ຕາມຂ່າວສານຊິນຮວາ: ວັນທີ 2 ມີນານີ້, ສະຖາບັນຄົ້ນຄວ້າພູໄຟ ແລະ ແຜ່ນດິນໄຫວຂອງຟິລິບບິນແຈ້ງໃຫ້ຊາບວ່າ, ເຂດທະເລພາກຕາເວັນອອກສຽງເໜືອເກາະລູຊອນຂອງຟິລິບບິນໄດ້ເກີດໄຟແຜ່ນດິນໄຫວຂັ້ນ 6,1 ລິກເທີໃນເວລາ 10 ໂມງ 51 ນາວີ ວັນທີ 2 ມີນາ ຕາມເວລາທ້ອງຖິ່ນ.
ເວັບໄຊສະຖາບັນຄົ້ນຄວ້າພູໄຟ ແລະ ແຜ່ນດິນໄຫວຂອງຟິລິບບິນລາຍງານວ່າ, ແຜ່ນດິນໄຫວເທື່ອນີ້ແມ່ນແຜ່ນດິນໄຫວແຫຼ່ງຕື້ນ,ຈຸດສູນກາງຂອງແຜ່ນດິນໄຫວຢູ່ຫ່າງຈາກທູກີວກາຣາວ ເມືອງເອກຂອງແຂວງຄາກາຢານ ພາກເໜືອຟິລິບບິນປະມານ 130 ລິໂລແມັດ. ປັດຈຸບັນ,ຍັງບໍ່ມີລາຍງານກ່ຽວກັບ ຄວາມເສຍຫາຍເທື່ອ.
ສະຖານີວິທະຍຸຟິລິບບິນລາຍງານວ່າ, ໃນເວລາເກີດແຜ່ນດິນໄຫວ, ນາງກຼໍເຣຍ ມາກາຟາການ ອາໂລໂຢ ປະທານາທິບໍດີຟິລິບບິນພວມກ່າວປາຖະກະຖາກ່ຽວກັບເສດຖະກິດກະສິກຳຢູ່ເມືອງທູກີວກາຣາວ. ຂ່າວແຈ້ງວ່າ, ໃນເວລາແຜ່ນດິນໄຫວເກີດຂຶ້ນ,ນາງຈຳເປັນຕ້ອງຢຸດກ່າວປາຖະກະຖາ.
