ຜູ້ຊ່ຽວຊານອິນໂດເນເຊຍຍ້ອງຍໍບົດລາຍງານລັດຖະບານຂອງທ່ານເວີ່ນເຈ່ຍປາວ
(GMT+08:00) 2010-03-11 17:31:40 cri
ຕາມຂ່າວ CRI: ວັນທີ 11 ມີນານີ້, ໃນເວລາໃຫ້ສຳພາດຕໍ່ນັກຂ່າວວິທະຍຸ CRI, ທ່ານຊູນູ ບູດີຮາໂຈ, ອາຈານພິເສດຂອງຄະນະສັງຄົມແລະການເມືອງຂອງມະຫາວິທະຍາໄລສາສະໜາກຼິສອິນໂດເນເຊຍຍ້ອງຍໍບົດລາຍງານ ລັດຖະບານທີ່ທ່ານເວີ່ນເຈ່ຍປາວ ນາຍົກລັດຖະມົນຕີຈີນກ່າວໃນພິທີໄຂກອງປະຊຸມເທື່ອທີ 3 ຂອງສະພາປະຊາຊົນແຫ່ງຊາດຈີນສະໄໝທີ 11.
ທ່ານຊູນູກ່າວວ່າ, ບົດລາຍງານລັດຖະບານຂອງທ່ານເວີ່ນເຈ່ຍປາວໃນປີນີ້ດີຫຼາຍ. ປະຈຸບັນ, ວິກິດການເສດຖະກິດໄດ້ແຜ່ລາມຢູ່ທົ່ວໂລກ, ຈີນໄດ້ໃຊ້ນະໂຍບາຍລະງັບສະພາບການ, ອັດຕາເຕີບໂຕຂອງເສດຖະກິດໄດ້ບັນລຸລະດັບຄາດໄວ້ກ່ອນ. ລັດຖະບານຈີນຍັງໄດ້ປະຕິບັດມາດຕະການສ້າງຜົນປະໂຫຍດໃຫ້ແກ່ຊີວິດການເປັນຢູ່ຂອງປະຊາຊົນ, ກ່ຽວພັນເຖິງການສຶກສາ, ການປະກອບອາຊີບ, ເຮືອນຢູ່ແລະດ້ານອື່ນໆ, ມາດຕະການເຫຼົ່ານີ້ຂອງລັດຖະບານຈີນດີຫຼາຍແລະສຳຄັນຫຼາຍ.
