ຕາມຂ່າວCRI,ໃນຕອນທ່ຽງວັນທີ12ມີນານີ້,ຜູ້ປະທ້ວງກຸ່ມແນວໂຮມປະຊາທິປະໄຕຕໍ່ຕ້ານຜະເດັດການໄທຫລືກຸ່ມເສື້ອແດງເລີ່ມເດີນທາງໄປບາງກອກເພື່ອໂຮມຊຸມນຸມປະທ້ວງຢູ່5ບ່ອນຂອງບາງກອກ,ຮຽກຮ້ອງລັດຖະບານອະພິສິດເວດຊາຊີວະລາອອກຕໍ່າແໜ່ງ.ປັດຈຸບັນນີ້,ຢູ່ແຕ່ລະບ່ອນປະທ້ວງມິລະບຽບການປົກກະຕິ,ຜູ້ປະທ້ວງບໍ່ໄດ້ອັດຕັນເສັ້ນທາງ,ແຕ່ເດີນຕາມທາງຄົນຍ່າງ.
ນອກຈາກນີ້,ໃນວັນທີ12ມີນານີ້,ຜູ້ປະທ້ວງຂອງໄທເສື້ອແດງຂອງຈັງຫວັດຕ່າງໆໃນພາກອີສານແລະພາກເຫນືອໄທເລີ່ມເດີນທາງເຂົ້າບາງກອກ,ການໂຮມຊຸມນຸມປະທ້ວງຢ່າງຂະຫນາດໃຫຍ່,ຈະດຳເນີນໃນຕອນທ່ຽວວັນທີ14ມີນາ,ຈຸດປະສົງແມ່ນເພື່ອຮຽກຮ້ອງລັດຖະບານຍຸບລັດຖະບານແລະຈັດການເລືອກຕັ້ງໃຫມ່.ທ່ານນັດທະວຸດໄຊເກື້ອຫນຶ່ງໃນບັນດາການນໍາຂອງກຸ່ມເສື້ອແດງກ່າວວ່າ,ຖ້າລັດຖະບານບໍ່ຕອບສະໜອງຄວາມຮຽກຮ້ອງດັ່ງກ່າວ,ຂະຫນາດຂອງການປະທ້ວງໃນວັນທີ15ຈະຍົກລະດັບຂຶ້ນອີກ,ກຸ່ມເສື້ອແດງຈຳນວນລ້ານຄົນຈະປິດລ້ອມເທສະບານບາງກອກຈົນວ່າລັດຖະບານຍອມຮັບຄວາມຮຽກຮ້ອງດັ່ງກ່າວຂອງຜູ້ປະທ້ວງ.
