ກຳປັ່ນຮົບຂອງສິງກະໂປຢ້ຽມຢາມນະຄອນຊຽງໄຮ
(GMT+08:00) 2010-03-09 10:57:07 cri
ຕາມຂ່າວຈາກຂ່າວສານຈີນ:ວັນທີ 8 ມີນານີ້,ກຳປັ່ນຮົບຍົກພົນຂຶ້ນບົກທີ່ມີລົດຕັງຂອງກອງທັບເຮືອສິງກະໂປຊື່ວ່າ ຈ່ຽນຊື ໄດ້ເດີນທາງໄປຮອດທ່າກຳປັ່ນກອງທັບເຮືອຈີນຢູ່ນະຄອນຊຽງໄຮ,ເລີ່ມຢ້ຽມຢາມຊຽງໄຮເປັນເວລາ 5 ວັນ.
ຂ່າວແຈ້ງວ່ານາຍແລະພົນທະຫານສິງກະໂປໃນກຳປັ່ນດັ່ງກ່າວມີ 170 ກວ່າຄົນ.ໃນໄລຍະຢ້ຽມຢາມ, ທະຫານຈີນແລະສິງກະໂປຈະພົບປະແລກປ່ຽນກັນ,ແລະຍັງຈະໄປຊົມເຂດສວນງານວາງສະແດງໂລກຊຽງໄຮ.
ກຳປັ່ນຍົກພົນຂຶ້ນບົກ"ຈ່ຽນຊື"ຂອງກອງທັບເຮືອສິງກະໂປເລີ່ມເຂົ້າປະຈຳການມາແຕ່ປີ 1999, ເດືອນເມສາປີ 2009,ເຄີຍເຂົ້າຮ່ວມການຕໍ່ຕ້ານໂຈນສະຫລັດຢູ່ອ່າວອາເຕັນ.
