ມຽນມາປະກາດ "ກົດໝາຍວ່າດ້ວຍຄະນະກຳມະການເລືອກຕັ້ງຂອງສະຫະພາບ"
(GMT+08:00) 2010-03-09 16:51:29 cri
ຕາມຂ່າວສານຊິ່ນຮວາ: ວັນທີ 9 ມີນານີ້, ໜັງສືພິມທາງການຂອງມຽນມາໄດ້ພິມ "ກົດໝາຍວ່າດ້ວຍຄະນະກຳມະການເລືອກຕັ້ງຂອງສະຫະພາບ" ທີ່ຄະນະກຳມະການສັນຕິພາບແລະພັດທະນາແຫ່ງລັດມຽນມາປະກາດໃຊ້.
ຄະນະກຳມະການເລືອກຕັ້ງຂອງສະຫະພາບທີ່ສ້າງຂຶ້ນໂດຍອີງຕາມກົດໝາຍສະບັບນີ້, ຈະຮັບຜິດຊອບຈັດຕັ້ງຄະນະກຳມະການເລືອກຕັ້ງຂັ້ນຕ່າງໆ, ຈັດການເລືອກຕັ້ງທົ່ວໄປໃນທົ່ວປະເທດ. ຄະນະກຳມະການນີ້ຍັງມີສິດປະກາດຂໍ້ກຳນົດ, ກົດລະບຽບແລະຄຳສັ່ງກ່ຽວກັບການເລືອກຕັ້ງທົ່ວໄປແລະການຂຶ້ນທະບຽນຂອງພັກການເມືອງ. ກົດໝາຍດັ່ງກ່າວກຳນົດວ່າ, ປະທານແລະສະມາຊິກຂອງຄະນະກຳມະການເລືອກຕັ້ງຂອງສະຫະພາບຢ່າງໜ້ອຍປະກອບດ້ວຍ 5 ທ່ານທີ່ແມ່ນບຸກຄົນທີ່ບໍ່ສັງກັດ, ແລະຕ້ອງແມ່ນບຸກຄົນທີ່ບໍລິສຸດສັດຊື່ສຽງທີ່ສື່ສັດຕໍ່ລັດແລະປະຊາຊົນ, ແລະໄດ້ຮັບການຮັບຮອງຈາກຄະນະກຳມະການສັນຕິພາບແລະພັດທະນາແຫ່ງລັດ.
ຫວ່າງກ່ອນນີ້ບໍ່ດົນ, ລັດຖະບານມຽນມາປະກາດວ່າ, ອີງຕາມແຜນການປະຊາທິປະໄຕ 7 ຂໍ້, ມຽນມາຈະຈັດການເລືອກຕັ້ງທົ່ວໄປແບບຫຼາຍພັກໃນທົ່ວປະເທດພາຍໃນປີນີ້.
