ຕາມຂ່າວCRI,ວັນທີ9ມິນານີ້, ກອງປະຊຸມລັດຖະບານໄທໄດ້ອະນຸມັດຍັດຕິກະຊວງການເງິນຂອງໄທສະໜອງເງິນກູ້655ລ້ານບາດໃຫ້ແກ່ລາວ,ເພື່ອຊ່ວຍເຫລືອລາວໃນດ້ານການກໍ່ສ້າງແລະສ້ອມແປງທາງຫລວງສໍາຄັນຂອງວຽງຈັນແລະຕອນທາງຢູ່ດິນລາວທີ່ຖືກໄພທໍາມະຊາດທໍາລາຍຂອງເສັ້ນທາງຊຽງລາຍຫາຄຸນມີງຈີນ.
ໃນເງິນກູ້655ລ້ານບາດນີ້,ຈະໃຊ້ສ້ອມແປງທາງຫລວງວຽງຈັນແມ່ນ250ລ້ານບາດ,ສ້ອມແປງທາງຫລວງວຽງຈັນແລະປັບປຸງສະພາບຄົມມະນາຄົມ,ເພື່ອກະກຽມກິດຈະກໍາສະຫລອງການສ້າງຕັ້ງວຽງຈັນເປັນນະຄອນຫລວງຄົບຮອບ450ປີ,ງົບປະມານສ້ອມແປງຕອນທາງຢູ່ດິນລາວຂອງເສັ້ນທາງຊຽງລາຍຫາຄຸນມີງແມ່ນ405ລ້ານບາດ,ທາງຕອນນີ້ຖືກໄພທໍາມະຊາດທໍາລາຍ,ມີຫລາຍຕອນຄວນສ້ອມແປງໃໝ່.ເງື່ອນໄຂທີ່ກະຊວງການເງິນຂອງໄທສະໜອງເງິນກູ້ແກ່ລາວແມ່ນອຸປະກອນ50%ຂຶ້ນໄປທີ່ລາວໃຊ້ໃນໂຄງການຕ້ອງຊື້ນໍາໄທ.
