ຕາມຂ່າວຈາກເວັບໄຊ້ປະຊາຊົນຂອງຈີນ: ວັນທີ 25 ກຸມພານີ້, ພິທີເຊັນສັນຍາໂຄງການສ້າງກໍ່ດາວທຽມລະບົບວິທະຍຸໂທລະພາບແລະໂທລະຄົມມະນາຄົມລາວ" ທີ່ເຊັນໂດຍບໍລິສັດດາວທຽມໂທລະຄົມອາຊີປາຊິຟິກຈີນຈຳກັດທີ່ຂຶ້ນກັບກຸ່ມວິທະຍາສາດເຕັກນິກການບິນອາວະກາດຈີນ, ບໍລິສັດໃຫຍ່ອຸດສາຫະກຳຊາງເຊິງຈີນກັບກົມວິທະຍາສາດແລະເຕັກນິກສຳນັກງານນາຍົກລັດຖະມົນຕີລາວໄດ້ຈັດຂຶ້ນຢູ່ນະຄອນຫຼວງວຽງຈັນ. ການເຊັນສັນຍາດັ່ງກ່າວເປັນຂີດໝາຍສະແດງໃຫ້ເຫັນວ່າ, ອຸດສາຫະກຳປະຍຸກໃຊ້ແລະການບໍລິການດ້ານເຕັກນິກການບິນອະວະກາດທີ່ຖືການບໍລິການການຄ້າດາວທຽມເປັນຫຼັກຂອງກຸ່ມວິທະຍາສາດເຕັກນິກການບິນອະວະກາດຈີນໄດ້ກ້າວເຂົ້າສູ່ຕະຫຼາດສາກົນຢ່າງເປັນທາງການ.
ສັນຍາດັ່ງກ່າວແມ່ນເນື້ອໃນສຳຄັນທີ່ໄດ້ຮັບການປະຕິບັດຕາມ "ບົດບັນທຶກຄວາມເຂົ້າໃຈໂຄງການກໍ່ສ້າງແລະທຸລະກິດດາວທຽມລະບົບວິທະຍຸໂທລະພາບແລະໂທລະຄົມມະນາຄົມລາວ". ນີ້ແມ່ນຈີນດຳເນີນການທຸລະກິດການບິນອະວະກາດຂາອອກຢູ່ອາຊຽນເປັນເທື່ອທຳອິດ, ແລະຈະສ້າງເປັນຮູບແບບບໍລິການຄົບວົງຈອນທີ່ປະກອບດ້ວຍ 3 ພາກສ່ວນ ຄື ການຍິງສົ່ງດາວທຽມ, ການມອບດາວທຽມໃນວົງໂຄຈອນແລະການບັນຊາຢູ່ໜ້າດິນ.
