ຕາມຂ່າວ CRI: ຕອນຄ່ຳວັນທີ 7 ມີນານີ້, ລັດຖະບານໄທຈັດພິທີຢູ່ທຳນຽບລັດຖະບານ, ສະຫຼອງພະເທບລັດຕະນະລາຊະສຸດາທີ່ໄດ້ຮັບການຄັດເລືອກໃຫ້ເປັນເພື່ອນມິດສາກົນຂອງຈີນ 10 ທ່ານ.
ໃນເວລາທ່ານອະພິສິດ ເວດຊະຊີວະ, ນາຍົກລັດຖະມົນຕີໄທກ່າວຄຳປາໄສໃນພິທີສະເຫຼີມສະຫຼອງດັ່ງກ່າວ, ກ່ອນອື່ນ, ທ່ານສະແດງຄວາມອວຍພອນຕໍ່ພະເທບທີ່ໄດ້ຮັບການຄັດເລືອກເປັນເພື່ອນມິດສາກົນຈີນ 10 ທ່ານ. ທ່ານກ່າວວ່າ, ໃນເວລາ 20 ກວ່າປີ, ພະເທບລັດຕະນະລາຊະສຸດາໄດ້ໄປຢ້ຽມຢາມຈີນ 30 ເທື່ອ, ແລະຍຶດໝັ້ນຮຽນພາສາຈີນແລະວັດທະນະທຳຈີນ, ບໍ່ພຽງແຕ່ສາມາດສື່ສານດ້ວຍພາສາຈີນຢ່າງຫຼ່ຽນໄຫຼ, ຍັງເຄີຍແປກາບກອນແລະວັນນະຄະດີຈີນເປັນພາສາໄທອີກ, ໄດ້ປະກອບສ່ວນຢ່າງພົ້ນເດັ່ນເຂົ້າໃນການແລກປ່ຽນວັດທະນະທຳລະຫວ່າງຈີນກັບໄທ, ແມ່ນທູດມິດຕະພາບທີ່ຊຸກຍູ້ໃຫ້ການພົວພັນລະຫວ່າງຈີນກັບໄທຂະຫຍາຍຕົວຢ່າງບໍ່ຢຸດຢັ້ງ.
1 2 
