດີ, ຜະລິດໄຟຟ້າໄດ້ 1115 ກິໂລວັດໂມງ. ການສຳເລັດການທົດລອງຄັ້ງນີ້, ສະແດງໃຫ້ເຫັນວ່າ, ເຄື່ອງຈັກໜ່ວຍທໍາອິດຂອງໂຄງການເຂື່ອນເລວາໄດ້ເຂົ້າສູ່ການເຮັດວຍກຢ່າງເປັນທາງການແລ້ວ.
ມື້ດຽວກັນ, ພົນເອກເທນເສນ, ນາຍົກລັດຖະມົນຕີມຽນມາໄດ້ໄປສໍາຫຼວດການໃຊ້ເຄື່ອງຈັກ, ລັດຖະມົນຕີວ່າການກະຊວງໄຟຟ້າມຽນມາກໍ່ສົ່ງຈົດໝາຍໄປສະແດງຄວາມອວຍພອນແລະຂອບໃຈ, ເຈົ້າຂອງໂຄງການແລະຝ່າຍທີ່ປຶກສາກໍ່ໄດ້ຍ້ອງຍໍຄວາມອົດທົນພະຍາຍາມຢ່າງບໍ່ລົດລະຂອງຈີນໃນລະດັບສູງ.
ປະລິມານກຳລັງຕິດຕັ້ງເຄື່ອງຈັກຜະລິດໄຟຟ້າຂອງເຂື່ອນເລວາແມ່ນ 7 ແສນ 9 ໝື່ນກິໂລວັດ, ແມ່ນເຂື່ອນໄຟຟ້ານ້ຳຕົກທີ່ມີກຳລັງຕິດຕັ້ງເຄື່ອງຈັກຜະລິດໄຟຟ້າໃຫຍ່ທີ່ສຸດຂອງມຽນມາໃນປະຈຸບັນ. ການສ້າງໂຄງການດັ່ງກ່າວຢ່າງສຳເລັດຜົນຈະຫຼຸດຜ່ອນສະພາບການຂາດເຂີນໄຟຟ້າຢ່າງໜັກໜ່ວງຂອງມຽນມາຢ່າງຫຼວງຫຼາຍ, ມີປະສິດທິຜົນທາງສັງຄົມແລະຄວາມໝາຍການເມືອງອັນສຳຄັນ.
