ຕາມຂ່າວCRI:ໃນວັນທີ10ມີນານີ້ ທ່ານຫວຽດວັນເທີ ເອກອັກຄະລັດຖະທູດຫວຽດນາມປະຈຳຈີນມາຢ້ຽມຢາມວິທະຍຸສາກົນແຫ່ງປະເທດຈີນ.ໃນໂອກາອສອງສະພາຂອງຈີນພວມຈັດກອງປະຊຸມປະຈຳປີ ທ່ານຫວຽນວັນເທີອວຍພອນໃຫ້ກອງປະຊຸມດັ່ງກ່າວນີ້ປະສົບຜົນສຳເລັດແລະໄດ້ຕີລາຄາສູງຕໍ່ຜົນສຳເລັດອັນໃຫຍ່ຫລວງທີ່ລັດຖະບານຈີນຍາດມາໄດ້ໃນຊຸມປີມານີ້
ທ່ານຫວຽນວັນເທີ ໄດ້ໃຫ້ຄວາມສົນໃຈນຳການດັດແກ້ກົດຫມາຍວ່າດ້ວຍການເລືອກຕັ້ງ ເພີ່ນຍັງໄດ້ຮັບຮູ້ວ່າມີມາດຕາຂໍ້ຫນຶ່ງໃນກົດຫມາຍວ່າດ້ວຍການເລືອກຕັ້ງທີ່ດັດແກ້ໃຫມ່ໄດ້ກຳນົດວ່າຈັດບ່ອນຂຽນບັດເລືອກຕັ້ງໂດຍທາງລັບ.ຕໍ່ການແນະນຳຂອງທ່ານອວາງຈາວກົວ ຮອງປະທານສະພາປະຊາຊົນແຫ່ງ ຊາດຈີນ ກ່ຽວກັບ ການດັດແກ້ຮ່າງກົດຫມາຍວ່າດ້ວຍການເລືອກຕັ້ງນັ້ນ ທ່ານສະແດງຄວາມສະຫນັບສະຫນົນແລະຮັບຮູ້ນກົດຫມາຍສະບັບນີ້ ທ່ານໃຫ້ຄຳເຫັນວ່າການດັດແກ້ຄັ້ງນີ້ແມ່ນມີຄວາມສຳຄັນອັນໃຫຍ່ຕໍ່ການເນັ້ນຫນັກກຄວາມສະເຫມີພາບແລະລັກສະນະທົ່ວໄປຂອງການເລືອກຕັ້ງ.
