ຕາມຂ່າວຊິນຫວາ:ບໍລິສັດການບິນຕາເວັນອອກຈີນຈະເປີດຖ້ຽວບິນຈາກນະຄອນຫນານກິ່ງຈີນໄປສິງກະໂປນັບແຕ່ວັນທີ20ມີນານີ້ເປັນຕົ້ນໄປ.
ຖ້ຽວບິນດັ່ງກ່າວອາທິດຫນຶ່ງບິນສາມເທື່ອຄືວັນຈັນ,ວັນພະຫັດແລະວັນເສົາຜູ້ຮັບພິດຊອບສາຂາແຂວງຈ່ຽງຊູ່ບໍລິສັດການບິນຕາເວັນອອກຈີນກ່າວວ່າ, ຖ້ຽວບິນດັ່ງກ່າວຈະຂຸກຍູ້ການໄປມາຫາສູ່ກັນດ້ານການຄ້າແລະການທ່ອງທ່ຽວລະຫວ່າງແຂວງຈ່ຽງຊູ່ຈີນກັບສິງກະໂປ,ຈະຊັກຈູງການແລກປ່ຽນແລະການພັດທະນາຂອງສອງເຂດໃນຂົງເຂດສັງຄົມ,ເສດຖະກິດແລະວັດທະນາທໍາ
ແຂວງຈ່ຽງຊູ່ແລະສິງກະໂປມີການພົວພັນແລະການຮ່ວມມືຢູ່ໃນຂົງເຂດເສດຖະກິດ,ວິທະຍາສາດເຕັກໂນໂລຊີແລະວັດທະນາທໍາມາດົນນານ,ໂຄງການຮ່ວມມືໃຫຍ່ກວ່າຫມູ່ລະຫວ່າງລັດຖະບັນສອງປະເທດຄືສວນອຸດສາຫະກໍາຊູ່ໂຈ່ກໍ່ໄດ້ຕັ້ງຢູ່ແຂວງຈ່ຽງຊູ່.ປະຈຸບັນນີ້,ຈີນ-ສິງກະໂປຍັງຮ່ວມມືສ້າງໂຄງການເກາະເຕັກນິກຊີວະພາບໃຫມ່ຈີນ-ສິງກະໂປແລະສວນອຸດສາຫະກໍາຊູ່ທົ່ງຢູ່ນະຄອນຫນານກິ່ງແລະຫນານທົ່ງແຂວງຈ່ຽງຊູ່
