ລັດຖະບານຟີລິບປິນຈະສືບຕໍ່ເຈລະຈາກັບກຸ່ມຕ້ານລັດຖະບານ
(GMT+08:00) 2010-03-05 19:02:01 cri
ຕາມຂ່າວສານຊິນຮວາ,ວັນທີ4ມີນານີ້,ຢູ່ນະຄອນຫຼວງກົວລາລຳເປີຂອງມະເລເຊຍຜູ່ຕາງໜ້າລັດຖະບານຟີລິບປິນເມື່ອໄດ້ເຈລະຈາກັບຜູ່ຕາງໜ້າຂອງແນວໂຮມປົດປ່ອຍອິສຣາມໂມໂລທີ່ເປັນກຸ່ມປະກອບອາວຸດຕ້ານລັດຖະບານເຈລະຈາສັນຕິພາບເປັນເວລາ1ວັນແລ້ວກ່າວວ່າ,ລັດຖະບານຟີລິບປິນຮູ້ສຶກເພິ່ງພໍໃຈຕໍ່ຄວາມຄືບໜ້າຂອງການເຈລະຈາສັນຕິພາບ,ສອງຝ່າຍຈະສືບຕໍ່ເຈລະຈາກັນຢູ່ກົວລາລຳເປີໃນເດືອນນີ້.
ພາຍຫຼັງການເຈລະຈາສິ້ນສຸດລົງໃນຕອນບ່າຍວັນທີ4ມີນານີ້,ທ່ານລາເຟວ ເຊກິວສຜູ່ຕາງໜ້າລັດຖະvບານຟີລິບປິນທີ່ເຂົ້າຮ່ວມການເຈລະຈາໄດ້ນຳພາຄະນະ ຜູ່ແທນເຈລະຈາອອກຈາກທີ່ປະຊຸມສ່ວນຄະນະຜູ່ແທນຂອງກຸ່ມແນວໂຮມປົດປ່ອຍອິສຣາມໂມໂລສືບຕໍ່vດຳເນີນການປຶກສາຫາລືເປັນເວລາຍາວນານກັບເຈົ້າໜ້າທີ່ໄກ່ເກ່ຍແລະອົງການຈັດຕັ້ງທີ່ບໍ່ແມ່ນລັດຖະບານຢູ່ທີ່ປະຊຸມ.
ທ່ານເຊກີວສກ່າວວ່າ,ຄວາມຄືບໜ້າການເຈລະຈາສັນຕິພາບເປັນໜ້າເພິ່ງພໍໃຈຫຼາຍກຸ່ມແນວໂຮມປົດປ່ອຍອິສຣາມໂມໂລໄດ້ຕື່ມເນື້ອໃນຈຳນວນໜຶ່ງເຂົ້າໃນຂໍ້ສະເໜີເດີມທ່ານຈະນຳvເອົາຂໍ້ສະເໜີເຫຼົ່ານີ້ກັບຄືນປະເທດເພື່ອປຶກສາຫາລືກັບລັດຖະບານ.
