ອາຊຽນຈະຂຸ້ນຂ້ຽວຂົນສົ່ງເຄື່ອງຊ່ອຍເຫຼືອປະຊາຊົນມຽນມາທີ່ປະສົບໄພລົມພາຍຸ
(GMT+08:00) 2010-03-08 17:06:53 cri
ຕາມຂ່າວ CRI: ວັນທີ 7 ມີນານີ້, ທ່ານສຸລິນ ພິດຊຸວັນ, ເລຂາທິການໃຫຍ່ອາຊຽນກ່າວວ່າ, ອາຊຽນຈະຂຸ້ນຂ້ຽວຂົນສົ່ງວັດຖຸ, ເພື່ອສຳເລັດວຽກງານຊ່ວຍເຫຼືອດ້ານມະນຸດສະທຳຕໍ່ໄພລົມພາຍຸຂອງມຽນມາ, ແລະມອບໜ້າທີ່ສ້າງສາຄືນໃໝ່ຫຼັງໄພໃຫ້ລັດຖະບານມຽນມາ.
ມື້ດຽວກັນ, ກອງປະຊຸມໜ່ວຍງານມະນຸດສະທຳອາຊຽນເທື່ອທີ 7 ຈັດຂຶ້ນຢູ່ຮ່າໂນ້ຍ ນະຄອນຫຼວງຫວຽດນາມ. ໃນເວລາກ່າວຄຳປາໄສໃນພິທີໄຂປະຊຸມ, ທ່ານສຸລິນກ່າວວ່າ, ເຖິງວ່າໜ່ວຍງານມະນຸດສະທຳອາຊຽນຈະສິ້ນສຸດວຽກງານຢູ່ມຽນມາໃນເດືອນກໍລະກົດປີນີ້, ແຕ່ເວົ້າສຳລັບປະຊາຊົນທີ່ປະສົບໄພລົມພາຍຸແລ້ວ, ວຽກງານສ້າງສາຄືນໃໝ່ຍັງຕ້ອງດຳເນີນເປັນເວລາຫຼາຍປີ.
ເດືອນພຶດສະພາປີ 2008, ມຽນມາໄດ້ປະສົບໄພລົມພາຍຸນາກິດ, ປະຊາຊົນເສຍຊີວິດແລະຫາຍສາບສູນຫຼາຍກວ່າ 1 ແສນ 3 ໝື່ນຄົນ, ແລະໄດ້ຮັບຜົນກະທົບຢ່າງໜັກໜ່ວງອີກ 2 ລ້ານ 4 ແສນກວ່າຄົນ.
