ປະທານາທິບໍດີອິນໂດເນເຊຍໄປຢ້ຽມຢາມອົສຕຼາລີ
(GMT+08:00) 2010-03-09 19:46:43 cri
ຕາມຂ່າວCRI：ຕອນເຊົ້າວັນທີ9ມີນານີ້, ທ່ານຊຸຊິໂລ ບຳບັງ ຢູໂຮຢູໂນປະທານາທິບໍດີອິນໂດເນເຊຍໄດ້ໄປຮອດນະຄອນແຄນເບຣາ,ແລະເລີ່ມຢ້ຽມຢາມອົສຕຼາລີເປັນເວລາ3ມື້.
ໃນໄລຍະຢ້ຽມຢາມຄັ້ງນີ້,ທ່ານຊຸຊິໂລແລະທ່ານເຄີວິນລູດນາຍົກລັດຖະມົນຕີອົສຕຼາລີຈະຈັດການເຈລະຈາກ່ຽວກັບບັນຫາທີ່ທັງສອງຝ່າຍສົນໃຈຮ່ວມກັນຄື:ການຄ້າຂາຍມະນຸດ,ການຍົກເລີກການເຕືອນນັກທ່ອງທ່ຽວອົສຕຼາລີທີ່ຢາກໄປທ່ຽວຢູ່ອິນໂດເນເຊຍແລະອື່ນໆ.ຄາດວ່າ,ສອງຝ່າຍຈະເຊັນສັນຍາກ່ຽວກັບຮ່ວມກັນຕ້ານການຄ້າຂາຍມະນຸດ.
ເດືອນຕຸລາປີ2002,ຢູ່ເກາະບາຫຼີອິນໂດເນເຊຍໄດ້ເກີດເຫດການລະເບີດແບບກໍ່ການຮ້າຍ,ໄດ້ເຮັດໃຫ້ປະຊາຊົນອົສຕຼາລີ88ຄົນເສຍຊີດ.ຫຼັງຈາກນັ້ນກະຊວງການຕ່າງປະເທດອົສຕຼາລີໄດ້ເຕືອນປະຊາຊົນອົສຕຼາລີຢ່າໄປທ່ຽວອິນໂດເນເຊໂດຍສະເພາະແມ່ນ ເກາະບາຫຼີ.
