7 ປະເທດອາຊີໃຕ້ແລະອາຊີອາຄະເນຕົກລົງສ້າງສູນພະລັງງານຂອງພາກພື້ນຢູ່ອິນເດຍ
(GMT+08:00) 2010-03-06 16:53:44 cri
ຕາມຂ່າວສານຊິ່ນຮວາ: ວັນທີ 5 ມີນານີ້, ລັດຖະມົນຕີຫຼືຜູ້ຕາງໜ້າກະຊວງພະລັງງານ 7 ປະເທດອາຊີໃຕ້ແລະອາຊີອາຄະເນຕົກລົງສ້າງສູນພະລັງງານຂອງພາກພື້ນຢູ່ອິນເດຍ, ເພື່ອຊຸກຍູ້ການເຊື່ອມໂຍງຕາໜ່າງພະລັງງານແລະການສ້າງພື້ນຖານໂຄງລ່າງດ້ານພະລັງງານໃນພາກພື້ນ, ເພື່ອຍົກສູງປະສິດທິພາບການນຳໃຊ້ພະລັງງານຕື່ມອີກ.
ວັນທີ 5 ມີນານີ້, ກອງປະຊຸມເທື່ອທີ 2 ຂອງລັດຖະມົນຕີພະລັງງານຂອງປະເທດສະມາຊິກກົນໄກຮ່ວມມືເສດຖະກິດເຕັກນິກຫຼາຍລະດັບຂອງອ່າວບັງກຼາເດັດຈັດຂຶ້ນຢູ່ບາງກອກ.
ໃນກອງປະຊຸມຂ່າວທີ່ຈັດຂຶ້ນຫຼັງກອງປະຊຸມດັ່ງກ່າວ, ທ່ານວັນນະຣັດ ຊານນຸກຸນ, ລັດຖະມົນຕີວ່າການກະຊວງພະລັງງານໄທກ່າວວ່າ, ກອງປະຊຸມເທື່ອນີ້ໄດ້ຕົກລົງສ້າງສູນພະລັງງານຢູ່ອິນເດຍ, ເພື່ອສະໜອງການບໍລິການໃນດ້ານຕ່າງໆໃຫ້ປະເທດສະມາຊິກ, ເຊັ່ນ: ການເຊື່ອມໂຍງຕາໜ່າງພະລັງງານ, ການສ້າງສາພື້ນຖານໂຄງລ່າງ, ການຍົກສູງປະສິດທິພາບການນຳໃຊ້ພະລັງງານ, ການລົງທຶນຕໍ່ຂົງເຂດພະລັງງານ, ການສ້າງພື້ນຖານໂຄງລ່າງພະລັງງານ, ການສ້າງຄວາມສາມາດຂອງຊັບພະຍາກອນມະນຸດແລະການໂອນເຕັກນິກເປັນຕົ້ນ.
