ຈີນກັບອິນໂດເນເຊຍຈະຮ່ວມກັນຈັດງານວາງສະແດງກິດຈະການກົນຈັກຢູ່ຈາກາຕາ
(GMT+08:00) 2010-03-12 15:18:02 cri
ຕາມຂ່າວຊິນຮວາ：ໃນວັນທີ່26ເດືອນພຶດສະພາຈີນກັບອິນໂດເນເຊຍຈະຮ່ວມກັນຈັດງານວາງສະແດງເຄື່ອງກົນຈັກວິສະວະກຳ,ກົນຈັກຂຸດຄົ້ນບໍ່ແຮ່ແລະກົນຈັກກໍ່ສ້າງເຊິ່ງເປັນກິດຈະກຳໜຶ່ງທີໃນການສະເຫຼີມສະຫຼອງຈີນກັບອິນໂດເນເຊຍສ້າງຕັ້ງສາຍພົວພັນທາງການທູດຄົບຮອບ60ປີ.
ໃນວັນທີ່10ມີນານີ້ສະພາກຳມະການຊຸກຍູ້ການຄ້າສາກົນຈີນ, ສະພາການຄ້າຮັບເຫມົາໂຄງການຕ່າງປະເທດຈີນ,ກະຊວງໂຍທາສາທາລະນະອິນໂດເນເຊຍແລະສະພາຮັບເຫມົາໂຄງການອິນໂດເນເຊຍໄດ້ຈັດກອງປະຊຸມຂ່າວແລະໄດ້ຖະແຫຼງວ່າ:ການຈັດງານວາງສະແດງຂະໜາດໃຫມ່ເທື່ອນີ້ແມ່ນເພື່ອຊຸກຍູ້ພາກລັດແລະພາກເອກະຊົນຂອງສອງປະເທດໃຫ້ມີການຕິດຕໍ່ພົວພັນຫຼາຍລະດັບແລະຫຼາຍຊ່ອງທາງເພີ່ມຂຶ້ນ,ເພີ່ມທະວີແລະເປີດກວ້າງຄວາມເຂົ້າໃຈແລະການຮ່ວມມືກັນຕື່ມອີກ.
ເຈົ້າໜ້າທີ່ກະຊວງໂຍທາສາທາລະນະອິນໂດເນເຊຍຫວັງຢາກຊຸກຍູ້ການຮ່ວມມືໃນຂົງເຂດກໍ່ສ້າງພື້ນຖານໂຄງລ່າງ,ເພີ່ມການລົງທຶນຂອງຈີນຢູ່ອິນໂດເນເຊຍຕື່ມອີກ,ເພື່ອໃຫ້ການຮ່ວມມືດ້ານການຄ້າຂອງສອງຝ່າຍໄດ້ຮັບການພັດທະນາຢ່າງວອງໄວ.
