ຜູ້ຕ້ອງສົງໄສສຳຄັນທີ່ວາງລະເບີດຢູ່ເກາະບາຫຼີຖືກຍິງຕາຍ
(GMT+08:00) 2010-03-09 16:57:07 cri
ຕາມຂ່າວສານຊີນຮວາ:ວັນທີ 9 ມີນານີ້,ຕຳຫຼວດອິນໂດເນເຊຍກ່າວວ່າ,ມື້ດຽວກັນ,ຕຳຫຼວດຕ້ານການກໍ່ການຮ້າຍຂອງອິນໂດເນເຊຍໄດ້ຍິງທ້າວດູນມາຕີນ,ຜູ້ຊ່ຽວຊານດ້ານລູກລະເບີດຂອງກຸ່ມ"ເຈມາ ອິສລາມີຢາ"ເສຍຊີວິດຢູ່ຊານເມືອງຈາກາກຕາ,ຊຶ່ງຜູ້ກ່ຽວເປັນຜູ້ຕ້ອງສົງໄສສຳຄັນທີ່ວາງລະເບີດຢູ່ເກາະບາຫຼີຂອງອິນໂດເນເຊຍໃນປີ 2002.
ວັນທີ 12 ຕຸລາປີ 2002,ຢູ່ເກາະບາຫຼີ,ແຫຼ່ງທ່ອງທ່ຽວທີ່ມີຊື່ສຽງຂອງອິນໂດເນເຊຍ,ໄດ້ເກີດເຫດການລະເບີດແບບກໍ່ການຮ້າຍທີ່ເຮັດໃຫ້ທົ່ວໂລກຕື່ນຕົກໃຈ,ຊຶ່ງມີ 202 ຄົນເສຍຊີວິດແລະ 330 ກວ່າຄົນບາດເຈັບ,ໃນນັ້ນ,ສ່ວນຫຼາຍແມ່ນນັກທ່ອງທ່ຽວຕ່າງປະເທດ. ທ້າວດູນມາຕີນທີ່ເຄີຍຮັບການຝຶກອົບຮົມຈາກກຸ່ມອານໄຄດາຢູ່ອັຟການິສະຖານຖືເປັນຜູ້ຕ້ອງສົງໄສທີ່ສຳຄັນໃນຄະດີລະເບີດດັ່ງກ່າວ.
