ລັດຖະບານລາວປະດັບຫລຽນໄຊມິດຕະພາບໃຫ້ແກ່ທູດຈີນ
(GMT+08:00) 2010-02-25 16:56:39 cri
ລັດຖະບານລາວໄດ້ປະດັບຫລຽນໄຊມິດຕະພາບໃຫ້ແກ່ທ່ານ Pan Quanxue, ເອກອັກຄະລັດຖະທູດຈີນປະຈຳລາວຕໍ່ຜົນງານຂອງທ່ານໃນນາມເປັນຫົວໜ້ານັກການທູດຂອງຈີນປະຈຳລາວ.
ຕ່າງໜ້າໃຫ້ລັດຖະບານລາວປະດັບຫລຽນໄຊມິດຕະພາບໃຫ້ແກ່ທ່ານທູດຈີນປະຈຳລາວ ແມ່ນ ດຣ. ທອງລຸນ ສີສຸລິດ, ຮອງນາຍົກລັດຖະມຸນຕີ, ລັດຖະມຸນຕີວ່າການກະຊວງການຕ່າງປະເທດ.
ພິທີປະດັບຫລຽນໄດ້ຈັດຂຶ້ນມື້ວານນີ້ທີ່ກະຊວງການຕ່າງປະເທດນະຄອນຫລວງວຽງຈັນ. ໃນພິທີ, ດຣ. ທອງລຸນ ສີສຸລິດ ໄດ້ສະແດງຄວາມຊົມເຊີຍທ່ານ Pan Quangxue ຕໍ່ການສົ່ງເສີມການພົວພັນມິດຕະພາບ ແລະ ການເປັນຄູ່ຮ່ວມຍຸດທະສາດຢ່າງແຂງແຮງລະຫວ່າງລາວ ແລະ ຈີນ.
ທ່ານ Pan Quangxue ໄດ້ລົງຕຳແໜ່ງເປັນເອກອັກຄະລັດຖະທູດສາທາລະນະລັດປະຊາຊົນຈີນປະຈຳລາວມາແຕ່ວັນທີ 28 ເດືອນມີນາ ປີ2007. ໃນການປະຕິບັດໜ້າທີການທູດຢູ່ ສປປ ລ!ວໄລຍະ 3 ປີຜ່ານມາມ ທ່ານ Pan Quangxue ໄດ້ເຄື່ອນໄຫວຢ່າງຫ້າວຫັນໃນຫລາຍກິດຈະກຳໃນການເພີ່ມທະວີການພົວພັນມິດຕະພາບ ແລະ ການຮ່ວມມືຢ່າງໃກ້ຊິດ ລະຫວ່າງ ຈີນ ແລະ ລາວ, ໂດຍສະເພາະໃນວຽກງານການລົງທຶນ, ການຄ້າ, ການສຶກສາ ແລະ ການເມືອງ.
ຈີນ ແລະ ລາວເປັນປະເທດເພື່ອນມິດທີ່ເຊື່ອມຕໍ່ກັນທັງສາບພູແລະ ສາຍນ້ຳ. ປະຊາຊົນຂອງສອງປະເທດຢູ່ຮ່ວມກັນໃນສັນຕິພາບແລະ ຄວາມກົມກຽວກັນມາແຕ່ບູຮານນະການ. ໃນວັນທີ 25 ເດືອາເມສາ 1961 ຈີນ ແລະ ລາວໄດ້ສ້າງຕັ້ງສາຍພົວພັນການທູດ,ໄດ້ຮັກສາການພົວພັນບ້ານໃກ້ເຮືອນຄຽງທີ່ມີມິດຕະພາບນຳກັນຈົນມາເຖິງປະຈຸບັນ.
