ຫວຽດນາມໄດ້ເຊັນສັນຍາສົ່ງອອກກາເຟ5ແສນໂຕນໃນ2ເດືອນຕົ້ນປີນີ້
(GMT+08:00) 2010-03-08 18:48:15 cri
ຕາມຂ່າວສານຊິນຫວາ: ຕາມສະຖິຕິຫຼ້າສຸດຈາກກົມປູກຝັງກະຊວງພັດທະນາກະສິກຳແລະຊົນນະບົດຫວຽດນາມວ່າ,ໃນ2ເດືອນຕົ້ນປີນີ້, ວິສາຫະກິດສົ່ງອອກກາເຟຕ່າງໆຂອງຫວຽດນາມໄດ້ເຊັນສັນຍາສົ່ງອອກກາເຟ5ແສນໂຕນ, ນັບມາຮອດປະຈຸບັນນີ້ໄດ້ສົ່ງອອກ2ແສນໂຕນແລ້ວ.
ປີນີ້,ລາຄາກາເຟຂອງຫວຽດນາມທີ່ສົ່ງອອກໄດ້ຫຼຸດລົງ15%ຫາ25%ເມື່ອທຽບໃສ່ໄລຍະດຽວກັນຂອງປີກາຍນີ້,ແຕ່ປະຈຸບັນ, ກາເຟໃນສາງຂອງຊາວປູກກາເຟຫວຽດນາມຍັງມີ5ແສນຫາ6ແສນໂຕນ(ລວມທັງກາເຟໃນສາງປີກາຍ),ສະນັ້ນ,ສະມາຄົມກາເຟກົກກ້ອກຫວຽດນາມແລະບໍລິສັດກາເຟຫວຽດນາມສະເໜີລັດຖະບານໃຫ້ລັດຊື້ກາເຟ2ແສນໂຕນເພື່ອຫຼີກເວັ້ນລາຄາກາເຟສືບຕໍ່ຕໍ່າລົງ.
