ງານໂຄສະນາງານວາງສະແດງໂລກຊຽງໄຮຈັດຂຶ້ນຢູ່ນະຄອນຫຼວງຮາໂນຍຂອງຫວຽດນາມ
(GMT+08:00) 2010-03-13 16:20:21 cri
ຕາມຂ່າວສານຊິນຮວາ, ວັນທີ12ມີນານີ້, ງານໂຄສະນາງານວາງສະແດງໂລກຊຽງໄຮ2010ກໍຄືພິທີເລີ່ມຈຳໜ່າຍປີ້ເຂົ້າຊົມໄດ້ຈັດຂຶ້ນຢູ່ນະຄອນຫຼວງຮາໂນຍຂອງຫວຽດນາມ. ນີ້ເປັນຂີດໝາຍສະແດງໃຫ້ເຫັນວ່າກິດຈະກຳໂຄສະນາງານວາງສະແດງໂລກຢູ່ຫວຽດນາມໄດ້ເຂົ້າສູ່ໄລຍະຄຶກຄັກທີ່ສຸດແລ້ວ. ທ່ານເສິນຊຽນຈິ້ນ ຮອງຫົວໜ້າກົມປະສານງານວຽກງານວາງສະແດງໂລກຊຽງໄຮ, ທ່ານຊຸ່ນກົວສຽງ ເອກອັກຄະລັດຖະທູດຈີນປະຈຳຫວຽດນາມພ້ອມດ້ວຍເຈົ້າໜ້າທີ່ລັດຖະບານ, ຜູ້ແທນວົງການທ່ອງທ່ຽວແລະວົງການວິສາຫະກິດຂອງຫວຽດນາມໄດ້ເຂົ້າຮ່ວມພິທີ.
ໃນພິທີ, ທ່ານເສິນຊຽນຈິ້ນກ່າວວ່າ, ຕົວແທນຈຳໜ່າຍປີ້ເຂົ້າຊົມງານວາງສະແດງໂລກຊຽງໄຮຂອງຫວຽດນາມຈະສ້າງຄວາມສະດວກໃຫ້ແກ່ນັກທ່ອງທ່ຽວຫວຽດນາມຊື້ປີ້ຫຼືຈັດຕັ້ງຄະນະທ່ອງທ່ຽວໄປທ່ຽວຊົມງານວາງສະແດງໂລກຊຽງໄຮ, ພ້ອມກັນນັ້ນ, ຈະສະໜອງຜະລິດຕະພັນທ່ອງທ່ຽວທີ່ກ່ຽວຂ້ອງໂດຍອີງໃສ່ຈຸດພິເສດຂອງຕະຫຼາດຫວຽດນາມ, ຈັດກອງປະຊຸມປະຈຳປີທີ່ເໝາະສົມໃຫ້ແກ່ສະມາຄົມການຄ້າແລະວິສາຫະກິດຂອງຫວຽດນາມ, ປະສານງານ, ຕິດຕໍ່ພົວພັນແລະຈັດເວທີປຶກສາຫາລືວິຊາການຕ່າງໆຢູ່ໃນເຂດສວນງານວາງສະແດງໂລກຊຽງໄຮແລະອື່ນໆ.
