ຮອງນາຍົກລັດຖະມົນຕີໄທກ່າວວ່າ, ໄທຈະບໍ່ເກີດສົງຄາມກາງເມືອງ
(GMT+08:00) 2010-03-12 17:04:32 cri
ຕາມຂ່າວສານຊິ່ນຮວາ: ວັນທີ 12 ມີນານີ້, ທ່ານສຸເທບ ເທືອກສຸບັນ, ຮອງນາຍົກລັດຖະມົນຕີໄທທີ່ຮັບຜິດຊອບວຽກງານຄວາມໝັ້ນຄົງກ່າວວ່າ, ລັດຖະບານຈະບໍ່ໃຊ້ກຳລັງອາວຸດຕໍ່ຜູ້ໂຮມຊຸມນຸມປະທ້ວງຂອງກຸ່ມເສື້ອແດງ ທີ່ສະໜັບສະໜູນທ່ານທັກສິນ ຊິນນະວັດ, ອະດີດນາຍົກລັດຖະມົນຕີໄທ, ແລະໄທກໍ່ຈະ ບໍ່ເກີດສົງຄາມກາງເມືອງ.
ທ່ານສຸເທບກ່າວວ່າ, ທະຫານຕຳຫຼວດທີ່ຮັກສາລະບຽບກົດໝາຍກັບຜູ້ປະທ້ວງຂອງກຸ່ມເສື້ອແດງຈະບໍ່ເກີດການປະທະກັນດ້ວຍກຳລັງຮຸນແຮງ, ຖ້າຜູ້ນຳກຸ່ມເສື້ອແດງຍຸຍົງໃຫ້ໃຊ້ກຳລັງຮຸນແຮງກໍ່ຈະຖືກຈັບ, ທ່ານຮຽກຮ້ອງໃຫ້ປະຊາຊົນຢ່າຕື່ນຕົກໃຈ.
ຕອນເຊົ້າວັນທີ 12 ມີນານີ້, ກຸ່ມເສືອແດງເລີ່ມໂຮມຊຸມນຸມຢູ່ຫຼາຍແຫ່ງຢູ່ນອກນະຄອນບາງກອກ, ກຽມເດີນທາງເຂົ້າໄປບາງກອກ. ໃນຂະນະດຽວກັນ, ທະຫານຕຳຫຼວດໄດ້ຈັດຕັ້ງຈຸດກວດກາຢູ່ຕາມທາງຫຼວງສຳຄັນທີ່ເຂົ້າໄປສູ່ນະຄອນຫຼວງບາງກອກ, ເລີ່ມກວດກາລົດຍົນນັບແຕ່ຕອນກາງຄືນຂອງວັນທີ 11 ມີນານີ້, ມາຮອດປະຈຸບັນ, ຍັງບໍ່ທັນປະກົດເຫັນການກະທຳຜິດກົດໝາຍເທື່ອ.
