ມຽນມາປະກາດໃຊ້ກົດໝາຍສະບັບໃໝ່ຫ້າມບໍ່ໃຫ້ພັກການເມືອງທີ່ບໍ່ເຂົ້າຮ່ວມການເລືອກຕັ້ງຄົງຕົວຢູ່ຕໍ່ໄປ
(GMT+08:00) 2010-03-10 18:50:45 cri
ຕາມຂ່າວສານຊີນຮວາ:ວັນທີ 10 ມີນານີ້,ໜັງສືພິມທາງການຂອງມຽນມາໄດ້ພິມເນື້ອໃນລະອຽດຂອງ《ກົດໝາຍວ່າດ້ວຍການຈົດທະບຽນພັກການເມືອງ》ທີ່ປະກາດໃຊ້ໃໝ່.ກົດໝາຍສະບັບໃໝ່ລະບຸໄວ້ວ່າ,ບໍ່ໃຫ້ພັກການເມືອງທີ່ບໍ່ເຂົ້າຮ່ວມການເລືອກຕັ້ງທົ່ວໄປຄົງຕົວຢູ່ຕໍ່ໄປຢ່າງຖືກກົດໝາຍອີກ.
ຂໍ້ກຳນົດໃນກົດໝາຍດັ່ງກ່າວຊີ້ອອກວ່າ,ຖ້າພັກການເມືອງໃດບໍ່ສະເໜີລາຍຊື່ຜູ້ສະໝັກຮັບເລືອກຕັ້ງ 3 ຄົນເຂົ້າຮ່ວມການແຂ່ງຂັນເລືອກຕັ້ງສະມາຊິກສະພາສະຫະພາບຫຼືສະມາຊິກສະພາຂັ້ນແຂວງ,ກໍ່ຈະບໍ່ໃຫ້ພັກການເມືອງດັ່ງກ່າວຄົງຕົວຢູ່ຕໍ່ໄປຢ່າງຖືກກົດໝາຍ.
ຕາມກົດໝາຍດັ່ງກ່າວ,10 ພັກການເມືອງທີ່ຖືກກົດໝາຍໃນປະຈຸບັນເຊິ່ງລວມທັງສະຫະພັນປະຊາທິປະໄຕທົ່ວປະເທດ,ພັກຝ່າຍຄ້ານທີ່ໃຫຍ່ກວ່າໝູ່ຂອງມຽນມາ,ຕ້ອງຈົດທະບຽນຄືນໃໝ່ພາຍໃນ 60 ວັນຫຼັງປະກາດໃຊ້ກົດໝາຍດັ່ງກ່າວ,ພ້ອມກັນນັ້ນ,ກໍ່ສາມາດສ້າງພັກການເມືອງໃໝ່ຕາມກົດໝາຍດັ່ງກ່າວໄດ້.
