ລັດຖະບານໄທໂຕ້ຕອບຄວາມເວົ້າທີ່ບໍ່ມີມູນຄວາມຈີງກ່ຽວກັບຈະເກີດລັດຖະປະຫານ
(GMT+08:00) 2010-03-11 16:57:19 cri
ຕາມຂ່າວສານຊີນຮວາ:ວັນທີ 11 ມີນານີ້,ທ່ານປະນິທານ ວັດທະນາຍາກອນ,ໂຄສົກລັດຖະບານໄທກ່າວວ່າ,ວັນທີ 14 ມີນານີ້,"ກຸ່ມເສື້ອແດງ"ທີ່ສະໜັບສະໜູນທ່ານທັກສິນ ຊິນນະວັດ,ອະດີດນາຍົກລັດຖະມົນຕີໄທຈະຈັດການໂຮມຊຸມນຸມປະທ້ວງລັດຖະບານທີ່ຈະມີລ້ານຄົນເຂົ້າຮ່ວມຢູ່ບາງກອກ,ຂ່າວລືກ່ຽວກັບວ່າກ່ອນການໂຮມຊຸມນຸມຈະເກີດການລັດຖະປະຫານນັ້ນແມ່ນຄວາມເວົ້າທີ່ບໍ່ມີມູນຄວາມຈີງ.
ທ່ານດິດທະພອນ ສາສະມິດ,ໂຄສົກກອງບັນຊາການການຮັກສາຄວາມປອດໄພພາຍໃນປະເທດໄທກ່າວວ່າ,ຍ້ອນໄດ້ປະຕິບັດພະລາຊະບັນຍັດຮັກສາຄວາມໝັ້ນຄົງໃນລາຊະອານາຈັກ,ນັບແຕ່ຕອນເຊົ້າວັນທີ 11 ມີນານີ້ເປັນຕົ້ນມາ,ກອງທັບໄທຈະຈັດວາງກຳລັງທະຫານຢູ່ບາງກອກແລະ 7 ຈັງຫວັດອ້ອມຂ້າງ,ແລະຕັ້ງສະຖານີກວດກາ.ທ່ານຮຽກຮ້ອງໃຫ້ປະຊາຊົນຢ່າເປັນຫ່ວງແລະຢ້ານກົວຍ້ອນການຈັດວາງທະຫານ,ກອງທັບຈະບໍ່ໃຊ້ໂອກາດນີ້ມາກໍ່ການລັດຖະປະຫານ.
