ສະຫະປະຊາຊາດຈັດກອງປະຊຸມຄັ້ງວິສາມັນ ຫາລືການຄຸ້ມຄອງເຄື່ອງເຄມີແລະເຄື່ອງເສດເຫຼືອທີ່ອັນຕະລາຍ
(GMT+08:00) 2010-02-22 18:17:04 cri
ຕາມຂ່າວ CRI: ວັນທີ 22 ກຸມພານີ້, ກອງປະຊຸມຄັ້ງວິສາມັນຂອງຝ່າຍເຊັນສັນຍາບາເຊວ, ໂຣເທີດາມແລະສໂທໂຄມທີ່ຈັດໂດຍສຳນັກງານສະຫະປະຊາຊາດກ່ຽວກັບການວາງແຜນສິ່ງແວດລ້ອມຫຼື UNEP ໄດ້ຈັດຂຶ້ນຢູ່ເກາະບາລີຂອງອິນໂດເນເຊຍ, ກອງປະຊຸມມີຈຸດປະສົງເພື່ອຫາລືການຄຸ້ມຄອງເຄື່ອງເຄມີແລະເຄື່ອງເສດເຫຼືອທີ່ອັນຕະລາຍແລະບັນຫາສິ່ງແວດລ້ອມອື່ນໆ.
ກອງປະຊຸມທີ່ດຳເນີນເປັນເວລາ 6 ວັນດັ່ງກ່າວນີ້ແມ່ນເວທີປຶກສາຫາລືສິ່ງແວດລ້ອທີ່ຂະໜາດໃຫຍ່ທີ່ສຸດໃນທົ່ວໂລກເຂົ້າຮ່ວມຫຼັງຈາກກອງປະຊຸມສິ່ງແວດລ້ອມໂກແປັນຮາກສະຫະປະຊາຊາດ. ກະຊວງອະນຸລັກສິ່ງແວດລ້ອມຈີນກໍ່ໄດ້ສົ່ງຜູ້ແທນໄປຮ່ວມປະຊຸມ. ຫົວຂໍ້ຂອງກອງປະຊຸມລວມທັງ: ການຄຸ້ມຄອງທີ່ບັງເກີດຜົນຕໍ່ເຄື່ອງເຄມີແລະເຄື່ອງເສດເຫຼືອທີ່ອັນຕະລາຍຂ້າມຊາດ, ສິ່ງທ້າທາຍແລະວິທີແກ້ໄຂທີ່ຄວາມຫຼາກຫຼາຍຂອງຊີວະຊາດປະເຊີນໜ້າ, ບັນຫາການປ່ຽນແປງຂອງດິນຟ້າອາກາດໃນປີ 2010, ບັນຫາຄຸນນະພາບນ້ຳແລະຊັບພະຍາກອນນ້ຳແລະບັນຫາເສດຖະກິດສີຂຽວເປັນຕົ້ນ.
